Smittetal i veke 52: 

Volda kommune har fått meldt totalt 24 smittetilfelle hittil denne veka.

Status 02.01.22

Volda kommune har siste døgnet  fått meldt 2 nye positive Covid-19 prøver. Begge har kjent smitteveg og er fullvaksinerte.

Status 01.01.22

Volda kommune har fått meldt 2 nye smittetilfelle siste døgnet i 2021. Begge var kjente nærontakter og begge er vaksinerte.

Status 31.12.21

Volda kommune har siste døgnet motteke 9 nye positive Covid-19 prøver. Sju av desse har kjent smitteveg, og to har ukjent smitteveg. Sju er fullvaksinert og to er uvaksinerte. 

Status 30.12.21

Volda kommune har siste døgn fått meldt tre nye smittetilfelle av Covid-19. Alle fullvaksinerte. To med ukjent smitteveg og ei nærkontakt.

Status 29.12.21

Volda kommune har siste døgn fått meldt 5 nye tilfelle av Covid-19. Alle har kjend smitteveg/nærkontakt og har vore i karantene. Ein er vaksinert og fire er uvaksinerte.

Status 28.12.21

Volda kommune har siste døgnet fått meldt tre nye tilfelle av Covid-19.

To tilfelle har ukjent smitteveg og eitt tilfelle er nærkontakt.

To er fullvaksinsert og ein er uvaksinert.

Status 27.12.21

Volda kommune har ikkje fått meldt fleire positive prøver siste døgnet.

Smittetal i veke 51: 

Volda kommune har fått meldt totalt 14 smittetilfelle hittil denne veka.

Status 25.12.21

Volda kommune har siste døgnet fått meldt 1 positiv Covid-19 prøve. Vedkomande er fullvaksinert. Smitteveg er førebels ukjend.

Status 24.12.21

Volda kommune har siste døgn fått meldt 3 nye tilfelle med Covid-19. Alle er nærkontaktar. Ein er fullvaksinert og to er uvaksinerte barn.

Status 23.12.21

Volda kommune har siste døgn fått meldt 1 nytt tilfelle med Covid-19. Vedkomande er fullvaksinert og har førebels ukjend smitteveg.

Status 22.12.21

Volda kommune har siste døgn fått meldt 5 nye tilfelle med Covid-19. Tre med ukjend smitteveg og to nærkontaktar. Tre er uvaksinert og to er vaksinerte.

Status 21.12.21

Volda kommune har siste døgn fått meldt 4 nye tilfelle med Covid-19. Alle harr kjent smitteveg. Ein er uvaksinert og tre er fullvaksinerte.

Smittetal i veke 50: 

Volda kommune har fått meldt totalt 32 smittetilfelle denne veka.

Status 20.12.21

Volda kommune har siste døgn fått meldt 5 nye tilfelle med Covid-19. Tre med kjend smitteveg/nærkontakt og to med ukjent smitteveg. To er uvaksinert , to er fullvaksinert og ein hadde fått oppfriskningsdose.

Status 19.12.21

Volda kommune har siste døgn fått meldt 3 nye tilfelle med Covid-19. Alle er uvaksinert og alle er knytt til smitteutbrotet på Øyra og har kjend smitteveg.

Status 18.12.21

Volda kommune har siste døgn fått meldt 4 nye tilfelle med Covid-19. Ein er vaksinert og tre er fullvaksinert. Alle har kjend smitteveg/nærkontakt.

Status 17.12.21

Volda kommune har siste døgn fått meldt 9 nye tilfelle med Covid-19. To er uvaksinert, ein er vaksinert med ei dose og fem er fullvaksinert. Tre har kjend smitteveg/nærkontakt, ein med sannsynleg smitteveg og fem med ukjent smitteveg.

Det er no totalt fem positive tilfelle som har vore på Family Sports Clup i smitteførande fase, frå forrige laurdag til onsdag denne veka.

Status 16.12.21

Volda kommune har siste døgn fått meldt 5 nye tilfelle med Covid-19. Fire er uvaksinert og ein fullvaksinert. Trehar kjend smitteveg, ein med sannsynleg smitteveg og ein med ukjent smitteveg

Status 15.12.21

Volda kommune har siste døgn fått meldt 3 nye tilfelle med Covid-19. Ein uvaksinert, ein delvaksinert og ein fullvaksinert. Alle har kjend smitteveg. 

Status 14.12.21

Volda kommune har siste døgn fått meldt 3 nye tilfelle med Covid-19. Ein uvaksinert, ein delvaksinert og ein fullvaksinert. Ein av desse har ukjend smitteveg. Dei to andre er nærkontaktar til barneskulefamiliar.

Smittetal i veke 49: 

Volda kommune har fått meldt totalt 63 smittetilfelle ved utgangen av veka.

Status 13.12.21

Volda kommune har siste døgn fått meldt 2 nye tilfelle med Covid-19. Alle er kjende nærkontaktar knytt til smitteutbrotet på Øyra. Ein er vaksinert og ein er uvaksinert.

Status 12.12.21

Volda kommune har siste døgn fått meldt 5 nye tilfelle med Covid-19. To er vaksinerte og tre er uvaksinerte. Alle er nærkontaktar i samband med utbrotet i barneskulen.

Status 11.12.21

Volda Kommune har siste døgnet fått meldt 8 nye tilfelle med Covid-19. Alle har kjende nærkontakter. 7 er fullvaksinerte og 1 uvaksinert. Hittil denne veka 55 smittetilfelle.

Status 10.12.21, kl 07.10

Volda kommune har siste døgn (09.12) fått 13 nye tilfelle av Covid-19. Av desse er 9 uvaksinerte og 4 vaksinerte. En har ukjent smitteveg mens resten er nærkontakter.

Følgande skular er råka:

Øyra skule, 1., 2. og 7. klassetrinn.

Oppdatering kl 13.00:

Det er sendt ut pressemelding - Vedtak om heimeundervisning for elevane ved Dalsfjord skule og Øyra skule f.o.m. 13.12.21 t-o-m- 21.12.21.

I tillegg kjem kommunen med sterk anbefaling om sju dagar karantene for husstandsmedlemmar og tilsvarande nære til smitta med Covid-19. 

Kommunen anbefaler sterkt at personar i same husstand eller tilsvarande nære til smitta person held seg i karantene i sju dagar, uavhengig testresultat. Dette gjeld både fullvaksinerte, delvaksinerte og uvaksinerte. Vi anbefaler at slike nærkontaktar testar seg med PCR-test straks og på dag 5 i karanteneperioden. 

Om testing:

Det er ikkje nødvendig å ta ny PCR-test før det har gått 3 månader etter gjennomgått Covid-19. Dei som har smitte i omgjevnadane sine, kan hente PCR testar i opningstida til teststasjonen for ha heime ved behov.

OPNINGSTIDER VED TESTSTASJONEN:

Mån. - fre. kl. 08.30 - 15.00  (henting og levering av utstyr, drop in testing)

Adresse: Langemyra 3, Hovdebygda

Innlevering av prøver: Koronateststasjonen mån. - fre. kl 08.30 - 15.00.

Koronatelefon (teststasjonen): 700 58 960, open mån. - fre. kl 10.00-12.00

Status 09.12.21

Vi endrar  varslingsrutine. I staden for å legge ut smittetal fleire gongar i døgnet, starta vi førre veke å legge ut ein gang i døgnet. Dette vart gjort for å gje enklare oversikt over meldte smittetilfelle. Vil vil no endre rutine frå å melde om smittetal seint på kveld, til tidleg påfylgjande dag. Dermed vil vi få med alle meldte smittetal pr døgn i ei melding. Dette meiner vi er forsvarleg å gjere. Dei som er råka får direkte beskjed frå smittesporingsteamet i kommunen. Barnehage og skule får informasjon frå sektor oppvekst.

Etter dei nasjonale reglane, skal dei med påvist Covid-19 sjølv melde frå til sine nærkontakter.

Smittesituasjonen vert følgt tett og det vert kontinuerleg vurdert om Volda kommune skal innføre lokale tiltak.

Status 08.12.21

Volda kommune har fått meldt 5 nye tilfelle av Covid-19 siste døgnet. Majoriteten av dei som er smitta siste veka er uvaksinerte barn. Dei det gjeld har fått informasjon direkte frå smittesporingsteamet.

Følgande skular er råka:

• Øyra skule, 3., 4. og 5. klassetrinn
• Dalsfjord skule.

Status 07.12.21

• Oppdatering 08.12.21: 

Volda kommune fekk seint i går kveld meldt 18 nye, der 3 var meldt tidlegare med hurtigtest. Det er spredt smitte rundt omkring. Rotset barnehage, Øyra skule med smitte i 4 klasser, Vaksenopplæringa, Volda ungdomskule med ei klasse samt Dalsfjord skule. Barnehagar og skular er kontakta av leiinga i kommunen, der dei har fått informasjon direkte. Dei får også utlevert koronatestar.

• Oppdatering 07.12.21, kl 20.30: 

Volda kommune har siste døgnet fått 6 smittetilfelle med Covid-19. Ei 3. klasse på Øyra skule er blant dei som er råka, og dei dette gjeld har fått melding frå skulen.

Kommunen minner om at det fortsatt er viktig at ein held seg heime og testar deg ved symptom. Ved symptom er det anbefalt å få tatt PCR-test.

Status 06.12.21

Volda kommune har siste døgnet fått meldt 8 nye tilfelle med Covid-19. Vi har fleire tilfelle i ei klasse ved Øyra skule, her har heile klassa tatt PCR test i dag.  Vi har eit tilfelle ved Volda Ungdomskule, denne klassa er bedt om å ta PCR-test i morgon og ikkje møte på skulen før svar ligg føre. Eiga melding er sendt ut til dei dette gjeld.

Smitteveg: Av dei smitta er 1 smitta på utenlandsreise og 7 har kjent smitteveg.

Vaksinestatus: 2 er fullvaksinerte og 6 er uvaksinerte.

Status 05.12.21

Volda kommune har fått  meldt om fire nye tilfelle med Covid-19 siste døgnet. Tre har kjent smitteveg, og ein har ukjent smitteveg. 

Status 04.12.21 

Volda kommune har fått to nye tilfelle med Covid-19 siste døgnet. Ein sannsynleg smitta på utanlandstur og ein med ukjent smitteveg. Begge er fullvaksinerte.

Status 03.12.21 

Volda kommune har fått meldt 4 nye smittetilfelle med covid-19 siste døgnet. Tre av dei har kjent smitteveg og ein med ukjent smitteveg.

Denne gangen er Hornindal barnehage blant dei råka, og det er eit til smittetilfelle på ungdomstrinnet på Dalsfjord skule. Elevar, føresette og tilsette ved Hornindal barnehage og Dalsfjord skule har fått informasjon og får utdelt hurtigtestar

Her kan du lese om dei nye nasjonale tiltaka.

Her finn du informasjon med råd til deg som er nærkontakt til ein smitta person (fhi.no).

Status 17.11.21, kl 19.00

Volda kommune fekk i kveld melding om ytterlegare eit smittetilfelle med covid-19. Vedkomande har vore i nærkontakt med eit kjent smittetilfelle og var fullvaksinert.

Status 17.11.21, kl 15.40

Volda kommune fekk melding om ytterlegare 2 smittetilfelle med covid-19. Begge er husstandsmedlem med kjende smittetilfelle, og utløyser ingen nye nærkontaktar.

Status 17.11.21, kl 14.00

Volda kommune har i dag 17.11. fått melding om to nye smittetilfeller med covid-19.

Begge smittetilfella er husstandsmedlem med tidlegare kjende smittetilfeller.

Følgande er no råka:

• Éi 5. klasse på Øyra skule
• Volda FFO
• Eit fotballag i Volda

Føresette i den aktuelle skuleklassa er informert av skulen og får utlevert hurtigtestar der. For øvrige nærkontaktar vil ein finne meir informasjon her: https://www.fhi.no/

Kommentar:

Årsaka til at så mange vert råka er at ein kan ha vore smitteførande i 48 timar før ein får symptom eller positiv test. Det betyr altså ikkje at nokon har møtt opp på skule eller trening med positiv test eller symptom. Kommunen opplever at familiar som får påvist smitte tek det på alvor og følger FHI sine tilrådingar for smitta og nærkontaktar i husstanden. Likevel vert det diverre mange smitta i kvar familie, då koronaviruset er svært smittsomt og også smitter ein del fullvaksinerte husstandsmedlem. 

