Sektor oppvekst er lokal barnehagemynde og fører tilsyn med barnehagane i Volda kommune. Tilsyn med barnehagane er ei kontinuerleg oppgåve.  Gjennom ulike former for tilsynsaktivitetar skal kommunen sjå til at barnehagane vert drive i samsvar med lov og føreskrifter. Som lokal barnehagemynde skal Volda kommune sjå til at barnehagane vert drive i samsvar med barnehagelova med føreskrifter, jf. barnehagelova § 10 første ledd.

Volda kommune er i gang med å utarbeide den første tilsynsplan med barnehagane i nye Volda kommune. Målet er at den skal gi eit innblikk i tilsynsmynde si rolle og ulike tilsynsmetodar. Barnehagen skal jf. barnehagelova § 53 4.ledd leggje fram alle opplysningar som kommunen treng for å føre tilsyn. Ny etablerte barnehagar får tilsyn første året dei er i drift.

Plan for tilsyn beskriv og utdjupar barnehagemynde sitt ansvar og oppgåver for rettleiing og tilsyn i kommunale og private barnehagar. Dette er den  første planen om tilsyn som er utarbeida etter at Hornindal kommune og Volda kommune vart slått saman til nye Volda kommune 2020.

Lenke til: Plan for tilsyn med barnehagar i Volda kommune 2022-2026. (PDF, 719 kB)

Varsla tilsyn

Varsla tilsyn er eit besøk med intervju og synfaring. Tema for innhaldet i tilsynet blir fastsatt av tilsynsmynde. Valet er basert på risikovurderingar. Barnehageeigar blir varsla om tilsynet. Barnehagen er moglegheit til å bu seg til tilsynet og har høve til å forbetre tema knytt til barnehagelov og rammeplan.

Ikkje varsla tilsyn

Ikkje varsla tilsyn byggjer på enkelthending eller uromelding. Tilsynet blir nytta når tilsynsmynde er usikker på om ein vil avdekke alle forhold som kan være uforsvarlege eller ulovlige ved eit meldt tilsyn.  Det blir utlyst av klage og uromelding frå foreldre/føresette, tilsette eller andre.

Det er viktig at varslar først tar opp uroa med styrar og/eller eigar. Dersom ein framleis er uroleg for om barnehageeigar fyl lov og føreskrifter, kan du melde frå til barnehagemynde.

Klage og uro over drifta må vere skriftleg. Lenke til skjema

Dokumenttilsyn

Dokumenttilsyn er ei vurdering av aktuelle dokument. Det kan t.d. vere gjennomgang av årsplan.

Elektroniske tilsyn

Volda kommune vil frå 2022 gjennomføre årleg elektroniks tilsyn i alle barnehagane i kommunen. Barnehagane skal delta uavhengig av storleik og eigarforhold. Dersom det i tilsynet kjem fram forhold som avviker frå Lov om barnehagar, blir det rapportert tilbake til barnehagen med ein tidsfrist for å rette opp det tilsynsmynde har påpeika.

Risikovurdering

Risikovurdering skal ligge til grunn når barnehagemynde vurderer behov for rettleiing etter barnehagelova § 10 eller tilsyn etter § 53. Når det blir gjort ei risikovurdering, bruker ein tilgjengeleg informasjon og kunnskap om den einskilde barnehage.

Skjøn

Barnehagelova føreset at barnehagemynde bruker stor grad av skjøn. Barnehagemynde si oppgåve er å avklare innhaldet og intensjonen i lovkravet, og å fastsette ein minstestandard som barnehagen sin praksis kan bli målt mot.

Rettleiing

Å ta i mot rettleiing er friviljug og det betyr at barnehagemynde aktivt gir informasjon til barnehageeigar om eigarplikter i barnehagelova med føreskrifter. Dette omhandlar samfunnskrav og forventningar til rammevilkår, arbeidsmåtar og innhald som ligg i rammeverket. Det vi ønsker å oppnå er å styrke kvaliteten i barnehagane gjennom å bidra til auka forståing for krav til det pedagogiske arbeidet i barnehagane og betre etterleving av regelverket.

Tilsyn

Barnehagemynde si oppgåve med å føre tilsyn med barnehagane er heimla i § 53 i barnehagelova. Tilsyn er utøving av offentleg myndigheit og er ikkje friviljug. Det er ein kontroll av eigarplikter, og i tråd med barnehagelova med føreskrifter. Målet med tilsyn er at barnehagane etablerer ein praksis i samsvar med lovverket.

Volda kommune har som mål at informasjonstryggleik og personvern skal vere ein naturleg del av  verksemda vår. Her kan du lese meir om dette: Personvern i Volda kommune

Barnehagemynde sitt mandat

Kommunen skal gi rettleiing og sjå til at barnehagesektoren i Volda kommune vert drive i samsvar med gjeldande regelverk jf. barnehagelova § 10.  Vidare skal ein føre tilsyn med alle barnehagane jf. barnehagelova § 53. Barnehagemynde kan pålegge eigar å rette opp uforsvarlege eller ulovlige forhold.

Barnehagen sitt samfunnsmandat er regulert i Lov om barnehagar med forskrifter.

Kva skal eg gjere før eg sender inn klage

Før du sender inn klage/ei uro bør du ta opp med pedagogisk leiar og/eller styrar det du ikkje er nøgd med. Det å løyse ei sak på lågast mogleg nivå er best for alle partar. De kan også ta opp generelle problemstillingar med FAU (Foreldrearbeidsutvalet) og/eller SU (Samarbeidsutvalet). 

Korleis klage på tilbodet

Du kan klage eller sende ei melding ved å nytte elektronisk e-dialog. Innhaldet i klagen/uroa di vil bi formidla til barnehagen når barnehagemynde undersøkjer saka. Dersom du ønsker at namn og opplysningar skal vere anonymt, må dette kome tydeleg fram i meldinga.mE-post skal ikkje innehalde sensitiv opplysningar, og vi ønsker difor at alle skal nytte klageskjemaet.

Har du spørsmål knytt til å fylle ut klageskjema, ta kontakt med barnehageavdelinga.

Kva skjer med klagen min

Saksgangen følgjer forvaltningslova sine prinsipp.Dersom klagen inneheld opplysningar som er sensitive, vil saken bli unntatt offentlegheita. Dette hindrar ikkje at saka kan kome i media, men all sensitiv informasjon blir fjerna.

Skulle barnehagemynde vurdere å føre tilsyn med bakgrunn i meldinga, har barnehagen som part i saka rett til å bli gjort kjent med klagen sitt innhald. Etter at tilsynet er gjennomført vil barnehagen få ein rapport. Blir det avdekka brot på barnehagelova og føreskrifter, vil barnehagen få ein frist til å rette opp eventuelle avvik. Melding om avvik har klagerett. Kommunen har plikt til å følgje opp avviket. Du som klager vil bli orientert om utfallet i saka.

Lov om barnehager

§ 10 Barnehagemyndighetens ansvar

§53 Kommunen tilsyn med barnehagene

Lov om behandlingsmåten i forvaltningssaker - forvaltningslova

§ 2 (defisjoner)

§ 11 a (saksbehandlingstid, foreløpig svar)

§ 28 (vedtak som kan påklages, klageinstans)

§ 29 (klagefrist)

Har du spørsmål om tilsyn, klage eller uro på kommunale eller private barnehagar, ta kontakt med avdelingsleiar barnehage Bodil Brautaset eller kommunalsjef Per-Ivar Kongsvik.

Postadresse: Volda kommune v/ sektor oppvekst, Stormyra 2, 6100 Volda.