Badet er eit kritisk rom for om du kan bu heime så lenge som mogleg.

Ofte har badet høg terskel, smal dørøyving og lite plass. Badekar, dusjkabinett og lågt toalett kan òg by på utfordringar etter kvart.

Tilrådingar

• Dusj direkte på golvet med dusjvegger eller forheng er å føretrekke. Dusjkabinett blir ikkje tilrådd, då desse ofte er tronge og terskelen kan bli ei utfordring.
• Bruk sklisikring på golvet i dusjen, som matte eller anna.
• Toalett med god setehøgd, gjerne med armlene på kvar side.
• Stikkontakt nær servant, plassert i høgda 80–100 cm over golvet, er tilrådd.
• Vaskemaskin: Vurder om det er plass til denne på badet for ein enklare kvardag.
• Vurder støttehandtak på sikt, dersom det er mogleg å installere.

Det er viktig å kunne lage sin eigen mat, så eit tilrettelagt kjøken er fint å ha.

Hugs òg at kvar fjerde bustadbrann startar på kjøkenet, så ein ekstra gjennomgang av dette rommet kan vere ei god investering.

Tilrådingar

• Skuffer er å føretrekke framfor skap.
• Vurder å sette inn ein benk som du kan trekke ut, slik at du kan sitje på stol medan du arbeider.
• Oppvaskmaskin med hevbar nederste kurv gjer fylling og tømming enklare.
• Tilstrekkeleg benkeplass ved sidan av komfyr og oppvaskkum, slik at du enkelt kan sette frå deg kasseroller og matvarer.
• Plasser gjerne steikeomnen i benkehøgd for betre tilgjengelegheit.
• Tenk brannsikkerheit! Komfyrvakt er påbode på alle nye kjøken og blir òg tilrådd på eldre kjøken. Dette bør du vite om komfyrvakt.
• Hugs å ta ut stikkontakten etter bruk av kjøkenmaskiner, og ha eit brannsløkkingapparat lett tilgjengeleg som du veit korleis du brukar.

Ein heim utan dørtersklar og med breie dører er å føretrekke uansett livssituasjon.

Ein romsleg entré med plass til å setje seg gjer kvardagen enklare, enten barnebarna kjem på besøk, eller om du sjølv treng å sitje ned for å ta på skoa.

Tilrådingar

• Utvide døropningar til 90 cm og fjerne tersklar.
• Utvide entreen når ein byggjer om til trinnfritt inngangsparti. Om mogleg, vurder å slå saman bod og entré dersom desse ligg inntil kvarandre.
• Sklisikkert og slitesterkt golvbelegg for betre tryggleik.
• Golvvarme er å føretrekke for auka komfort.
• Plass til ein benk eller stol for å gjere det lettare å sitje ned ved behov.

I stova bør du ikkje ha det for trongt.

Kanskje det er lurt å rydde bort nokre av møblane? I tillegg kan du tenkje over desse generelle råda:

Tilrådingar

• Møblering som gjer det lett å ta seg fram, med fri passasje til skap, vindauge og dør.
• Unngå for mange lause teppe for å redusere risikoen for å snuble.
• God belysning er viktig, spesielt når synet gradvis blir dårlegare.
• Tilstrekkeleg antal stikkontaktar, plasserte om lag 1 meter over golvet for enkel betening.
• Trinnfri tilkomst til uteplass for betre tilgjengelegheit og komfort.

Dei fleste bustadar har trapp eller trinn ved inngangsdøra og ofte lite plass framfor døra.

For å kunne bu heime så lenge som mogleg, kan desse råda vere nyttige:

Tilrådingar

• Trinnfri tilkomst for betre tilgjengelegheit.
• Plant areal framfor inngangsdøra for trygg og enkel ferdsel.
• God plass ved sida av døra, slik at det blir lettare å opne den.
• VDersom du skal bytte dør, bytt til ei som er lett å bruke. Det finnes også automatiske døropnarar.
• Dørlås med kode i staden for ein tradisjonell vrilås kan vere praktisk på mange måtar.

Uteareal og tilkomst

For mange bustadeigarar er trinnfri tilkomst den største utfordringa. Vanlege hinder kan vere bratt gangveg, nivåforskjellar, laus grus og dårleg belysning.

I tillegg kan lang avstand mellom garasje eller carport og bustaden gjere det vanskeleg å ta seg fram, særleg om vinteren.

Tilrådingar for uteareal og tilkomstveg

• Vurder alternativ tilkomst om dagens løysing er utfordrande.
• Jamn ut terrenget for å redusere nivåforskjellar.
• Bruk fast, jamt og sklisikkert dekke for trygg ferdsel.
• Sørg for god belysning langs tilkomstvegen.
• Vurder varmekablar for snø- og isfri tilkomst om vinteren.

Tilrådingar for garasje og carport

• Om mogleg, bygg ny garasje eller carport nærare inngangsdøra for kortare gangveg.
• Overbygd tilkomst mellom garasje/carport og huset.
• Automatisk garasjeportopnar gjer det enklare å bruke garasjen.