Statusoppdatering 16.11.21, kl 23.00

Volda kommune fekk i kveld kl 22.30 melding om eit nytt smittetilfelle med covid-19. Vedkomande er smitta i husstanden, og utløyser ingen nye nærkontaktar.

Statusoppdatering 16.11.21, kl 19.00

Volda kommune fekk i kveld meldt ytterlegare 2 nye smittetilfelle med covid-19. Begge er nærkontaktar til tidlegare kjende smittetilfelle, og ingen av dei har nærkontaktar utanfor husstanden

Statusoppdatering 16.11.21, kl 15.00

Volda kommune har i dag fått meldt 2 nye smittetilfelle med Covid-19. Begge er nærkontaktar med tidlegare kjende smittetilfelle. Ei klasse på Ørsta vgs og ei faggruppe på Volda vgs er råka. Desse får informasjon og hurtigtestar frå skulen.

Statusoppdatering 16.11.21

- feil om smitte - innfører gult nivå på Øyra skule

Innfører gult nivå på Øyra skule

Kriseleiinga har i samråd med konstituert kommuneoverlege bestemt at Øyra skule går over til gult nivå 16.11.21.  Dette tiltaket er ikkje tidfesta, men det vil vare så lenge smittesituasjonen tilseier det. 

Feil om koronasmitte i Volda og Ørsta meldt 09.11.21

På ettermiddagen den 09.11 fekk Volda og Ørsta melding om 15 nye tilfelle av Covid-19.

Sjølv om vi har vore forberedt på meir smitte lenge, kom dette litt overraskande på oss som jobbar med dette. Det var fleire ting som peika på at det kunne være snakk om at nokre av dei var falske positive og vi valde derfor i dialog med dei det gjeld å ta nye testar. Alle vi retesta fekk negativt svar på ny test.

Laboratoriet i Molde har teke saka svært alvorleg og jobba intensivt for å finne ut kvar feilen låg. Feilen var ikkje ei forureining i maskina som dei først mistenkte, men dei har no funne at feil datafil vart kopla til prøvesettet frå Volda og Ørsta, noko som gjorde at mange av prøvene frå dette prøvesettet fekk feil prøvesvar. Dei beklagar situasjonen og seier at dette ikkje skal skje. Det er svært viktig at folk har tillit til prøveresultatet. Dei har analysert alle prøvene i det prøvesettet på nytt, så alle kan føle seg trygge på at dei no har fått rett svar.

Dette betyr altså at alle dei 15 som vart meldt tysdag 09.11 aldri var smitta med korona. Dei dette gjeld har fått beskjed. 

Det positive med situasjonen er at vi sist veke testa over 1000 personar på teststasjonen og delte ut fleire tusen hurtigtestar. Ørsta og Volda er ikkje fri for smitte, men omfanget av villsmitte er truleg ikkje like omfattande som ein kunne få inntrykk av den 09.11. Utbrotet vi ser no er først og fremst blant skulebarn, og det er alvorleg nok, men det kunne altså i første omgang sjå ut som starten på eit mykje større og meir helsemessig omfattande utbrot.

Oppdatering 15.11.21, kl 22.00

Volda kommune fekk i kveld meldt ytterlegare 10 smittetilfelle med covid-19.

7 av desse er nærkontaktar med tidlegare kjende smittetilfelle, ein har usikker smitteveg og to har førebels ukjend smitteveg.

Éin av dei smitta er tilsett ved omsorgssenteret i Volda og var fullvaksinert.

Alle bebuarane ved avdelinga er fullvaksinerte med 3 doser, siste dose sett for tre veker sidan. Alle har tatt PCR-test. Vi har ikkje fått svar på PCR-testen enno.

Alle nærkontaktane på jobb har hurtigtesta seg, og har fått negative resultat på hurtigtesten. Dei er også testa med PCR test. Denne har det ikkje kome svar på.

Avdelinga følger FHI sine tilrådingar for testing av tilsette og bebuarar ved påvist smitte i helseinstitusjon.

Følgande barnehagar og skular er no råka:

• Ei avdeling i Røysmarka barnehage
• Ei 4. klasse på Øyra skule
• Ei 6. klasse på Øyra skule
• Ei 8. klasse på Volda ungdomsskule
• Ei 10. klasse på Volda ungdomsskule

Føresette til barna i desse avdelingane og klassene vil verte informerte av barnehagen og skulen, og vil få utlevert hurtigtestar. Ved symptom bør dei ta ein PCR-test på teststasjonen.

Status 15.11.21, kl 17.00

Volda kommune fekk i dag 15.11. melding om 13 nye smittetilfelle med covid-19.

11 av dei har kjent smitteveg, og er smitta i husstandar eller klasser med kjent smitte. To har førebels ukjend smitteveg.

Følgande skular og barnehage er no råka:

• To avdelingar ved Øyra barnehage
• Ei 9. klasse ved Volda ungdomsskule

Føresette til barna i aktuelle avdelingar og klasser vert informert av barnehagen og skulen, og vil få utlevert hurtigtestar til heimetest.

Det vert råda til at desse avdelingane/klassene tek to hurtigtestar med 24 timars mellomrom. Dersom dei får symptom, bør dei ta ein PCR-test på teststasjonen.

Teststasjonen har tatt fleire prøver som er til analysere. Det kan kome melding om fleire positive prøvesvar i løpet av kvelden.

Koronastatus 12.11.21 oppdatert kl 22.00:

Volda kommune fekk i kveld melding om ytterlegare eit nytt smittetilfelle med covid-19. Vedkomande tok test grunna påvist smitte i klassen.

Det er tilsaman meldt om 8 nye smittetilfelle 12.11.21

Smitten er i hovudsak er blant barn, men det er også nokre vaksne nærkontaktar som har testa positivt. Dei siste 3 dagane har det vore 12 smitta under 16 år og 7 over 16 år.

Koronastatus 12.11.21 oppdatert kl 18.00:

Volda kommune fekk kl 18.00 meldt ytterlegare eit nytt smittetilfelle med covid-19. Vedkomande var uvaksinert, vart testa etter nærkontakt med kjende smittetilfelle og utløyser ingen nye nærkontakter. Til orientering: - Den smitta går i ei klasse med kjent smitte, som har fått utlevert hurtigtestar i dag.

Status 12.11.21, kl 17.00

Volda kommune fekk i dag 12.11 melding om 6 nye smittetilfelle med covid-19.

Fem var uvaksinerte og éin er delvaksinert. Alle er nærkontakter med tidlegare kjende smittetilfelle.

Følgande nye klasser er no råka:  

• Éi 3. klasse på Øyra skule

Føresette vert informert av skulen og vil få utlevert hurtigtestar på skulen.

Det vert tilrådd at elevane i klassa med påvist smitte tek to hurtigtestar heime med 24 timars mellomrom. Dersom ein får symptom eller positiv heimetest, må ein ta PCR-test på teststasjonen i Hovdebygda og halde seg heime til det er svar på denne.

Status 11.11.21, kl 22.00

Volda kommune fikk i kveld meldt ytterlegare to positive smittetilfelle med covid-19. Ein har ukjent smittekjelde og ein har usikker smittekjelde. Begge testa seg på grunn av symptom.

Ei ny klasse i 10. klassesteg ved Volda ungdomsskole er råka.

Status 11.11.21, kl 17.00

Volda kommune fekk i dag, 11.11.21, melding om 5 nye smittetilfelle med covid-19.

Éin var fullvaksinert og 4 uvaksinerte. Ein har ukjend smitteveg, 2 har usikker smitteveg og 2 er nærkontakter.

Følgande skular og barnehagar er no råka:

⁃ Éi avdeling i Engeset barnehage

⁃ Éi ny 7. klasse på Øyra skule

Føresette til desse barna vert informert frå skulen og barnehagen, og dei vil få utlevert hurtigtestar.

Dersom dei får symptom bør dei ta ein PCR-test på teststasjonen.

Det har elles vore stor testaktivitet på teststasjonen dei siste dagane. Flott at befolkninga tek ansvar, held seg heime og tek test når dei er sjuke.

Det er venta mange prøvesvar i løpet av kvelden og morgondagen. 

Status 10.11.21

Volda kommune har i dag 10.11. fått melding om 5 nye smittetilfeller med covid-19. Dei testa seg pga. symptom og er uvaksinerte.

Følgande skular er råka:  

• Bratteberg skule, 1. klassesteg og SFO
• Øyra skule, 6. og 7. klassesteg
• Volda ungdomsskule, 10. klassesteg

Desse elevane vil få utlevert to hurtigtestar kvar på skulen i morgon som dei kan ta heime med 24 timars mellomrom. Dersom dei vert sjuke bør dei halde seg heime og bestille ein PCR-test på teststasjonen i Hovdebygda.
 

Status 09.11.21

Volda og Ørsta kommunar fekk i kveld 09.11. melding om 15 nye smittetilfeller med covid-19, der 8 bur i Ørsta og 7 bur i Volda. To har kjent smitteveg, ein har usikker smitteveg og 12 har førebels ukjent smitteveg.

Det blir delt ut hurtigtestar til dei som er nærkontaktar. Desse skal ta to hurtigtestar heime med 24 timars mellomrom. Dersom dei får symptom, bør dei halde deg heime og ta ein PCR-test på teststasjonen. Dei dette gjeld får informasjon direkte.

Det har vore personar i smitteførande fase i butikkar, på kino, på festar og forskjellige arrangement i kommunane i helga som var. Kommunen oppfordrar difor alle til å følge godt med om ein får symptom, halde seg heime om ein vert sjuk og ta ein PCR-test på teststasjonen. Dette gjeld óg fullvaksinerte og barn under 12 år.

Status 08.11.21

Volda fekk i går kveld meldt eit nytt tilfelle av Covid-19. Vedkomande testa seg grunna symptom. Smittekjelda er ukjent.

Status 05.11.21

Volda kommune fekk i dag 05.11. melding om to nye smittetilfeller med covid-19. Begge var fullvaksinerte og testa seg pga. symptom. For den eine er smittevegen førebels ukjend, og det andre tilfellet har usikker smitteveg. Dei smitta vil sjølv varsle sine nærkontakter utanfor husstanden.

På fhi.no kan du finne råda som gjeld for deg som er nærkontakt.

Pause i utlevering av hurtigtestar

Fredag 05.11. vert siste dag med utlevering av gratis hurtigtestar frå teststasjonen. Det vert då ei pause i påvente av nye leveransar frå myndigheitene. Kommunen har framleis et beredskapslager med hurtigtestar som kan delast ut ved utbrot eller smitte i familiar. Ein vil då få beskjed om når og kvar ein kan hente desse testane.

Ein kan framleis bestille seg time til PCR-test eller hurtigtest på teststasjonen, dette gjer ein via kommunen sine heimesider eller på koronatelefonen tlf. 70058960.

Ein kan også sjølv kjøpe hurtigtestar på apotek, butikkar og på nettet. FHI anbefaler at ein då kjøper testar som er CE-IVD-merka, og som står på EU si liste over hurtigtestar. Det kan du sjekke her:

https://ec.europa.eu/health/sites/default/files/preparedness_response/docs/covid-19_rat_common-list_en.pdf

Minner om anbefalingane for bruk av hurtigtestar:

• Ta testen innan 2 døgn etter at symptoma starta.
• Ved positiv heimetest må du ta ein PCR-test på teststasjon.
• Dersom har vore i nærkontakt med nokon med påvist covid-19 og får symptom, bør du ta ein PCR-test.
• Helsepersonell og andre som er i tett kontakt med sårbare grupper, bør ta ein PCR-test når dei vert sjuke.

Status 02.11.21

Volda kommune fekk i dag 02.11.21 melding om eit nytt smittetilfelle med covid-19. Vedkomande har vore i nærkontakt med kjende smittetilfelle, og utløyser ingen nye nærkontaktar.

Status 01.11.21

Volda kommune fekk i dag 01.11.21 melding om eit nytt smittetilfelle med covid-19. Smittevegen er kjend og skriv seg frå ein annan del av landet.

Status 28.10.21

Volda kommune har ikkje fått melding om nye smittetilfelle sidan 18.10.21. Neste dag som er sett opp for koronavaksine er 18. november og 16. desember. Dei som er over 65 år og skal ha 3. dose med koronavaksine vil bli kalla inn til time i slutten av november og starten av desember 2021. Dei som skal ha 1. eller 2. dose må ta kontakt og bestille tid.

Vi startar med influensavaksine i veke 44.  Her er meir informasjon om influensavaksinering i Volda.

