Volda frivilligsentral

Volda frivilligsentral er lokalt forankra og har i hovudsak nedslagsfelt i Volda og nærområdet. Her driv sentralen eigne aktivitetar og arrangement, samstundes som vi er ein samarbeidspart i ulike tiltak og prosjekt.

Frivilligsentralen skal også vere ein støttespelar for frivillig sektor, og fungere som eit bindeledd mellom frivillige lag og organisasjonar, innbyggjarar og kommunen.

Sander Aksnes Bjørkedal, sander.aksnes.bjorkedal@volda.kommune.no, tlf 90125431

BUA Volda

BUA Volda held til i Volda samfunnshus (inngang frå Storgata) og har til gratis utlån av bra sports, tur og fritidsutstyr.

Alle som låner må ha ein låneprofil i BUA, denne oppretter du fort og greit her: bua.io/registrer.

Opningstider og anna informasjon finn du her: https://www.bua.no/utlansordninger/bua-volda

Alt utstyr er kjøp inn av midlar frå eksterne støttespelarar, bankar og næringsliv. Vi rettar ei stor takk til alle støttespelarar!

Stikk Ut!

Stikk UT! er Norges største turtrim og engasjerar titusenvis av menneske til å kome seg ut på tur! Turane registrerast i Stikk UT!- appen eller på stikkut.no. Sommarsesongen varer fra 1. mai til 31. oktober og vintersesongen varer fra 1. desember til 2. påskedag.

Stikk UT! består av turmål i fire forskjellige graderingar; frå lette til krevjande turar. Alle Stikk UT!-turane er skilta, har retningspiler i stikryss og har turbeskrivelsar med spor i kart (digitalt). Dette gjer det enkelt og trygt å finne fram.

Den praktiske tilrettelegginga av Stikk UT! - turane er i stor grad gjort av frivillige, og grada av skilting og tilrettelegging vil variere. Les derfor turbeskrivelsen nøye, og sett deg inn i forholda rundt kvar enkelt tur, særskilt om du skal til ein ny stad. Du er sjølv ansvarleg for din eigen sikkerhet på tur.

Volda Frivilligforum

I 2024 starta Volda frivilligforum opp med støtte frå Sparebanken Møre. Forumet skal fungere som ein samhandlingsarena for frivillig sektor i Volda kommune, der alle lag, organisasjonar, frivillige og andre interesserte er velkomne.

Forumet har 4 treff i året og er koordinert av frivilligsentralane. Dei ulike møta har ulike tematikkar, og kan innehalde for eksempel kurs, informasjon og workshops, i tillegg til presentasjonar av ulike frivillige organisasjonar.

Invitasjon til møtene vert sendt ut via e-post til dei organisasjonane vi har adresse til. I tillegg har vi ei facebook-side der frivillige kan dele informasjon, spørje om råd og elles leggje ut informasjon som er relevant for frivillig sektor i kommunen. Alle frivillige i Volda kommune kan bli medlem av denne gruppa. Du finn den ved å søkje etter Volda Frivilligforum, og send medlemsforespørsel.