Gjer heimen tryggare

Det finst nokre grep du kan ta og produkt du kan kjøpe som gjer at du kan få ein tryggare heim.

Tryggleik i heimen – rom for rom

I kvart rom i huset finst det både potensielle farar og enkle tiltak som kan auke tryggleiken.

For meir informasjon og konkrete råd, sjekk ut brosjyren frå Direktoratet for samfunnstryggleik og beredskap (DSB) (PDF, 2 MB).

  • Smarte småhjelpemiddel

    Aktivitetar som å lage mat, kle på seg, eller berre utføre grunnleggande hygiene kan for somme bli krevjande. ADL-småhjelpemiddel er utvikla for å forenkle slike oppgåver og auke sjølvstendigheit. Desse smarte ergonomiske hjelpemidla kan betydeleg forbetre livskvalitet ved å gi deg moglegheit til å klare meir på eiga hand.

     

    I Ørsta si gågate ligg Helsepartner1 Sunnmøre (del av Banda-kjende), og her kan ein gå fysisk i butikk for å kjøpe diverse smarte hjelpemiddel, samt få god vegleiing for riktig produkt.

    Adresse: Vikegata 24, Ørsta.

    Tlf: 40626589/90668067

    kontakt@helsepartner1.no

    Banda sine nettsider

     

    I fleire lokale apotek får ein også kjøpt gode ADL-produkt og får god vegleiing.

     

    Det finast fleire gode nettsider som sel småhjelpemiddel. Sjekk ut for eksempel:

    Velferdsbutikken

    Enklereliv

    Seniorlife

 

  • Automatisk belysning

    Med lyspærer med bevegelsessensor kan lyset slå seg på automatisk når du kjem inn i eit rom.

    Du kan òg sette opp lysstyring slik at lyset slår seg av og på til faste tider, eller du kan styre det via mobilen for ekstra fleksibilitet.

    Mange elektronikk-kjeder tilbyr enkle og rimelege produkt som du kan prøve ut for å gjere kvardagen tryggare og meir praktisk.

 

 

  • Heimealarm – tryggleik med ny teknologi

    Ny teknologi gjer det mogleg å installere boligalarm sjølv, utan å vere tilknytt eit alarmselskap.

    Med slike system kan du få varsel direkte på mobilen – eller på mobilen til ein pårørande – dersom det oppstår brann, rørsle, innbrot eller lekkasjar. Dette kan òg vere svært praktisk på hytta!

    Les test av heimealarmar hos Best i test her

 

  • Funksjonelle sittemøblar 

    Funksjonelle sittemøblar kan gjere heimen tryggare på fleire måtar:

    Lettare å reise seg og sette seg – Stolar med god setehøgd, stabile armlene og fast sete gjer det enklare å reise seg utan å miste balansen.

    Mindre risiko for fall – Stødig møblering og rett høgde på sittemøblane reduserer faren for å snuble eller gli når ein set seg ned eller reiser seg opp.

    Ergonomisk støtte – Stolar med god ryggstøtte og komfort gjev betre sitjestilling og avlastar rygg og ledd.

    Plassering og tilgjengelegheit – Å ha sittemøblar plasserte strategisk, for eksempel nær inngangsdøra eller på kjøkenet, gjer det lettare å ta pausar ved behov.

    Fleksibilitet og tryggleik i kvardagen – Elektriske lenestolar med løftefunksjon eller justerbar rygg kan gjere kvardagen enklare for eldre med redusert rørsleevne.

    Rett val av sittemøblar kan bidra til både auka komfort, betre mobilitet og ein tryggare kvardag i heimen.

     

    Sjekk ut velferdsbutikken.no for den funksjonelle løftestolen Activ EasyRiser og anna møbeltilbehør.

 

  • Smarte brannvarslarar

    Røykvarslarar reddar liv, og nokre er "smartare" enn andre. Dei kan vere straumdrevne, seriekobla og knytte til telefonen din. På denne måten kan du – eller ein pårørande – få varsel på mobilen dersom alarmen går heime.

    Har du eit kamera installert i tillegg, kan du sjå direktesendt video for å stadfeste om det er eit branntilløp og varsle nokon sjølv om du ikkje er heime. 

