Fritidsbustadar skal også ha feiing og tilsyn dersom det er montert eldstad som er i bruk.

Feiing og tilsyn skjer etter avtale mellom huseigar og feiar.

Dine pliktar ved feiing

Før feiaren kjem, må du som huseigar:

• Stenge spjeld, ventilar og luker.
• Sjekke at eldstad og luker i skorstein er tette slik at sot ikkje kan kome inn.
• Sløkke alle eldstadar.
• Varsle eventuelle leigebuarar i huset.
• Syte for god og sikker tilkomst på taket og setje fram veggstige.
• Sikre tilkomst dersom feieluka er på loftet.

"Feiaren kjem!"

Dette er ei melding som kjem frå feiaren nokre dagar i forkant av feiing eller tilsyn. Meldinga vert sendt ut som tekstmelding til dei som har mobiltelefon, og ein svarar 1 dersom tidspunktet passar, eller 2 om det ikkje passar.

Dersom tidspunktet ikkje høver må ein sjølv ta kontakt for å avtale ny tid.

Vert det ikkje meldt tilbake om at huset er klargjort for feiing, vert det ikkje feiing.

Gebyr

Alle som har montert eldstad i hus eller fritidsbustad må betale ei avgift til kommunen, uavhengig om ein brukar det eller ikkje. Dei aller fleste har lik avgift, men dei som fyrer slik at det vert mykje sot og treng oftare feiing enn kvart 3dje år, må betale høgare avgift enn dei som har lite sot i skorsteinen. Det kan vere ulike årsaker til at ein får mykje sot i skorsteinen, men den vanlegaste er at ein ikkje har skifta ut til reintbrennande omnar.  Gamle omnar produserer opp til 10 gongar meir sot enn nye reintbrennande, brukar meir ved og er mindre miljøvennlege.

Storleiken på avgifta vert vedteken i kommunestyret kvart år og dekker kommunen sine totale kostnader med tilsyn og feiing hjå alle abonnentar etter behovsbasert intervall.

Kva kostar det?

Alle summar er inklusive mva.

Behovsprøvd tilsyn er inkludert i feiegebyret.

A. Brannforebygging bustadhus gruppe 1: Dei med normal sotmengde og låg risiko som treng skjeldan feiing/tilsyn (3-6 år) 

B. Brannførebygging fritidsbustadar: Hytter / fritidsbustader

C. Brannforebygging gruppe 2: Stor sotmengde/Fleire skorsteinar/høg risiko som treng ofte feiing/tilsyn(1 -2 år) 

D. * Vert nytta ved anna arbeid utanom lovpålagd feiing og tilsyn, som t.d. kontroll av røykløp etter pipebrann, fabrikkpiper, ekstra feiing og andre tenester som ikkje er dekka av det ordinære feietilsynet.

Pris for feiing er heimla i lokal forskrift om lovfesta feiing og tilsyn (PDF, 449 kB) i Volda kommune.