Status 18.10.21

Volda kommune fekk i dag 18.10. melding om eit nytt smittetilfelle med covid-19. Smitten skriv seg truleg frå eit utbrot i ein annan kommune. Vedkomande har få nærkontaktar lokalt.

Status 11.10.21

Volda kommune fekk i dag 11.10. melding om eit nytt smittetilfelle med covid-19. Vedkomande har vore i nærkontakt med eit kjent smittetilfelle og testa seg pga. symptom. Nærkontakter er varsla.

Status 08.10.21

Volda kommune fekk i dag 08.10. melding om eit nytt smittetilfelle med covid-19. Vedkomande har vore i nærkontakt med eit kjent smittetilfelle, og utløyser ingen nye nærkontakter.

Status 05.10.21

Volda kommune fekk seint i går kveld 04.10.21 melding om eit nytt smittetilfelle med covid-19. Vedkomande testa seg pga. symptom og smittevegen er førebels ukjend. Nærkontakter vert varsla av den smitta.

Volda kommune fekk i dag 05.10.21 melding om eit nytt smittetilfelle med covid-19. Smittevegen er kjend og skriv seg frå ein annan del av landet. Vedkomande har få nærkontakter lokalt.

Status 05.10.21

Volda kommune fekk seint i går kveld 04.10.21 melding om eit nytt smittetilfelle med covid-19. Vedkomande testa seg pga. symptom og smittevegen er førebels ukjend. Nærkontakter vert varsla av den smitta.

Volda kommune fekk i dag 05.10.21 melding om eit nytt smittetilfelle med covid-19. Smittevegen er kjend og skriv seg frå ein annan del av landet. Vedkomande har få nærkontakter lokalt.

Her finn du informasjon med råd til deg som er nærkontakt til ein smitta person (fhi.no).

Status 27.09.21

Volda kommune fekk i dag 27.09. melding om eit nytt smittetilfelle med covid-19. Vedkomande har vore i nærkontakt med kjende smittetilfelle. Nærkontakter vert varsla av den smitta.

Sjå linken under for oppdatert informasjon frå FHI til dei som har vore i nærkontakt med nokon som har fått påvist covid-19:

https://www.fhi.no/nettpub/coronavirus/befolkningen/narkontakter-og-isolering/?term=&h=1

Status 24.09.21

Det er ikkje meldt om nye smittetilfelle i Volda kommune.

Volda kommune er klar for gjenåpning av samfunnet laurdag 25.09.21, kl 16.00. Kommunen er budd med omsyn til retningslinene regjeringa presenterte i dagens pressekonferanse. Neste fase vert kalla  "normal kvardag med auka beredskap".

Les meir i denne artikkelen.

Status 20.09.21

Volda kommune fekk i kveld 20.09.21 melding om eit nytt smittetilfelle med covid-19. Vedkomande er nærkontakt til kjende smittetilfelle, og utløyser ingen nye nærkontakter.

Status 17.09.21

Det er ikkje meldt om nye smittetilfelle i Volda kommune sidan 15.09.21.

Status 15.09.21

Volda kommune fekk i går kveld (14.09.21) melding om eit nytt smittetilfelle med covid-19. Vedkomande var nærkontakt med eit tidlegare kjent smittetilfelle, og utløyser ingen nye nærkontaktar.

Volda kommune har i dag (15.09.21) fått melding om to nye smittetilfelle med covid-19. Også desse er nærkontaktar til kjende smittetilfelle.

Ein av dei smitta har vore på vaksineringa i Volda 09. september. Kommunen minner difor om at dersom ein har feber, hovudpine eller sjukdomskjensle som varer over 48 timar etter at ein har tatt vaksine, bør ein ta ein koronatest. Dersom ein får sår hals, hoste, tungpust eller andre symptom som ikkje er på lista over vanlege symptom etter koronavaksine, bør ein ta ein koronatest.

Les meir her (fhi.no).

Status 13.09.21

Volda kommune fekk i dag 13.09. melding om eit nytt smittetilfelle med covid-19. Vedkomande er nærkontakt til kjende smittetilfelle. Ei klasse og to valfagsgrupper på Volda VGS er råka, desse har fått informasjon frå skulen.

Status 10.09.21, kl 15.30 - to nye smittetilfelle

Volda kommune fekk i dag 10.09. melding om to nye smittetilfelle med covid-19. Begge har vore i nærkontakt med tidlegare kjende smittetilfelle. Desse utløyser få nye nærkontakte. Nokre elevar ved Volda VGS har fått beskjed om å ta ein ekstra test i starten av neste veke.

Minner om at elevar som går på skular der det har vore fleire smittetilfelle bør halde seg heime og bestille test dersom dei får symptom. Dette er viktig sjølv om ein ikkje er nærkontakt med eit kjent smittetilfelle, eller dersom ein har vore i eit testregime og vert sjuk etter siste test.

Status 09.09.21, kl 15.00

Volda kommune fekk i dag 09.09. meldt eit nytt smittetilfelle med covid-19. Vedkomande var nærkontakt til tidlegare kjende smittetilfeller, og utløyser få nye nærkontakter.

Status 07.09.21, kl 10.30 - nytt smittetilfelle i Volda (oppdatert kl. 18.00)

Volda kommune har fått meldt ei positiv prøve på covid-19. Vedkomande er nærkontakt til eit kjent smittetilfelle. Dette smittetilfellet har råka Volda ungdomskule. Føresette  til elevane som no må teste seg, har fått melding om dette pr SMS. Desse elevane skal teste seg i dag, og ved mottatt negativ test kan dei gå tilbake til skulen. Dei skal ta ny test på fredag.

Skulen er framleis på grønt nivå, men vi følgjer utviklinga nøye og vil raskt gå over til gult nivå dersom det blir naudsynt.

Tre nye klasser ved Volda VGS er råka etter at  Ørsta kommune i dag fekk meldt 11 nye smittetilfelle med covid-19. Smitten skriv seg frå det pågåande utbrotet i Ørsta. 

Status 05.09.21, kl 21.20

Volda kommune fekk i dag 05.09. meldt eit nytt smittetilfelle med covid-19. Smittevegen er kjent og skriv seg frå det pågåande utbrotet i Ørsta kommune. To nye klasser ved Volda VGS er råka.

Status 05.09.21

Volda kommune fekk i går meldt om eit smittetilfelle med ukjent smittekjelde. Teststasjonen er ikkje sikre på at det er ei reelt positiv prøve, og vil teste vedkomande igjen på måndag.

Oppdatering 10.09: Vedkomande fekk negativ kontrolltest, så det var ein falsk positiv. Isolasjon og karantene er oppheva.

Status 03.09.21, kl 21.00

Ørsta kommune har i dag, 03.09.21, fått meldt 6 nye smittetilfelle med covid-19. Alle er busett i Ørsta kommune, men tilfella fører til at to nye klasser ved Volda VGS er råka. Ei klasse ved Volda VGS har fått forlenga testregimet som følge av ny smitte i klassen. 

Alle er nærkontakter til kjende smittetilfelle, og skriv seg frå utbrotet i Ørsta dei siste vekene. 
Teststasjonen held ope i morgon kl 09–12.
Telefonen er diverre stengt, men ein kan bestille test via kommunane sine nettsider

Ordførar Sølvi Dimmen er kontaktperson for media. Tlf 996 27 976, e-post: solvi.dimmen@volda.kommune.no

Status 01.09.21

Det er i dag meldt om to nye smittetilfelle i Volda. Desse er knytt til det pågåande utbrotet i Ørsta kommune, og utløyser ikkje nokon nye nærkontaktar i Volda kommune. Korrigering 04.09.21: Desse var ikkje knytt til utbrotet i Ørsta, men smittevegen er kjent og dei utløyser ingen nye nærkontakter.)

Status 29.08.21

Det er ikkje meldt om nye smittetilfelle i Volda sidan 22.08.21.

Status 26.08.21, kl 22.45

Ingen av dei nye smittetilfella som vart meldt tidlegare i dag bur i Volda. Totalt vart det meldt om 8 nye tilfelle i Ørsta kommune i dag. Ei ny klasse ved Volda VGS, ei klasse ved Ørsta VGS og eit handballag i Ørsta er råka. Førebels ser alle smittetilfella ut til å henge saman i dette utbrotet. 

Status 26.08.21, kl 14.50

Det er meldt om 5 nye smittetilfelle i Ørsta og Volda kommune til saman i dag. Ytterlegare ei klasse ved Volda VGS er berørt, samt ei klasse ved Ørsta VGS. Vi kjem tilbake med meir informasjon.

Status 25.08.21, kl 15.30

Korrigering 04.09.21: Volda kommune fekk meldt eit nytt smittetilfelle 25.08. Vedkomande satt i karantene og utløyser ingen nye nærkontakter. Ørsta kommune fekk i dag 25.08. melding om eit nytt smittetilfelle med covid-19. Ei klasse på Ørsta ungdomsskule og eit nytt fotballag er berørt. Desse får beskjed om å teste seg i morgon og vert kontakta av smittesporingsteamet i løpet av dagen.

Barn og unge under 18 år får no tilbod om hyppig testing i staden for smittekarantene. Meir informasjon på fhi.no. Her kan du lese meir om dette på heimesida til kommunen. (PDF, 77 kB)

Kommunen oppfordrar alle som har vore på Årneset i Volda kvelden 21.08. til å bestille seg ein test, då det har vore fleire koronasmitta tilstades den kvelden.

Status 24.08.21, kl 23.00

Vakthavande ved smittesporing melde i kveld om eit nytt smittetilfelle i Ørsta. Vedkomande testa seg pga. symptom. Smittevegen er førebels ukjend. Ei klasse på Volda VGS er berørt, samt fleire lokale fotballag. Desse får beskjed om å ta test i morgon. Smittesporingsarbeidet pågår, og nærkontaktene vil verte kontakta og får meir informasjon om karantene og testing. 

Status 23.08.21

Det er ikkje meldt om nye smittetilfelle sidan 22.08.21. Volda kommune har no 3 personar i isolasjon og 12 nærkontakter i smittekarantene i Volda.

Det har vore fleire nærkontaktar til dei siste smittetilfella. Det er nye reglar for karantene.

• Dei som har fått 1 vaksinedose meir enn 3 veker før nærkontakta, får fritak frå karantene om dei testar seg mellom 3 og 7 døgn etter nærkontakta.
• Fullvaksinerte som har fått 2. dose meir enn 1 veke før nærkontakta vert ikkje pålagt karantene. 

HORNINDAL SKULE OG SFO OPNAR TYSDAG 24. august

 Hornindal skule og SFO opnar tysdag 24. august. Elevane møter på skulen til vanleg tid.

 Det er ikkje påvist smitte hjå nokon av dei tilsette som testa seg fredag.

På fredag 20.08.21 fekk Volda kommune melding om at ein tilsett ved Hornindal skule hadde fått påvist covid-19. Det vart difor bestemt at elevane ved skulen ikkje skulle møte opp på skulen måndag 23. august. I løpet av helga har tilsette ved skulen testa seg og det har vore utført smittesporing. 

Status 22.08.21, kl 21.30 - nytt smittetilfelle

Volda kommune fekk i dag 22.08 melding om eit nytt smittetilfelle. Vedkomande har vore i nærkontakt med nokon som har covid-19.

Status 20.08.21, kl 23.00

Vi har opna for 2. test for tilsette ved Hornindal skule i morgon, og håper at skulen kan starte med normal drift 24. august.  

Status 20.08.21, kl 12.00 - nytt smittetilfelle

Ein tilsett ved Hornindal skule har testa positivt på covid-19. Dei andre tilsette ved skulen vert testa i dag, fredag 20.08.

Elevane ved Hornindal skule møter ikkje på skulen måndag 23.08. I løpet av helga og måndagen vil ein få betre oversikt over når skulen kan opne.

Elevar og føresette vil få nærare informasjon frå skulen i løpet av måndag. Smittesporing pågår.

Status 20.08.21, kl 09.00

Ingen nye positive prøver sidan 14. august. Det vart testa i  270 personar denne veka. 

Vi oppmodar om at ein har låg terskel for å test seg. Det er viktig at ein er merksam på symptom eller om ein kan ha vore i ein situasjon der ein kan ha blitt smitta. For å hindre nye utbrot må alle vere flinke til å teste seg. Tilreisande frå områder med mykje smitte vert oppmoda om å teste seg.

Tilsette i barnehage, SFO og skule skal ha fått tilbod om vaksine no. Det er opna for å vaksinere gravide og 16-17-åringar, dvs dei som er fødd i 2004 og 2005. Eigen informasjon om dette kjem snart.