    Du bør òg ha ei komfyrvakt, som kan hindre komfyrbrannar. Komfyrvakt er påbode på alle nye kjøken og blir òg tilrådd på eldre kjøken. Dette bør du vite om komfyrvakt

 

  • Eigneberedskap

    Du bør ha utstyr heime slik at du kan klare deg sjølv i opptil ei veke. Dette inneber å ha nok vatn, mat, medisinar, varmekjelder og ein batteridriven radio for å halde deg oppdatert dersom straumen går.

    Les råd om eigenberedskap på denne lenkja (sikkerhverdag.no)

    Slik bidreg du til beredskapen i Noreg
    Norske styresmakter anbefaler at flest mogleg er førebudde på å klare seg sjølve i ei veke. Dette fordi kommunane og naudetatane må prioritere dei som ikkje klarer seg utan hjelp i ei krise.  
    Kvifor bør du ha eit beredskapslager?

    Vi lever i ei stadig meir uroleg verd, med mellom anna klimaendringar, krig og digitale truslar. Sjølv om det meste fungerer som det skal i Noreg, må vi vere førebudde på at ekstremvêr, pandemiar, ulukker, sabotasje og – i verste fall – krigshandlingar kan ramme oss.   

    Er du førebudd? 

    Korleis vil du og dine nærmaste klare dykk dersom straumen blir vekke i ein lengre periode? Kva gjer du dersom vatnet forsvinn? Kva om du ikkje får handla på ei veke? 

    Straumbrot kan gjere at det ikkje kjem vatn i springen, og føre til at kloakksystem, medisinsk utstyr, lading av elbil, betalingsløysingar, internett, mobiltelefon, radio, kjøleskap og utstyr til matlaging ikkje fungerer som normalt. 

    Eigenberedskap handlar om å vere førebudd på slike situasjonar.  

    Styrk eigenberedskapen din!  

    God eigenberedskap er ei investering i tryggleik for deg og dine nærmaste. I tillegg bidreg du til at styresmaktene kan prioritere dei som treng mest hjelp.  

    Ved å vere førebudd for éi veke blir du betre i stand til å handtere alt frå små forstyrringar i kvardagen til større kriser. For ikkje å snakke om at du får betre tid på deg til å planleggje vegen vidare dersom krisa skulle bli langvarig.  

    Hugs: Litt førebuing er mykje betre enn inga!  

    Eigenberedskap for ei veke

    Her finn du døme på ting som er lurt å ha heime. Gå gjennom behova dine, og sjå på kva løysingar som er moglege der du bur. Hugs at familie, vennar og naboar kan samarbeide om eigenberedskap. Sjekk lageret ditt med jamne mellomrom. 

    Sjekkliste for eigenberedskap

    Sjekkliste for eigenberedskap 

    • Reint drikkevatn lagra på kanner eller flasker.    
    • Mat som toler å bli oppbevart ved romtemperatur.   
    • Grill, kokeapparat eller stormkjøken.   
    • Varme klede, pledd, dyner og soveposar.   
    • Fyrstikker og stearinlys.    
    • Ved, dersom du har vedomn eller peis.   
    • Gass- eller parafinomn som er berekna på innandørs bruk er eit alternativ til vedfyring.   
    • Avtale om overnatting dersom du ikkje har alternativ oppvarming.
    • Lommelykter eller hovudlykter som går på batteri, sveiv eller solceller.  
    • DAB-radio som går på batteri, sveiv eller solceller.    
    • Legemiddel og førstehjelpsutstyr.   
    • Jodtablettar (gjeld barn og vaksne under 40 år, gravide og ammande).    
    • Hygieneartiklar som mellom anna våtserviettar, handsprit, bleier, dopapir og menstruasjonsprodukt.   
    • Batteri og fullada batteribank.   
    • Litt kontantar og fleire betalingskort.   
    • Mat og vatn til kjæledyr.  
    • Liste på papir med viktige telefonnummer som til dømes naudnummer, legevakt, veterinær, familie, vennar og naboar.  
Sist endra 10.06.2025 15:06