Ved oppretting av saksframlegg til politisk behandling skal ein starte med å lage nytt dokument, Saksframlegg. Fyll ut tittel og lagre. Åpne oppmelding og vel standardtekst for den type saksframlegg du skal skrive. 

Her får du tilgong til riktekstboksar for Samandrag, Tilråding og Saksopplysningar. Her skriv du teksten som skal verte til dokumentet saksframlegg. Når du er ferdig å skrive, avslutt oppmelding og lag saksdokument. 

Sakshandsamar må ha godkjenning frå leiar, her skal godkjenningsprosessen i saksbehandlingssystemet brukast. 

Saksnummer vert påført når utvalsekretær set opp saklista etter at alle sakene er samla. Dokument som skal skjermast for offentleg innsyn må ha tilgangskode i saksbehandlingssystemet. Dette gjer at desse dokumenta ikkje kjem ut på innsynsløysinga vår og utvalssekretær vil avgrense kva politikara som får dokumenta i politikarportalen ser (berre dei som skal i møte får lese). Saksframlegget skal vere klart (og godkjent av leiar) seinast klokka ti dagen for utsending.

Åpne saksframlegg. Gå til fana behandling, trykk på plusset (+) nede til høgre  og vel ny behandling.

 Vel om du vil ha referatsak, politisk sak, delegert sak eller orienteringssak og utvalet det skal meldast opp til. Om det skal opp i fleire utval må du repetere denne prosessen. Saka er no meldt opp til utvalet.

Du får i bilde også opp val som gjer at du kan legge til oversikt over andre relevante dokument i saken (opplysning om at dokumentet er i mappa, men vert ikkje lagt ved som vedlegg). Når du er ferdig lagre. 

Sakshandsamar er ansvarleg for å overhalde vedtekne tidsfristar og møteplanar.

Kommunedirektør og/eller kommunalsjef må ha tid til saksgjennomgang: Saker som skal til handsaming i utval må vere kommunedirektør/kommunalsjef i hende slik at han/ho har tilstrekkeleg tid til å sette seg inn i saka og mulegheit til å kome med innspel: 

• Større prinsipielle saker - lengre tid
• Andre saker - 3 arbeidsdagar før utsending

Utvalssekretærane skal ha godkjent saksframlegg i hende:

• Kommunestyret - 7 dagar før møtet vert halde
• Alle andre utval - 5 dagar før møtet vert halde

Når saksframlegget er ferdig behandla politisk vil du få melding via korga Mine politiske saker under arbeidet. At saka ligg der betyr at det er gjort eit endeleg politisk vedtak i den.

Utvalssekretær skriv vedtaksbrev og sender det ut til partar i saka, og setter på vedtakskode.

Sakshandsamar har ansvar for å endre vedtakskode. Under fana Behandling og dei tre prikkane til høgre i bilde. Vel Sett vedtakskode.
Her kan du sette vedtakskode:

• 20 - Bedt om svar/ytterlegare opplysningar frå part 
• 30 - Ventar på arbeid hjå ekstern instans
• 40 - Vedtaksbrev sendt
• 50 - Anna
• 60 - Vedtak sett i verk

Det er viktig at saksbehandlar gjer dette. I systemet kan det takast ut rapportar over vedtakskodene slik at det vert lettare for leiar og politikarar å halde oversikta over kva som er gjort i saka.