Det er planlagt vaksinering av studentar i september. Vi gjer oss klar til å ta imot bestillingar. Det kjem informasjon om dette når apparatet er klart til å ta imot telefonbestillingar.

Status 14.08.21

Oppdatering kl 20.30

Volda kommune fekk i dag 14.08. melding om eit nytt smittetilfelle med covid-19. Smittevegen er kjent, og skriv seg frå utbrotet i Volda/Ørsta kommune dei siste vekene. Vedkomande har vore på Fugl Fønix 11.08. Gjestane denne dagen vert varsla og dei blir bedt om å ha låg terskel for å teste seg ved det minste symptom.

Oppdatering kl 12.00

Volda kommune fekk i går kveld, 13.08, melding om eit positiv prøveresultat tatt ein annan stad i landet. Personen oppheld seg i Volda. 

Status 13.08.2021

Volda kommune fekk meldt eit nytt smittetilfelle med covid-19 i går kveld 12.08. Vedkomande var tilreisande frå ein annan del av landet og testa seg pga. symptom.

Ingen smittetilfelle meldte i verken Volda eller Ørsta kommune 11.08. Det var ingen meldte i Ørsta kommune 12.07.

Viktig å teste seg

Vi minner om at det framleis er viktig å teste seg ved symptom uavhengig av vaksinasjonsstatus.

Koronatesting for studentar

Kommunen tilbyr koronatesting på høgskulen i Volda 16., 17., 19. og 24. august for studentar som ikkje kjem seg til teststasjonen i Hovdebygda.

Vi håper at dette gjer at studentar som er tilreisande frå områder med høgt smittetrykk testar seg når dei kjem, og at alle kan få ein trygg start på studieopphaldet i bygda vår.

Oppmodar om at tilreisande testar seg

Vi ynskjer framleis at tilreisande frå områder med høgt smittetrykk tek ein test etter at dei har kome hit. Vi ber om at du oppgir kvar du kjem ifrå og kva tid du kom i bestillinga.

Tilreisande kan bestille koronatest 2 - 4 dagar etter at dei har kome hit. Du bør vente nokre dagar før du testar deg etter reise fordi koronaviruset har ei gjennomsnittleg inkubasjonstid på 4 - 5 dagar. Dersom ein får symptom før, bør ein teste seg snarast råd.

Kva betyr inkubasjonstid?

Inkubasjonstid er tida det tek frå ein er smitta til ein får symptom, eller viruset kan påvisast med ein koronatest. Inkubasjonstida kan vere heilt opp til 10 dagar, så dersom ein får symptom etter ein negativ test, bør ein difor teste seg igjen. 

• Det er svært viktig at alle som har luftvegssymptom held seg heime og tek kontakt for å bestille time til koronatest. Dette gjeld sjølv om du berre har ei lett forkjøling.
• For at vi skal klare å oppdage smittetilfelle og hindre vidare smitte, er det svært viktig at folk testar seg.  

Bestille test:

• Her kan du bestille test elektronisk: http://helseboka.app/b/s/189947
• Telefon til teststasjonen: 700 58 960
• Telefontid: 09.00-12.00 
• Teststasjon: Langemyra 3 i Hovdebygda

Status 10.08.2021

Det vart meldt 1 ny smitta i Volda i går og 1 ny smitta i Ørsta i dag. I begge tilfeller sat den smitta i karantene grunna nærkontakt til tidligare smittetilfelle.

Status 09.08.2021 - to dagar utan nye smittetilfelle

I veke 21 vart det testa i overkant av 1100 personar. Dette utgjer over 5 % av befolkninga.

Det har vore avtakande testhyppigheit siste dagane. 

Nokon av dei siste positive testane var av ukjent smittekjelde, men det ser ut til at dei ikkje har generert nye positive prøver.  Alle må framleis vere på vakt og ha låg terskel for å teste seg og følgje smittevernråda.

Det er hittil 153 positive prøvesvar sidan måndag 26. juli.

Vi har for første gang sidan 26. juli hatt dagar utan nye smittetilfelle (laurdag 7. og  søndag 8. august).

Status 06.08.2021: 1 nytt smittetilfelle i Volda i dag

Eit smittetilfelle er meldt fredag 6. august.

Status 04.08.2021 8 nye smittetilfelle i Volda og Ørsta i dag

Det er totalt registrert 152 tilfelle av Covid-19 i Volda og Ørsta sidan mandag 26. juli 2021.

Smittetala fordeler seg no heilt likt på dei to kommunane.

Status 03.08.2021 kl 21:15- totalt 7 nye smittetilfelle i Volda og Ørsta i dag

Det er totalt registrert 144 tilfelle av Covid-19 i Volda og Ørsta sidan mandag 26. juli 2021.

Status 02.08.2021 kl 22:40 - totalt 14 nye smittetilfelle i Volda og Ørsta i dag

Det er totalt registrert 137 tilfelle av Covid-19 i Volda og Ørsta sidan mandag 26. juli 2021.

Status 01.08.21, kl 18:00 - 10 nye smitta i Volda og Ørsta i dag

I dag er det totalt registrert 10 ny smittetilfelle. Det er totalt registrert 123 tilfelle i Volda og Ørsta sidan mandag 26. juli 2021.

Status 31.07.21, kl 18:00 - 16 nye smitta i Volda og Ørsta i dag

I dag er det totalt registrert 16 ny smittetilfelle - dette er inkludert dei seks som blei meldt tidlegare i dag. Det er totalt registrert 113 tilfelle i Volda og Ørsta sidan mandag.

Status 31.07.21, kl 10:30 - seks nye smitta i Volda og Ørsta

Det er forventa at det blir stadfesta fleire positive prøvesvar i løpet av dagen. 

Status 30.07.21, kl 21:30 - To nye smittet i Volda og Ørsta

Fredag kveld har Ørsta og Volda fått to nye smittetilfelle, og i løpet av dagen har totalt 16 personar fått positiv koronatest. Totalt er no 97 smitta i utbrotet dei siste fire dagane.

Det er ikkje venta  fleire prøvesvar i kveld, opplyser kommuneoverlege i Ørsta, Marte Vaage Øie

Status 30.07.21, kl 18:00 - 14 nye smittetilfelle i Volda og Ørsta i ettermiddag (oppdaterte tal)

Til saman er det no registrert 95 smitta personar i Ørsta og Volda.

Vi jobbar på spreng for å få testa alle og vil halde fram med testing gjennom heile helga. I løpet av fredagen vert det tatt over 700 testar i Hovdebygda. Dette har ført til ein del kø, men kommunen og politiet har vore på staden for å organisere bilkøa.

Den store utfordringa er framleis arbeidet med smittesporing med så høge smittetal som vi har no. Vi vil derfor takke alle for samarbeidet med å varsle kvarandre, teste seg og halde seg heime, sjølv om ein ikkje har fått telefon frå smittesporingsteamet. Vi ønskjer i det lengste å unngå å måtte stenge ned lokalsamfunna Ørsta og Volda. Vi har tillit til at vi kan greie å snu dette saman, utan å måtte innføre lokale restriksjonar.  Dersom vi skal greie det må vi alle ta eit personleg ansvar for å stanse smittespreiinga.

Denne helga ber vi alle om å vere med på dugnad.  Vi oppmodar framleis

• folk om å redusere sosiale møte, utanom familie og nære, til eit minimum
• arrangørar vert oppmoda om å avlyse alle arrangement i helga  
• I tillegg oppmodar vi om å bruke munnbind, der det er vanskeleg å halde 1 meter avstand
• Ver ekstra nøye med dei generelle smittevernreglane: https://www.fhi.no/nettpub/coronavirus/fakta/renhold-og-hygiene/?term=&h=1

Barnehagane som startar opp att frå 2. august, sommarskulen og SFO vil vere opne og i drift, men på gult nivå frå og med måndag 2. august.

Status 29.07.21, kl 18:30 - 12 nye smittetilfelle i Volda og Ørsta i ettermiddag

I ettermiddag kom det stadfesting på 12 nye smittetilfelle i Volda og Ørsta  i dag, noko som innebærer at Volda og Ørsta totalt har fått stadfesta 61 nye smittetilfelle i dag. 

Status 29.07.21, kl 16:00 - 49 nye smittetilfelle i Volda og Ørsta i dag

Til samen er det no registrert 69 smitta personar i dei to kommunane.

Sjølv om teststasjonen no vert bemanna opp, fører så mange smitta på ein gong til store utfordringar i arbeidet med smittesporing.

Dersom vi skal unngå å sprenge sporingskapasiteten og med det risikere at smitten spreier seg enno meir, er det svært viktig at kvar og ein av oss gjer det vi kan for å redusere risikoen for smitte dei komande dagane og i helga. Klarer vi det, kan vi kanskje unngå å måtte vedta lokale forskrifter med skjenkeforbod og forbod mot å samlast med verknad for inn til 14 dagar framover.

Dette er ein svært alvorleg situasjon. Difor oppmodar kommuneoverlege Marte Vaage Øie, ordførar Stein Aam og ordførar Sølvi Dimmen (bilete av alle 3)

• folk om å redusere sosiale møte, utanom familie og nære, til eit minimum
• og arrangørar vert oppmoda om å avlyse alle arrangement komande fredag og helg 

Status 29.07.21, kl 12:00 - 16 nye smittetilfelle i Volda og Ørsta

Fleire av desse har truleg vorte smitta på My kitchen i Volda. Førebels kartlegging viser at det har vore smitta personar på Aktiv treningssenter i Ørsta heile måndag 26.07 og tysdag 27.07 denne veka, på Fugl føniks tysdag 27.07 og på Christian gård på Trandal tysdag 27.07 frå kl. 16.00 og resten av kvelden. Alle som har vore på desse stadane desse dagane vert oppmoda om å teste seg. Smittesporinga held fram og meir informasjon kjem.

Vi gjer det vi kan for å oppbemanne teststasjonen, slik at alle skal få teste seg før helga eller i løpet av helga. Det vert testing gjennom heile helga. Følg med på heimesida til kommunane for opningstider. Dessverre er telefonen stengd i dag, men opnar att på fredag.

Det er ope for timebestilling på nett og vi har kapasitet til å teste meir enn 300 i dag, sjølv om telefonen er stengd. Folk kan bestille testing på nett her: https://www.helseboka.app/booking/staff/189947   

Status 28.07.21, kl 15:00 - nye smittetilfelle

Det blei i dag onsdag 28. juli meldt ytterlegare fem positive, vi er no oppe i 15 smitta denne veka i Ørsta/Volda. 

Alt tyder på at smitten har fått spreidd seg blant unge tidleg i 20-åra. Dei smitta har vore på fleire festar og særleg My kitchen i Volda på laurdag kveld utpeikar seg. Her har truleg svært mange blitt smitta.

Det er svært stor pågang på koronatelefonen, elektronisk timebestilling og testing. I dag har det vore rekordlang kø og folk har ikkje klart å bestille time elektronisk då dei får feilmelding. Truleg grunna den store pågangen.

• Her kan du bestille test elektronisk
• Telefon til teststasjonen: 700 58 960
• Telefontid: 09.00-12.00 (sommartid f.o.m. 28.06.21)
• Teststasjon: Langemyra 3 i Hovdebygda

På grunn av auka smitte og uavklara smittesituasjon i Volda, vil ein oppmode om å utsette eller unngå besøk til pasientar og bebuarar ved Volda omsorgssenter. I tillegg oppmoder vi til å unngå besøk ved dei døgnbemanna omsorgsbustadane Barstadtun, Fjordsyn og Folkestadtun.

Status 27.07.21, kl 21.50 - nye smittetilfelle

I kveld, 27.07 fekk vi meldt 7 tilfelle av Covid-19 i Ørsta og Volda. Tre av dei i Volda og fire i Ørsta. Fire av dei er bekrefta Delta-variant.

Ein av dei har heilt ukjend smittekjelde. Dei andre har vi mistanke om at har blitt smitta på diverse samankomstar og festar i helga som var. Fleire av dei kan knytast til utestaden My kitchen i Volda laurdag 24.07. Vi vil derfor gå ut med ei sterk oppmoding til alle som var på My kitchen laurdag 24.07 om å teste seg. Den same oppmodinga gjeld alle unge vaksne i Volda og Ørsta som har vore på fest siste veka.

Smittesporinga held fram, men situasjonen er nokså uoversiktleg akkurat no. Vi må be alle som trur dei kan være nærkontakt om å bestille seg test og halde seg heime inntil vidare. Vi prøver å ringe alle vi får oppgitt som nærkontakter.  

