Dette omfattar både intern og ekstern kommunikasjon, og koordinering med andre einingar og tenester.

Kommunikasjonsoppgåver kan delegerast, men det er leiaren sitt ansvar å sørge for at kommunikasjonstiltak blir gjennomførte. Leiarar har ansvar for å involvere kommunikasjonsfagleg ekspertise.

Når eit fagansvar blir delegert, følger også ansvaret for kommunikasjon med.

Kommunikasjon er også eit felles ansvar

Alle har eit sjølvstendig ansvar for å halde seg informert om kva som skjer i organisasjonen, og å dele informasjon med andre.

Vi skal bruke eit klart og forståeleg språk tilpassa målgruppene våre, og i tråd med språklova.

Kommunikasjonsmateriellet vår skal vere universelt utforma.

Vi kommuniserer på fleire språk når det er nødvendig.

Vi nyttar kommunen sine grafiske element for å tydeleggjere at det er kommunen som er avsendar.

Ressursar og retningslinjer

• Språklova
• Korleis jobbe med universell utforming? (UU-tilsynet)
• Kommunen sin språkprofil 

Informasjon frå kommunen skal vere oppdatert og korrekt.

Vi skal vere i forkant, slik at informasjonen når rett målgruppe til rett tid og gjennom rett kanal.

Nettsidene til kommunen er vår digitale hovudkanal for å dele informasjon om tenestene våre eksternt. Hovudprinsippet er at all informasjon skal vere tilgjengeleg på nettsidene våre og delast vidare herifrå. Tilsvarande gjeld for intranett for internkommunikasjon.

Vi er der innbyggarane er, og brukar alternativ til digitale kanalar der det er behov.

Ressursar og retningslinjer

• Retningslinjer for sosiale medium
• Kanalstrategi 

Kommunen er ein open organisasjon med god ytringskultur og høg takhøgd.

Som tilsett skal du vere tydeleg på når du uttaler deg som tilsett, på vegner av kommunen, og når du ytrar deg som privatperson. Tilsette må følge reglane for teieplikt og kommunen sine etiske retningslinjer.

Ytringsfridomen er forankra i Grunnlova paragraf 100.

Ressursar og retningslinjer

• Grunnlova paragraf 100
• Etiske retningslinjer
• Rutine for varsling av kritikkverdige forhold (for tilsette) 

Vi skal involvere innbyggarane i utviklinga av tenestene våre, og dei skal ha høve til sjølve å ta opp saker dei er opptatte av.

Vi inviterer til dialog og medverknad, og lyttar aktivt og nysgjerrig når vi får innspel. Vi informerer om politiske prosessar og utviklingsarbeid, og om korleis innbyggarane kan bidra. 

Vi skal vere opne om både godt og gale.  

Vi skal gi innsyn etter offentleglova og praktiserer meiroffentlegheit.

Vi skal aktivt informere om kritikkverdige forhold. Det vil bygge tillit.

Relevante lover

• Offentleglova
• Lov om behandling av personopplysningar (personopplysningslova) 

Lokalmedia er viktig for å synleggjere kommunen som tenesteytar og som ein kunnskaps- og kompetanseorganisasjon. Vi tar kontakt med media når vi har aktuelle saker, og svarer ope og kompetent når media tar kontakt med oss.

Den som står nærast saka, skal som hovudregel uttale seg til media på vegner av kommunen.

Ressurs

• Rutine for mediekontakt (for tilsette) 

Vi har ein open delingskultur der både leiarar og tilsette bidreg til god intern informasjonsflyt.

Det skal vere mogleg for tilsette å skaffe seg relevant kunnskap og kompetanse, slik at dei kan løyse oppgåvene sine på ein effektiv og god måte.

Endringar i kommunen sine tenester og organisasjon skal vere kjende internt i organisasjonen før dei blir kommuniserte eksternt. 

Kven som kommuniserer på vegner av kommunen i ei krisesituasjon, kjem an på kva type krise det er og kven krisa gjeld. I utgangspunktet ligg ansvaret hos den tenesta som er råka.

Ved større beredskapshendingar eller kriser set vi krisestab. Då gjeld eigne rutinar for kommunikasjon. Dei er skildra i plan for krisekommunikasjon.

Ressurs

• plan for krisekommunikasjon 

• Innbyggarar
• Tenestemottakarar, brukarar og pårørande
• Tilsette i kommunen
• Folkevalde
• Nærings- og arbeidsliv
• Frivillig sektor
• Media 

Det er avgjerande for oss å inkludere og rekruttere. Derfor bør vi vere ekstra merksame på følgande målgrupper:

• potensielle arbeidstakarar og tilflyttarar
• innbyggarar som har utfordringar med digitale verktøy
• innbyggarar som ikkje har norsk som førstespråk