Alle som skal lære eit språk treng nokon å praktisere det med. Frivilligsentralen i Volda driv, i samarbeid med Volda folkebibliotek, "Lån ein volding".  Alle som er trygge i munnleg norsk språk har noko å bidra med her!

Møt opp på Volda folkebibliotek laurdagar klokka 13:00 - 14:00. Kaffi har vi sjølvsagt! Det varierer kor mange som møter, kva som er aktuelt tema, og om vi snakkar ein til ein eller i grupper. Kanskje kan ein også gå ein tur, eller gå på kafe ilag? Møteplassen og praten er det viktigaste.

Kan du tenkje deg å stille som frivillig? Ta kontakt med Volda folkebibliotek på biblioteket@volda.kommune.no eller kom innom oss.