Teststasjonen melder at dei har utvida kapasiteten og vil teste så lenge dei må i morgon. 

• Her kan du bestille test elektronisk
• Telefon til teststasjonen: 700 58 960
• Telefontid: 09.00-12.00 (sommartid f.o.m. 28.06.21)
• Teststasjon: Langemyra 3 i Hovdebygda

Det har kome meldingar om at noko får feilmelding ved bestilling på nett. Ta kontakt i morgon om du ikkje kjem gjennom i kveld.

Det vert utvida kapasitet på teststasjonen. Dei vil teste så lenge dei må i morgon.

Status 22.07.21, kl 20.45 - nytt smittetilfelle

Vi fekk i kveld meldt eit nytt smittetilfelle i Volda. Smittekjelda er foreløpig ukjend. Nærkontakter er kontakta. Det er ikkje mistanke om at vedkommande har relasjon til andre smittetilfeller. Prøva vert sendt til vidare analyse.

Status 22.07.21, kl. 10.00 - nytt smittetilfelle

Volda fekk 21.07 meldt eit tilfelle av Covid-19. Vedkomande hadde vore på innanlandsreise, smittekjelda reknast som kjend og skriv seg frå ein annan stad i landet. Nærkontaktene er kontakta.

I samband med dette smittetilfellet oppmodar vi alle som har vore på Family Sports Club på ettermiddag og kveld måndag 19.07 om å teste seg og ha lav terskel for å teste seg igjen ved symptom dei næraste dagane.

Status 16.07.21 kl 15.35 - analyseresultat

Det har no kome svar på mutasjonsanalysen på det positive tilfellet meldt i går 15.07. Det er sannsynlegvis delta-varianten.

Dette vil ikkje føre til ekstra tiltak no anna enn at alle må ha låg terskel for å teste seg og følge dei nasjonale smitteverntiltaka. Det er mogleg at prøven vert sendt til endelig sekvensering på FHI, det tek då nokre veker å få eit heilt sikkert svar. Ut frå dagens mutasjonsanalyse kan laboratoriet svare at det sannsynlegvis er deltavarianten.

Status 15.07.21 - nytt smittetilfelle

Volda kommune fekk i dag 15.07. melding om ei ny positiv koronaprøve. Vedkomande var fullvaksinert og testa seg pga. milde symptom.

Smitten skriv seg truleg frå ein annan del av landet. Éi nærkontakt i Volda kommune har blitt testa i dag.

Vi minner difor om at det er viktig at ein testar seg ved symptom sjølv om ein er vaksinert, då ein likevel kan verte smitta. Dette gjeld også om ein «kun» har milde symptom. Dersom ein er tilreisande til kommunen frå andre stader i landet med høgt smittetrykk eller frå «grønt land», bør ein teste seg nokre dagar etter at ein har kome heim. Ein treng då ikkje å vere i «karantene» i påvente av prøvesvaret.

• Her kan du bestille test elektronisk
• Telefon til teststasjonen: 700 58 960
• Telefontid: 09.00-12.00 (sommartid f.o.m. 28.06.21)
• Teststasjon: Langemyra 3 i Hovdebygda

Dersom du bestiller test elektronisk fordi du er tilreisande, ber vi om at du oppgir kvar du kjem ifrå og kva tid du kom i bestillinga.

Status 13.07.21

Det er ikkje meldt om nye positive koronaprøver. Det er ingen personar i isolasjon og/eller smittekarantene i Volda kommune.

Status 06.07.21

Det er ikkje meldt om nye positive koronaprøver. Det er ingen personar i isolasjon og/eller smittekarantene i Volda kommune.

Status 01.07.21

Det er ikkje meldt om nye positive koronaprøver. Det er ingen personar i isolasjon og/eller smittekarantene.

Status 17.06.21

Det vart testa 271 personar i veke 23 (1,3 % av befolkninga). Mandag og tysdag i denne veka er det testa 224 personar  i Volda og Ørsta. Det er ikkje meldt om nye positive koronaprøver. Det er ingen personar i isolasjon og/eller smittekarantene.

Vaksinering:

Denne veka skal vi sette 528 doser med Pfizervakiner. Ca 200 av desse er 2. dose og ca 300 er 1. dose. Vi vaksinerer også i denne veka personar i gruppe 8 (64-55 år) og helsepersonell. Vi har kome til alder 56 år.

Neste veke får Volda 600 doser og innkallinga er sendt til dei som skal ha desse. Då har vi kome ned i aldersgruppa og er klar til å starte litt på 52-åringane.

Vaksineringa i Volda vil halde fram i Voldahallen torsdager frå kl 11 gjennom heile ferien. Dersom vi får ekstra mange doser vil vi vurdere ekstra-dagar, men torsdagen er fast.

I tillegg til FHI sitt oppsett for innkalling, skal vi i tillegg legge til rette for sommarvikarar, studentar, sjøfolk etter ein del kriterier.

Vedr. etterregistrering av vaksiner sett i utlandet, viser vi til informasjon frå FHI.  

Vaksinedagane går fint og vaksineteamet takkar for gode tilbakemeldingar frå publikum. Likevel er det altfor mange som ikkje bekreftar eller avkreftar timen sin, ca 50 stk til den 17.06. Desse får avbestilt timen sin og tilsendt brev i posten. Dette er eit stort arbeid som vi kan unngå om publikum svarar ja eller nei til timen sin.

Status 10.06.21

Det vart testa 291 personar i veke 22 (1,3 % av befolkninga). Hittil denne veka er det testa 169 personar. i Volda og Ørsta. Det er ikkje meldt om nye positive koronaprøver. Det er ingen personar i isolasjon og/eller smittekarantene.

Vaksinering:

Vi vaksinerer personar i gruppe 8 (64-55 år) og helsepersonell. Vi har kome til alder 59 år. Neste veke vil vi kome ned til alder 56 år. Det går fort med denne gruppa då mange alt har fått vaksine pga underliggande sjukdomar/tilstandar. 

Volda ligg litt føre andre kommunar i området. Det er det fordi ein del innbyggjarar har fått vaksine som tilsette på Volda sjukehus.

Status 02.06.21

Volda kommune har ikkje fått meldt om nye smittetilfeller. Det er ingen i isolasjon eller smittekarantene i Volda. Det vart testa 1,3 % av befolkninga i førre veke. Hittil denne veka er det testa 217 personar i Volda og Ørsta.

Vaksinering: 

Denne veka har Volda fått 708 doser som skal settast. Dette må vi bruke 2 dagar på – onsdag 2. juni og torsdag 3. juni. Alle med underliggande sjukdomar, helsepersonell og 65+ har fått tilbod om time, og vi har starta på aldersgruppene 64–55 år. Vi kjem trulig ned til alder 60 år neste veke. I veke 23 ventar vi om lag 500 vaksinedoser. Om tildelinga vert som førespegla kan vi komme ned til prioriteringsgruppe 10 (Alder 18-24 år og 40-44 år) i veke 28. Det er vanskeleg å slå fast noko sikkert då vi no har kome over på ei svært samansett gruppe, i tillegg til usikkerheit kring tildeling av vaksiner.

Denne veka får alle som tek 1 dose 6 veker intervall fram til 2.dose. Frå veke 23 får alle som tek 1 dose 12 vekers intervall. Dvs. det skal gå 12 veker mellom første og andre dose.

Fleire vil få SMS med feil oppmøtestad både denne veka og neste veke.

Alle som fekk SMS og time på Samfunnshuset i april vil framleis få innkalling til 2. dose på Samfunnshuset. Dette problemet ligg hjå helsenorge.no og er vanskeleg å endre. 

Dette er prioriteringsgruppene

Nasjonale myndigheiter har bestemt kven som skal få vaksine først. Dette er per no (27.05.21): 

• Gruppe 1: Bebuarar i sjukeheim
• Gruppe 2: Alder 85 år og eldre
• Gruppe 3: Alder 75-84 år 
• Gruppe 4: Alder 65-74 år OG personar mellom 18 og 64 år med sjukdomar/tilstand med høg risiko for alvorleg forløp
• Gruppe 5:  Alder 55-64 år med underliggande sjukdomar/tilstand
• Gruppe 6: Alder 45-54 år med underliggande sjukdomar/tilstand
• Gruppe 7:  Alder 18-44 år med underliggande sjukdomar/tilstand
• Gruppe 8: Alder 55-64 år (VI STARTAR MED DENNE GRUPPA I VEKE 22)
• Gruppe 9: Alder 45-54 år
• Gruppe 10: Alder 18-24 år og 40-44 år
• Gruppe 11: Alder 25-39 år
• Prioritering av helsepersonell (nytt skriv frå fhi, juni 20201)

Status 01.06.21

Volda kommune har ikkje fått melding om nye smittetilfelle. 

Vaksinering: 

Denne veka får Volda 708 doser som skal settast. Dette må vi bruke 2 dagar på – onsdag 2. juni og torsdag 3. juni. Alle med underliggande sjukdomar, helsepersonell og 65+ har fått tilbod om time, og vi har starta på aldersgruppene 64–55 år.

Fleire vil få SMS med feil oppmøtestad

Alle som fekk SMS og time på Samfunnshuset i april vil framleis få innkalling til 2. dose på Samfunnshuset. Dette problemet ligg hjå helsenorge.no og er vanskeleg å endre. 

Prioriteringsgruppene

Nasjonale myndigheiter har bestemt kven som skal få vaksine først. Dette er per no (27.05.21): 

• Gruppe 1: Bebuarar i sjukeheim
• Gruppe 2: Alder 85 år og eldre
• Gruppe 3: Alder 75-84 år 
• Gruppe 4: Alder 65-74 år OG personar mellom 18 og 64 år med sjukdomar/tilstand med høg risiko for alvorleg forløp
• Gruppe 5:  Alder 55-64 år med underliggande sjukdomar/tilstand
• Gruppe 6: Alder 45-54 år med underliggande sjukdomar/tilstand
• Gruppe 7:  Alder 18-44 år med underliggande sjukdomar/tilstand
• Gruppe 8: Alder 55-64 år (VI STARTAR MED DENNE GRUPPA I VEKE 22)
• Gruppe 9: Alder 45-54 år
• Gruppe 10: Alder 18-24 år og 40-44 år
• Gruppe 11: Alder 25-39 år
• Prioritering av helsepersonell parallelt med risikogruppene, inntil 20% av tilgjengelege vaksiner i kommunane. Kriterium for prioritering av utvalte helseperonell (PDF fhi.no).

Status 26.05.21

Volda kommune har ikkje fått meldt om nye smittetilfelle sidan 22.05.21.

Nye nasjonale tiltak og reglar trer i kraft frå midnatt, natt til torsdag 27. mai. Volda kommune har ingen eigne reglar eller råd, og følgjer derfor dei nasjonale råda og reglane.

Status 22.05.21

Volda kommune fekk i kveld meldt om ei ny positiv koronaprøve. Vedkomande var i innreisekarante og er no sett i isolasjon.

Status 20.05.21

Volda kommune har ikkje fått meldt om nye smittetilfelle sidan 13.04.21. I veke 19 vart det testa 235 personar i Volda og Ørsta. Dette tilsvarar 1,1% av befolkninga. Hittil denne veka, tysdag og onsdag, er det testa 148  personar. 

Det er 15 personar i smittekarantene i Volda. Desse har tilknyting til smittetilfellet i Ørsta kommune. 

Vaksinering i Volda

Svært mange takkar ja til vaksine i Volda:

• 90 % har takka ja i alderen  85 år og eldre  (gruppe 2)
• 98,8 % har takka ja i alderen 75-84 år (gruppe 3)
• 96,2 % har takka ja i alder 65-74 år og høg risiko (gruppe 4)

Veke 20 og 21 er det vaksinering av dei som har fått 1. dose med AstraZeneca og andre grupper som tidlegare har fått første dose.

Vi har vaksinedag torsdag 20. mai, då er det 402 personar som skal få vaksine.

Veke 21 får vi 468 doser, er det vaksinedag torsdag 27. mai. 

Alle i prioriteringsgruppe 4, 5 og 6 har no fått tilbod om 1. dose av vaksinen.

Vi har igjen om lag 100 personar personar med underliggande sjukdomar/tilstand i prioriteringsgruppe 7 som ventar på å få vaksine.

