Hornindal frivilligsentral

Hornindal frivlligsentral er lokalt forankra og har i hovudsak nedslagsfelt i Hornindal og omegn. Her driv sentralen fleire eigne aktivitetar og arrangement, samtidig som vi er samarbeidspart i ulike aktivitetar og prosjekt. Sentralen fungerer også som støttespelar til frivillig sektor, og skal vere eit bindeledd mellom dei og kommunen.

Du kan lese meir om våre aktivitetar, arrangement og engasjement her:

BUA Hornindal

BUA Hornindal er drifta av Hornindal frivilligsentral, men er sjølvbetjent. Her kan alle som vil låne utstyr kvar dag kl 08.00-22-00.

Ein må registrere brukar i BUA for å kunne låne. Ein må vere over 18 år og ha norsk telefonnummer for å opprette låneprofil, men som føresett kan ein legge til mindreårige som medlåntakarar.

Alt utstyr er kjøp inn av midlar frå eksterne støttespelarar, bankar og næringsliv. Vi rettar ei stor takk til alle støttespelarar!

Meir informasjon om regisrering, utstyr og vilkår for lån finn du her: https://www.volda.kommune.no/tenester/kultur-fritid-og-frivilligheit/frivillig/bua-utlanssentral/

BUA Logo

Stikk Ut!

Stikk UT! er Norges største turtrim og engasjerar titusenvis av menneske til å kome seg ut på tur! Turane registrerast i Stikk UT!- appen eller på stikkut.no. Sommarsesongen varer fra 1. mai til 31. oktober og vintersesongen varer fra 1. desember til 2. påskedag.

Stikk UT! består av turmål i fire forskjellige graderingar; frå lette til krevjande turar. Alle Stikk UT!-turane er skilta, har retningspiler i stikryss og har turbeskrivelsar med spor i kart (digitalt). Dette gjer det enkelt og trygt å finne fram.

Den praktiske tilrettelegginga av Stikk UT! - turane er i stor grad gjort av frivillige, og grada av skilting og tilrettelegging vil variere. Les derfor turbeskrivelsen nøye, og sett deg inn i forholda rundt kvar enkelt tur, særskilt om du skal til ein ny stad. Du er sjølv ansvarleg for din eigen sikkerhet på tur.

Hangout for ungdom

Hangout for ungdom er eit tilbod for ungdomstrinnet ved Hornindal skule.

Vi har ope i Grosalen i Grobygget kvar onsdag kl. 18-20.30, der ein kjem og går som ein vil. Ein kan spele biljard, shuffle, ping pong, playstation og brettspel.

Ungdom frå valfaget “Innsats for andre” har aktivitetar enkelte kveldar, følg med på plakatar på skulen.

Vi har ikkje kiosk, men ein kan få kjøpt pizza.

Foreldre er frivillige vakter, og vert koordinert av dagleg leiar på frivilligsentralen.

Ungdom

Seniortreff

Seniortreffet (55+) byr på kaffi, ein matbete, hyggjeleg samvære og variert program. Vi møtast i kommunestyresalen på Smia kvar onsdag (utanom heilagdagar og sumarferie) kl. 15. I tillegg vert det arrangert fellesturar og julemiddag.

Frivillige vertar tek imot dei besøkjande og syter for servering, medan frivilligsentralen har det overordna ansvaret med vakt-turnus, program og informasjonsdeling.

Kom og bil med!

Seniortreff Kristine Sofie O. Hansen

Boccia

Karatreff

Seniortrim

Volda demenskor

Eit kor der musikkglede, samhald og openheit er sentralt.

Koret vart etablert i 2023 gjennom eit samarbeid mellom Nasjonalforeningen Hornindal demensforeining, Volda kommune, Høgskulen i Volda og frivillige lag og organisasjonar.

Å synge saman skaper fellesskap og glede, og er ein flott aktivitet for personar med demens som er glade i song. Fleire pårørande syng også i koret.

Kvar korøving blir avslutta med eit kveldsmåltid. Der samtalar koristar, pårørande og frivillige rundt fint dekka bord.

Koret er leia av musikkterapeut Sunniva Ulstein Kayser og dirigent Ingrid Vik Henriksen.

Kom og bli med!

Koret har øving måndagar kl. 17-19 på musikkrommet på nye Volda ungdomsskule, Røysbakken 35.

Påmelding og spørsmål rettast til:

Kirsti Flø: 41205289 eller Anne-Sofie Egset: 97169915

Volda Frivilligforum

I 2024 starta Volda frivilligforum opp med støtte frå Sparebanken Møre. Forumet skal fungere som ein samhandlingsarena for frivillig sektor i Volda kommune, der alle lag, organisasjonar, frivillige og andre interesserte er velkomne.

Forumet har 4 treff i året og er koordinert av frivilligsentralane. Dei ulike møta har ulike tematikkar, og kan innehalde for eksempel kurs, informasjon og workshops, i tillegg til presentasjonar av ulike frivillige organisasjonar.

Invitasjon til møtene vert sendt ut via e-post til dei organisasjonane vi har adresse til. I tillegg har vi ei facebook-side der frivillige kan dele informasjon, spørje om råd og elles leggje ut informasjon som er relevant for frivillig sektor i kommunen. Alle frivillige i Volda kommune kan bli medlem av denne gruppa. Du finn den ved å søkje etter Volda Frivilligforum, og send medlemsforespørsel.

Verdensdagen for psykisk helse