Volda vassverk - spyling av leidningsnett

Klikk for stort bilete  Volda vassverk har begynt spyling av trykksoner på ledningsnettet.

Vi skal spyle i sona Røyslida Aust fyrst. Sona har utgangspunkt i høgdebassenget Bregnevegen og går langs Røyslidvegen austover mot øvre Heltnevegen – nedre Bakkelidvegen – Rotevatnet – Vassbotnen.
Vidare omfattar sona  Symrevegen – Kårstadvegen – Nytun - Øvre Rotset og ned til Markvegen. 
Arbeidet vil starte klokka 08.00, med slutt klokka 15.30 på kvardagar. Det vert teke veratterhald.

Spylinga i denne sona vil nok pågå i 3 veker (2. okt. - 24. okt.) Volda kommune brukar varsling 24 og sender ut melding til dei abonnentane som blir berørte, dagen før spylinga skjer. Dagen dokke har fått melding om spyling, bør de unngå å vaske klede og bruk av varmt vatn mellom kl. 08 - 15.30. Vatnet kan bli noko misfarga den dagen me spyler.
Om vatnet ikkje vert reint etter 15.30 , opne då kaldevasskrana og lat det renne til det blir reint.

Mvh
Volda Vassverk
Mob. 901 78 008