I veke 22 får vi 708 vaksinedoser. Desse skal gå til:

• Resten av dei med underliggande sjukdom/tilstand (gruppe 7)
• Vi startar på dei under 65 år utan underliggande sjukdom/tilstand (risikogruppe 8, alder 55-64)

Dei 708 dosene vert fordelt på vaksinasjonsdagane  2. og 3. mai. Om lag 300 av desse skal gå til personar som skal få si1. dose. Resten vert til personar som skal få 2. dose.

Status 19.05.21

Volda kommune har ikkje fått meldt om nye smittetilfelle sidan 13.04.21. 

Status 12.05.21

Volda kommune har ikkje fått meldt om nye smittetilfelle. Sist veke, dvs. veke 18, vart det teste 316 personar i Volda og Ørsta.

Det har vore vaksinasjonsdag onsdag 12. mai og vi har vaksinert 378 personar denne dagen. Vi held enno på med 2.dose til dei mellom 65 og 74.

Veke 20: Det vert vaksinering torsdag 20.05 og vi startar opp kl. 13.00. Då er det 402 personar som skal få vaksine.

Regjeringa har meldt om endra rekkefølge på prioriterte grupper. Les meir på regjeringen.no.

Status 06.05.21

Det vart testa 356 personar sist veke. Hittil denne veka er det testa 218 personar. 

Ingen nye smitta i Volda, men det er nokre få i smittekarantene relatert til utbrotet i Ålesund.

Status vaksinering

Vaksinasjondagen torsdag 6. mai har gått fint i nye vaksinelokale. Systemet i Voldahallen fungerer fint og det har vore god flyt i vaksineringa.

Ein del personar har møtt opp på Volda samfunnshus då fleire ikkje har fått med seg at vaksinelokalet vart flytta frå mai månad, eller at dei har fått SMS frå helsenorge der det er oppgitt feil oppmøtestad. Det gjekk heldigvis fint og vart ordna seg slik at alle kom fram til Voldahallen og fekk vaksinen sin. 

2814 har fått første vaksinedose fram til denne veka.

Denne veka er det personar i prioriteringsgruppe 5 som får første dose. Vi har kun motteke vaksiner frå Pfizer.

I veke 19 vert det vaksinering onsdag 12. mai frå kl 14.00. Denne veka får resten av gruppe 5, gruppe 6 og ein del av gruppe 7 første dose.

Veke 20 startar vi å gi 2. dose til dei som tidlegare har fått Astra Zeneca.

Oppdatert status 29.04.21, kl 09.00

Volda kommune fekk i går kveld, 28.04.21, melding om ei ny positiv koronaprøve. Det viser seg at denne personen høyrer til i Ørsta, men har fastlege i Volda, difor skjedde denne feilmeldinga. Volda har difor ingen personar i isolasjon med påvist korona pr. 29.04.21.

Førre veke vart det testa 421 personar i Volda og Ørsta, hittil denne veka (måndag- onsdag) 237 personar.

Status 28.04.21

Volda kommune fekk i kveld, 28.04.21, melding om ei ny positiv koronaprøve. Personen var i karantene, no sett i isolasjon.

Status 22.04.21

Volda kommune har ikkje fått melding om nye smittetilfelle. Førre veke, i veke 15, vart det testa 1128 personar. Hittil denne veka er det testa 251 personar. 

Det vert vaksinert personar i gruppe 4, også i veke 17. Nokre av dosane vi får tildelt i veke 17 vil gå til dose nr.2. Sidan ein ikkje veit kor mange dosar som kjem i veke 18, og kor mange av desse vaksinene som skal vere dose nr. 2, er det usikkert om ein kjem i gang med gruppe 5 denne veka. 

Status 15.04.21

Sist veke vart det testa 1217 personar i Volda og Ørsta. Hittil denne veka er det testa 715 personar. Det er no 3 personar i isolasjon i Volda. Desse er i same husstand. Det er fleire personar i karantene karantene både i Volda og i nabokommunane grunna utbrotet i Ørsta. Det ser ut til at smittesporerane har nådd igjen smittekjelda for utbrotet i Ørsta. Smitten hadde opphav frå annan del i landet, og kom til Ørsta frå ytre Søre Sunnmøre. 

Det kjem nye nasjonale tiltak frå midnatt, fredag 16. april

Vaksine

Vi vaksinerar personar i gruppe 4 (alder 65-74)  t.o.m. veke 16. Om det går etter planen kan vi i veke 17 starte med prioriteringsgruppe 5 (alder 55-64 år). 

Vi skal få tildelt 288 vaksinedosar i veke 16 og 426 vaksinedosar i veke 17 (oppdatert 16.04.21, kl 17.00)

Status 13.04.21

Ei klasse ved Volda VGS er sett i karantene som følge av utbrotet i Ørsta. Vi fekk nyleg meldt om at 3 av dei 28 tilfella som er meldt i Ørsta kommune, hører til i Volda. Den eine personen er alt meldt om, frå 7. april. I tillegg så er det eitt tilfelle den 8. april og eitt 12. april. Personen som fekk stadfesta positiv koronaprøve i går kveld, 12.04.21, var i smittekarantene. Det er ingen nye nærkontaktar til dette tilfelle.

Smittesporingsteamet melder om at alle i klassen ved Volda VGS som skal i karantene har fått beskjed både skriftleg og munnleg. 
 
Vi minner om den forsterka TISK, og korleis ein skal forholde seg til nærkontakter, karantene og testing:
https://www.fhi.no/nettpub/coronavirus/testing-og-oppfolging-av-smittede/forsterket-tisk2/
 

Status 08.04.21

Ein av dei som var meldt som smittetilfelle i Ørsta 07.04.21 bur i Volda kommune. Nokre personar i Volda er sett i smittekarantene som nærkontaktar til denne personen.

I veke 13 vart det testa 685 personar i Volda og Ørsta. Dette utgjer 3,2% av innbyggjarane. Hittil i veke 14 (tysdag 6. og onsdag 7. april) er det testa 267 pesronar. 

Det er eit forholdsvis stort utbrot i Ørsta. Smittekjelda er kjent og det er håp om at ein klarer å ta igjen smitterekka ved smittesporing, testing, karantenesetting og isolasjon. Det vert utført forsterka TISK.

Vaksinering

Volda kommune er i gang med å vaksinere prioriteringsgruppe 4. Dette er ei stor gruppe i alderen 65-74 år, i tillegg til personar med underforliggande sjukdom/tilstand som kan medføre høg risiko. Det er venta at vi vert ferdige med dei som har høg risiko i veke 15. 

I veke 15 er det kalla inn 335 personar til vaksinering.  

Vaksinelokala i Volda er på Volda samfunnshus ut april månad. Frå og med mai vert vaksinelokala flytta til Voldahallen.

Status 07.04.21, kl 23.45

Ørsta kommune har i alt fått meldt om 14 nye smittetilfelle siste døgnet. Teststasjonen i Hovdebygda ber om at dei som er i ventekarantene og ikkje har symptom, ikkje bestiller test i morgon. Dette er fordi teststasjonen ventar stor pågong, og det er no svært viktig at vi får testa nærkontaktene, samt øvrige innbyggarar som har symptom.

Status 07.04.21

Volda kommune fekk 07.04.21 melding om eit nytt smittetilfelle med covid-19. Vedkomande var nærkontakt til eit smittetilfelle ein annan stad i landet, var i karantene og har ingen nærkontakter i Volda eller Ørsta kommunar.

Status 27.03.21, kl 15.00

Kommunen har fått informasjon om at personen som fekk påvist koronasmitte i går kveld var passasjer på flyet som gjekk frå Bergen til Ørsta/Volda lufthavn Hovden 24.03. kl 19.45 - 20.30, flightnr. WF178. Dei som har tatt dette flyet vert ikkje rekna som nærkontakter, og vert ikkje pålagt karantene. Kommunen ber likevel dei som har tatt dette flyet og no oppheld seg i Volda eller Ørsta kommune, om å bestille seg ein test på teststasjonen i Hovdebygda 29.03.21. Dei aktuelle passasjerane skal også få varsling på SMS frå flyselskapet.

(Dersom det er nokon med koronasmitte på fly vert det publisert på FHI; https://www.fhi.no/sv/smittsomme-sykdommer/corona/koronavirus-og-covid-19-pa-offentlig-kommunikasjon/ ). Denne flyruta er ikkje publisert enno, men vi reknar med at den vil kome på lista ved neste oppdatering, då det er meldt til FHI

Status 27.03.21, kl 09.00

Volda kommune fekk melding om eit nytt smittetilfelle seint fredag kveld, 26.03.21. Personen kom tilreisane den 24.03.21. Vedkomande testa seg utan å ha symptom. Smittevegen er truleg kjent. Smittesporing pågår.

Vedkomande tok test slik det vert oppmoda om, noko som har gjort at vi raskt kunne kome i gang med smittesporing, isolering og karantenesetting.

Vi minner om dei oppdaterte smitteverntiltaka frå regjeringa.

Råd til dei som likevel vel å reise på ferie til Volda

• Ha få kontaktar siste tida før ferien
• Vurder å teste deg ved ankomst
• Hald deg med få kontaktar medan du er i Volda
• Unngå større folkeemengder

Råd til dei som likevel reiser vekk på ferie

• Vurdere kvar de reiser
• Nødvendigheita av reisa
• Hald deg med få kontaktar medan du er på ferie
• Unngå handlesenter, folkesamlingar, m.m.

Råd til studenten som vender tilbake

• Få kontaktar på ferie
• Gå i sjølvpålagt "karantene" den siste tida før retur
• Test deg ved retur dersom du er usikker på eigen situasjon
• Hald deg med få kontaktar den første tida etter retur
• Kanskje komme tilbake i god tid før skulen startar opp.

Vi minner om dei generelle reglane, hald avstand, reine hender, bli heime og test deg om du er sjuk.

Informasjon om koronatiltak til påska 2021

Status 26.03.21, kl 18.00

Smittetilfellet som vart meldt i går, 25.03.21, hadde 23 nærkontakter som er sett i karantene. Av desse oppheld 22 seg i Ørsta eller Volda kommune. Den siste oppheld seg i ei anna kommune. Alle har tatt første test, dei fleste i går, og nokre i dag. Vi har fått svar på 14 av desse, som var negative. Vi reknar med at det kjem svar på resten i løpet av helga eller morgondagen. 

Viktig melding til dei som har fått tid til vaksinasjon i påska:

Vaksinetelefonen 70 05 89 65 har desse opningstidene i påska:

• Måndag 29. og tysdag 30. mars – vanleg opningstid kl. 12.00-16.00.
• Onsdag 30. mars – 09.00-12.00.
• På helg/høgtidsdagar er telefonen stengt.

Til dei som har fått time til koronavaksinering onsdag 30. mars og torsdag 8. april - husk å bekrefte timen.

Oppdaterte retningsliner for besøk på institusjonar og bemanna omsorgsbustadar for eldre

• Pårørende og andre som reiser til Volda frå eit område med høg smitterisiko, skal ved samvær med ein bebuar i ein kommunal helse- og omsorgsinstitusjon, følgje dei smittevernråda som er frå det området med høgast smitterisiko. Dette gjeld både ved besøk i og utanfor institusjon
• Personar som kjem frå område med høg smitterisiko skal ta med og nytte eige munnbind ved besøk. Ein må kunne halde 2 meters regelen, og ein kan ha maks 2 besøkande i gongen.
• Ber personar som kjem frå område med høg smitterisiko, vurdere om ein kan utsetje besøket.   

 Her finn du dei nye retningslinene

Vi minner om dei oppdaterte smitteverntiltaka frå regjeringa.

Råd til dei som likevel vel å reise på ferie til Volda

• Ha få kontaktar siste tida før ferien
• Vurder å teste deg ved ankomst
• Hald deg med få kontaktar medan du er i Volda
• Unngå større folkeemengder

Råd til dei som likevel reiser vekk på ferie

• Vurdere kvar de reiser
• Nødvendigheita av reisa
• Hald deg med få kontaktar medan du er på ferie
• Unngå handlesenter, folkesamlingar, m.m.

Råd til studenten som vender tilbake

• Få kontaktar på ferie
• Gå i sjølvpålagt "karantene" den siste tida før retur
• Test deg ved retur dersom du er usikker på eigen situasjon
• Hald deg med få kontaktar den første tida etter retur
• Kanskje komme tilbake i god tid før skulen startar opp.

Vi minner om dei generelle reglane, hald avstand, reine hender, bli heime og test deg om du er sjuk.

Status 25.03.21, kl 15.00

Volda kommune fekk i dag 25.03. melding om ei ny positiv koronaprøve. Vedkomande har testa seg pga. symptom og har heldt seg heime i påvente av testsvar. Smittesporingsarbeidet pågår, og nærkontaktar som skal i karantene vil bli kontakta i løpet av dagen. Det er førebels ukjent om dette tilfellet kan ha tilknytning til tidlegare smittetilfeller i Volda/Ørsta kommune.

Status 25.03.21, kl 11.30

Volda kommune har ikkje fått meldt om nye positive koronaprøver. Siste meldte tilfellet var 19.03.21 (tidlegare varsla om). I Volda og Ørsta er testa 472 personar denne veka (mån-ons). I veke 11 vart det testa 1095 personar. Dette utgjer 5,1% av befolkninga. Det er ein person som er i isolasjon i Volda.

Vi har siste veke gått ut med denne informasjonen:

• Kva konsekvensar dei lokale tiltaka i Ålesund, Giske og Sula (i verk 21. mars) har for oss i Volda (22.03.21)
• Forsterka smittevernråd til dei som er på besøk i Volda (23.03.21)
• Informasjon om dei nye nasjonale tiltaka som kom i kraft 25. mars (24.03.21)
• Status om vaksinasjon i Volda i veke 12 (24.03.21)
• Teststasjonen sine opningstider i påskeveka (24.03.21)

Status 20.03.21, kl 10.00

Volda kommune fekk seint i går kveld, 19.03.21, melding om eit nytt smittetilfelle. Vedkomande har vore på treningssenter i Ålesund i samme tidsrom som ein som testa positivt tidlegare denne veka. Vedkomande testa seg og holdt seg heime med ein gang han fekk besked om dette. Det er ingen nærkontaktar i Volda og Ørsta.

Status 19.03.21, kl 16.30

Teststasjonen har fått negative prøvesvar på 69 elevar og tilsette på Volda VGS. Denne testen er tatt over 7 døgn etter siste kontakt med den smitta, og dei er no ute av karantene.

Framleis sit det 46 elevar og tilsette frå Volda VGS i karantene i Ørsta og Volda kommune. Dei fleste av desse vart testa 19.03. og får truleg svar i løpet av morgondagen. Kryssar fingrane for at alle testar negativt.
 

Status 18.03.21, kl 10.30

 Det er ikkje meldt om nye positive prøveresultat. Til no er det testa 627 personar denne veka i Ørsta og Volda (mån-ons). I dag er det mange av nærkontaktane til tilfellet som vart meldt 12. mars som skal ta 2. test. 

Kriseleiinga i volda har hatt møte i dag og kan konstantere at vi har vore heldige. Kriseleiinga rosar eleven som gjorde akkurat det han/ho skulle. Eleven vart sjuk, holdt seg heime og tok test. Ungdomane og andre som har vore i relasjon til dette smittetilfellet har alle gjort ein framifrå innstats. Tala på gjennomførte testar viser at folk er flinke til å teste seg, noko som er svært viktig. Særskilt no når det er mykje smitte i samfunnet. Vi ynskjer å oppmode om at folk unngår unødige reiser og har få nærkontaktar (dette er også eit nasjonalt råd). Før gjerne dagbok over kven du har vore i lag med. Husk å halde avstand og ha reine hender.  

Video - oppdatering og råd frå kommuneoverlege og ordførar etter den mest spennande veka vi har hatt dette koronaåret.

Status 17.03.21, kl  13.00

Volda kommune har ikkje fått melding om fleire positive prøvesvar. 

Etter at Volda kommune fekk melding om ein smitta person fredag 12.03 (tidlegar meldt) har det vore intens smittesporing i helga. Alle nærkontaktar vart oppringt og sett i karantene. Den smitta var ein elev ved Volda VGS, busett i Volda som framleis er i isolasjon. 

I alt har vi 154 elevar og tilsette tilknytt Volda VGS i karantene. 115 av dei bur i Volda eller Ørsta, og får oppfølging her. Alle desse skal no ha fått ein oppfølgingssamtale og tilbod om test nr. 2 når det har gått meir enn 7 døgn sidan siste eksponering. Alle desse hadde negativ 1. test.

39 av elevane og tilsette ved Volda VGS sit i karantene i andre kommunar. Dei er meldt til smittesporingsteamet i aktuell kommune og vil få oppfølging lokalt der dei oppheld seg. Alle desse fekk tilbod om å ta test nr. 1 i Hovdebygda i helga, og av dei som nytta seg av dette har 2 testa positivt (også tidlegare meldt), dei andre negativt.

2. test for dei på Volda VGS blir 18.03. og 19.03. (Pga. ulikt tidspunkt for siste eksponering).

Dei som har tatt ekstra test i karanteneperioden pga. symptom, har til no testa negativt.

Status 16.03.21

Volda kommune har ikkje fått meldt fleire positive prøveresultat. Prøvasvara kjem inn heile døgnet og det vil bli lagt ut oppdatering så snart vi kan om det kjem inn nye positive prøvesvar.

Vi har mottatt negativt prøvesvar på dei alle fleste av første runde med testar på nærkontaktane til tilfella som var meldt 12. og 13. mars. Det betyr at vi har nådd igjen smitterekka, men ikkje at faren for at fleire blir positive er over.

Nærkontaktane som er i karantene skal testast igjen på dag 7. Dersom dei held seg friske og den andre testen er negativ, og dei i tillegg er symptomfrie, kan dei avslutte karantena. Om dei får symptom, skal dei testast med ein gong. Husstandsmedlemmane skal då vere i karantene til det er avklart om symptoma skuldast koronainfeksjon.

Status 15.03.21, kl 13.00

Status 14.03.21, kl 21.00

Det har blitt meldt ytterlegare ein elev ved Volda VGS som har testa positivt i kveld. Eleven var sett i karantene og bur i ein annan kommune. Det har kome svar på ein god del prøver, men vi ventar framleis svar på mange. Volda VGS har heimeskule frå måndag til situasjonen er meir avklara. 26 nye ved Volda VGS vart sett i karantene i dag.

Vi trur no at vi har lukkast i å finne smittekjelda til utbrotet i Volda og det er veldig gode nyheiter. Vi vil påpeike at det i tilfelle kan tyde på at dette viruset er svært smittsamt.

I Ørsta har det ikkje blitt meldt fleire positive.

Framleis uoversikteleg situasjon

Vi vurderer framleis situasjonen i Volda og Ørsta som uoversiktleg, men det er ikkje grunnlag for å gjere strengare tiltak i skular, barnehagar, idrett og arrangement. Vi rår til at alle følger dei nasjonale råda, men er ekstra flinke med smittevern og gjer nøye vurderingar om enkelte arrangement bør utsetjast eller ikkje.  

Status 14.03.21, kl 11.00

Delar av kriseleiinga har hatt møte i dag kl 10.00. Det er ikkje meldt om fleire positive prøvesvar men vi ventar svar på nærkontaktane i løpet av dagen. Husstandmedlemane til nærkontaktane er i ventekarantene inntil svar på 1. test er mottatt. 

Det tek noko tid før vi får svar på kva type mutant det er snakk om, men ut frå hurtigtest som er gjort i Molde er klarlagt at det muterte viruset kan vere sørafrikansk eller brasiliansk mutasjon. 

Kommuneoverlegen i Vanylven ber dei som tok bussen fra Lauvstad til Syvde kl 14.45 fredag den 12. mars om å teste seg. Dei som var inne på 14.20 ferga Volda- Lauvstad fredag 12. mars bør også teste seg dersom dei får symptom.

Ukjend smittekjelde

Vi har enno ikkje lykkast med å finne smittekjelda til dei to smittetilfella vi fekk meldt 12.03.21. Det betyr at vi har ein potensielt meir alvorleg situasjon med ukjend smitte.

Vi vil minne om at koronaviruset kan gi svært svake symptom, og at alle med nyoppståtte symptom må ha svært låg terskel for å teste seg. Dersom ein er smitta av koronavirus, vil ein kunne smitte vidare sjølv om ein kun har svake symptom.

Symptom på koronavirus kan vere:

• Sår hals
• Hoste
• Tett eller rennande nase
• Hovudverk
• Feber
• Influensafølelse eller sjukdomsfølelse
• Kroppsverk
• Tungpust
• Tap av smak- eller luktesans

FHI oppdaterte anbefalingane sine for testing av barn førre veke. Tidlegare kunne ein gjerne sjå ann barn med lette symptom i 48 timar før ein testa dei. No er anbefalinga at barn med nyoppståtte symptom det siste døgnet bør testast, i samråd med føresette. 

FHI anbefaler også at barn i barneskulealder og yngre no kun vert testa i fremre nase og hals, i staden for djup naseprøve, då dette er mindre ubehagelig for barnet. For ungdom og vaksne anbefaler ein framleis djup naseprøve, då dette er den mest følsame testen.

Vi oppmodar alle innbyggjarar om å ha låg terskel for å teste seg. Vi har god kapasitet på teststasjonen i Hovdebygda. Om du er usikker på om du bør teste deg kan du ringe koronatelefonen 700 58 960.

Bestill time til koronatest på nett.

Status 13.03.21, kl 22.00

Volda

Volda fekk i kveld meldt eit nytt smittetilfelle av covid-19. Tilfellet er knytt til Volda Vgs. Vedkomande var nærkontakt med tilfellet som vart meldt 12.03.21. Smittekjelda er framleis ukjend og vi fekk i kveld beskjed om at det dreier seg om anten sørafrikansk eller brasiliansk mutasjon, men det er ikkje stadfesta kva for ein av dei.

Til no er 129 personar sett i karantene i samband med dette tilfellet. 40 av personane som er sett i karantene bur i nabokommunar (Vanylven, Hareid, Sande, Ulstein, Herøy, Stryn og Stad). Smittesporingsarbeidet held fram utover kvelden og morgondagen og fleire vil bli sett i karantene.

Ørsta:

Det er ikkje meldt fleire positive prøvesvar knytt til utbrotet i Ørsta. Alle tilsette og bebuarar på Bakketun har testa negativt på første test. Vi har fått bekrefta at det dreier seg om den britiske mutasjonen. 58 personar er i karantene i samband med dette. 

Ha gode smittevernrutinar

Vi har no ein uoversiktleg situasjon med ukjend smittekjelde i både Volda og Ørsta og det er snakk om to ulike mutasjonar. Teststasjonen har tatt 271 testar laurdag og vil teste fleire nærkontaktar søndag. Vi vil be alle om å ha få nærkontaktar dei neste dagane og unngå folkemengder. No er det viktigare enn nokon gang at vi følger smittevernreglane.

Status 13.03.21, kl 18.30

Alle som skal i karantene vert oppringt, informert og dei får tilbod om test. Husstandmedlemmane til nærkontaktane vert sett i ventekarantene til det er svar på  første testen. Dei som har testa seg i dag vil truleg få svar på testen i morgon.  

Det er hittil registrert 246 testa personar i dag 13.03.21. Hittil denne veka er det testa 1036 personar i Volda og Ørsta.

Status 13.03.21:

Smittesporingarbeidet pågår framleis. Vi testar elevar og tilsette i klassene på Musikk, dans og drama, Medium og kommunikasjon på Volda vgs. og andre som var på Ørsta kulturhus 10.03. Dei som blir rekna som nærkontaktar vil bli kontakta og sett i karantene.

• Teststasjonen er openi dag, laurdag 13. mars.
• Telefon open til kl 12.00: tlf. nr:  700 58 960
• Testinga held fram så lenge folk vil teste seg. Ein kan også bestille time på nett: http://helseboka.app/b/s/189947 

Status 12.03.21

Volda kommune fekk melding om eit nytt smittetilfelle i kveld 12.03.21. Uvisst om det er mutert virus. Smittesporing pågår og nærkontaktar vert kontakta og sett i karantene. Det kjem meir informasjon i morgon.

Status 11.03.21

Volda kommune har ikkje fått meldt om nye positive koronaprøver sidan 09.03.21. Det vart testa 301 personar i Volda og Ørsta i veke 9. Hittil denne veka, tom. onsdag er det testa 300 personar.

Ørsta kommune fekk meldt om to positive koronatestar 10.03.21. Det er bekrefta at det er mutert virus, men ikkje kva for mutant det er snakk om. 

Vi minner om at det er viktig å teste seg for å førebygge lokale utbrot. Ha låg terskel for å ta ein test, det er heilt gratis, her kan du bestille. 

Status 09.03.21, kl 12.55

Volda kommune fekk melding om eit nytt smittetilfelle med Covid-19 i dag 09.03.21.

Smittevegen er kjent og skriv seg frå ein annan del av landet, der denne personen også har tatt testen. Personen oppheld seg no i Volda men har ingen nærkontaktar i Volda eller Ørsta kommune. Det er framleis ukjent om det er mutert virus.

Smittetilfellet i dag, 09.03.21, har ikkje samband med tilfellet kommunen fekk meldt i går kveld 08. mars. Smittetilfellet den 8. mars hadde opphav frå Stad kommune. Det er ikkje mutert variant.

Status 08.03.21

Volda fikk i kveld meldt eit nytt smittetilfelle av COVID-19. Smitta skriv seg frå pågåande utbrot i anna kommune. Det er ikkje avklart om det er snakk om mutert virus. Førebels er 10 personar sett i karantene. Smittevegen kom frå Stad kommune.

Status 04.03.21

Volda kommune har ikkje fått meldt om nye positive koronaprøver. Det er ingen i karantene og ingen i isolasjon i Volda. Sist vi fekk meldt om positiv prøve var 19.02. Det vart testa 233 personar i Volda og Ørsta i veke 8, dette utgjer 1.1% av befolkninga. Hittil denne veka, tom. onsdag er det testa 206 personar. Vi minner om at det er viktig å teste seg for å førebygge lokale utbrot. Ha låg terskel for å ta ein test, det er heilt gratis, her kan du bestille.

Denne veka vert det vakinsert ca 100 personar med AstraZeneca-vaksinen. Denne gjekk til helsepersonell som fekk vaksinen på onsdag 3. mars. Personar i gruppe 2 (85 år og eldre) får 2. dose og vi vert dermed nesten ferdige med denne gruppa. Det gjenstår nokre få personar som av ulike årsaker ikkje fekk tatt vaksina då første runde gjekk. 

I veke 10 skal vi få 100 dosar av AstraZeneca-vaksinen. Denne skal bli gitt til helsepersonell, tannlegar og fysioteraputar.

I Hornindal skal dei som fekk vaksine i veke 7 få 2. dosa si.  I tillegg skal nokre personar i Hornindal i aldersgruppa 85-74 år få 1. dose med Pfizer-vaksine.

Status 21.02.21

Volda kommune har fått svar på analysen av koronaprøven som vart tatt 19.02.21. Det er ikkje påvist mutert variant av koronavirus.

Status 19.02.21, kl 21.45

Volda kommune har i kveld fått meldt om eit nytt positivt tilfelle av covid-19. Personen var i reisekarantene etter retur frå utlandet 12. februar. Personen hadde ikkje symptom då testen vart tatt i dag 19. februar. Det er valt skjerpa tiltak inntil avklart mutasjonsanalyse. Nærkontaktar er sett i karantene. Samtlige er lokalisert i Volda. Situasjonen ser førebles ut til å vere under kontroll, men den blir følgt tett. 

Kontaktperson for media: Ordførar Sølvi Dimmen, tlf.: 996 27 876, e-post: solvi.dimmen@volda.kommune.no

Status 18.02.21

Volda kommune har ikkje fått meldt om nye positive koronaprøver. Det er ingen i karantene og ingen i isolasjon i Volda. Det vart testa 286 personar i Volda og Ørsta i veke 6, dette utgjer 1.34% av befolkninga. Hittil denne veka, tom. onsdag er det testa 198 personar.

Volda kommune vaksinerer i Hornindal denne veka, gruppe 2. Har også starta å vaksinere gruppe 3, dvs dei som er under 85 år. I Volda vert det vaksinsert dose nr 2 på personar 85 år og eldre som bur i omsorgsbustad.

Status 11.02.21

Volda kommune har ikkje fått meldt om nye positive prøver. Det er testa 361 personar i Volda og Ørsta sist veke. Dette utgjer 1,7% av befolkninga og viser ein liten nedgang i tal på testa personar. Hittil denne veka, måndag-onsdag, er det testa 191 personar. Det er ingen personar i karantene, heller ikkje i isolasjon. 

Vaksineringa held fram i dag på samfunnshuset i Volda. I Volda er det framleis gruppe 2 som vert vaksinert i tillegg til 20 % kritisk helsepersonell. Gruppe 2 er dei som er 85 år og eldre. I tillegg vert det i dag vaksinert nokre få personar som er 84 år. Totalt skal vi vaksinere 120 personar i dag. Neste veke skal vi vaksinere gruppa på 85 år og eldre på Hornindal legekontor. I løpet av neste veke vil vi truleg komme i mål med dose nr 2 til alle som bur på sjukeheim.

Vi har fått spørsmål om kvifor vi ikkje set opp vaksinedagar rundt om i bygdene. Dette har med type vaksine å gjere. Den vaksinen vi har tilgjengeleg er svært sårbar for temperaturendringar så det er vanskeleg å frakte vaksinen  på ein sikker måte. 

Status 04.02.21

Volda kommune har ikkje fått meldt om nye positive prøveresultat. Det er ingen personar i isolasjon i Volda men nokre få personar er i karantene.

Nærkontaktane til smittetilfellet i Ørsta den 27. januar tok test nr 2 onsdag 3. februar. Det har ikkje kome svar på alle. Dei som får negativt svar på testen er ute av karantene jamfør nye reglar. Karantene varer i 10 døgn, men kan forkortast dersom du testar negativt tidlegast 7 døgn etter ankomst eller etter siste kontakt med den som er smitta jf. covid-19 forskrifta §4c. 

Det vart testa 472 personar i Ørsta og Volda i veke 4, til no denne veka er det testa 260.

Det er tid for årsmøter. Dette er å sjå som arrangement. Etter nasjonale smitteverntiltak så er det tillatt med 10 personar innandørs og 200 om det er fastmonterte seter. 

Status 02.02.21

Volda og Ørsta kommune har ikkje fått melding om fleire positive smittetilfelle etter dei to som vart meldt i Ørsta 27. og 28. januar.

Smittetilfellet meldt 28. januar hadde ingen nærkontaktar. I samband med smittetilfellet meldt onsdag 27.januar vart over 60 personar busett i Ørsta og Volda sett i karantene og testa. Alle prøvesvara frå første test var negative. Personane sit framleis i karantene og skal testast på nytt i morgon, onsdag 3.februar.

Status 21.01.21

Volda kommune har ikkje mottatt fleire positive prøvesvar sidan tilfellet som alt er meldt om den 19. januar. Denne veka t.o.m. onsdag er det testa 187 personar i Ørsta og Volda. Dette viser ein nedgåande trend, færre har oppsøkt teststasjonen denne veka. Det er 3 personar som er i isolasjon og 2 nærkontaktar i karantene i kommunen.  

Vi får totalt 72 doser i veke 5, 12 doser går til helsepersonell og 60 doser går til heimebuande eldre over 85 år.

Helsepersonell startar å ringe personar som er 85 år og eldre som bur heime. Gjennom telefonsamtalen vil dei eldste få informasjon om vaksina og helsepersonell vil registrere om dei ynskjer å takke ja til å få vaksine. Når dei seinare får tildelt tid for vaksine vil vi kunne fange opp dei som ikkje svarar og vi vil då ta kontakt med dei på telefon. Det er venta at vi kan starte vaksinering av denne gruppa i veke 5, med oppstart torsdag 4. februar.

Det vert sendt ut informasjonsbrev til personar som er 75 år og eldre om vaksinering mot koronavirus.

Frå og med fredag 22. januar vert det opna for alkoholservering i samband med matservering i Volda.  

Status 19.01.21

Volda kommune fekk i dag ettermiddag meldt om ei ny positiv koronaprøve. Vedkomande er definert som nærkontakt, og var alt i karantene, og no sett i isolasjon. Det skal ikkje vere fleire nærkontaktar til denne personen som har fått påvist covid-.19.

Dei nye nasjonale råda som vart kunngjort av regjeringa 18.01.21 medfører lettelsar for barn og unge. Dei får igjen lov til å trene og er unntatt frå rådet om å halde 1 meter avstand. Det er framleis nasjonalt råd om å utsette eller avlyse cupar og kampar. Toppidretten må utsette kampar ei stund, men dei er unntatt frå regelen om 1 meter avstand under trening. Ungdomskulen går tilbake til gult nivå f. o.m. onsdag 20. januar.

Vi har frå og med i dag letta på restriksjonane for besøk på institiusjonar for eldre, slik at vi er tilbake til nivået som var før jul. 

Volda kommune følger dei nasjonale råda, vi har ikkje lokale tiltak.

Status 18.01.21

Fredag kveld, 15.01.21, fekk vi meldt om ei ny positiv koronaprøve. Personen som fekk stadfesta covid-19 var alt i karantene og er no sett i isolasjon. Det er ikkje ytterlegare nærkontaktar til dette tilfellet.

I veke 2 vart det testa 437 personar i Ørsta og Volda.

Status 15.01.21

I går kveld, 14.01.21, fekk vi meldt om ei ny positiv koronaprøve. Ein person testa seg 13. januar etter innreise frå eit nordisk land.

Personen som no har fått stadfesta covid-19 var difor i reisekarantene, og er no sett i isolasjon. Det er berre ein nærkontakt til dette smittetilfellet som også  var i karantene etter innreise .

Status 14.01.21

Volda kommune fekk i går kveld meldt om eit nytt smittetilfelle. Personen tok test 12. januar etter reise frå utlandet og var i reisekarantene, no sett i isolasjon. Personen har svært avgrensa nærkontaktar.

Det vart tatt 629 testar i veke 1, så langt denne veka er det tatt 297 testar i Ørsta og Volda.

Volda kommune har mottatt 25 vaksiner denne veka. I dag skal 20 pasientar på sjukeheimen ved Hornindal omsorgssenter få vaksine. I morgon skal 5 vaksiner bli gitt til kritisk helsepersonell. 

I veke 3 vert resten av bebuarane som vil  ha vaksine vaksinert på sjukeheim på Volda omsorgssenter vaksinert og vi skal starte å vaksinere dei som bur i omsorgsbustad.

Status 13.01.21

Volda kommune har ikkje mottatt fleire positive prøvesvar. Vi har no fått svar på prøvene til alle nærkontaktane til personen som testa positivt den 08.01.21. Nærkontaktane har fått tilbod om å ta ny prøve på torsdag 14. januar. Smittekjelda er ikkje kjent og vi oppmodar alle om å ha gode smittevernrutinar.  

Status 11.01.21

Volda kommune har ikkje mottatt fleire positive prøvesvar, men vi har heller ikkje fått svar på alle nærkontaktar. Vi håper å få svar på alle nærkontaktane i morgon. 

Status 09.01.21

Personen som har testa positivt på Covid-19 var på Family Sport Club om kvelden 5. og 6. januar. 8 deltakarar på ein gruppetime er sett i karantene. Alle som har vore på treningssenteret på tidspunkta som er nemt over, må følge ekstra nøye med på mulige symptom og ha låg terskel for å teste seg.

Det er no 58 personar i karantene. Smittekjelda er ukjent og ein arbeider med å finne smittekjelda. Fordi det er ukjent smittekjelde må alle vere ekstra på vakt og ha låg terskel for å teste seg.

Status 08.01.21

Volda kommune har fått stadfesta eit nytt smittetilfelle i kveld 08.01.21. Personen som har testa positivt for covid-19 er tilsett ved Øyra skule. Elevane og tilsette som skal i karantene får melding om det direkte frå Volda kommune. Smittesporing og kartlegging pågår. 

Denne veka vart det testa 576 personar i Ørsta og Volda. 

Status 07.01.21

Det er testa 391 så langt denne veka. Ingen nye positive prøver er mottat. Det er to personar i isolasjon på grunn av påvist covid-19 i Volda.

Dei første 40 vaksinene som Volda kommune mottok onsdag 6. januar er gitt til bebuarar på sjukeheimen ved Volda omsorgssenter. Neste veke får Volda 25 vaksinedoser. 20 av desse skal gå til pasientar på sjukeheimen ved Hornindal omsorgssenter og 5 til kritisk helsepersonell.

Status 06.01.21

I går kveld fekk vi meldt om eit nytt smittetilfelle i Volda. Smittevegen er kjent, det skriv seg frå utbrotet i Sula/Ålesund. Fire nærkontaktar er sett i karantene.

Sist veke vart det testa 335 personar i Ørsta og Volda. 

Status 03.01.21

Volda kommune har i kveld 03.01.21 fått melding om eit nytt smittetilfelle. Vedkomande var allereie i karantene som nærkontakt i samband med smitteutbrot i Ålesund. Den smitta er no i isolasjon, og nærkontaktar held fram i karantene.