Sprek på nett

Sprek på nett - gratis tilbod for å heve digital kunnskap

Volda kommune tilbyr"Sprek på nett" - Eit nytt gratis tilbod for å gje deg kunnskap du treng for å kjenne meistring i møte med den digitale kvardagen.

Tilbodet er heilt gratis, og utan påmelding! Det er heilt uforpliktande å delta!

– I ei tid der digital teknologi blir stadig meir sentral i kvardagen vår, er det viktig at alle i samfunnet har naudsynte ferdigheiter til å kunne navigere i den digitale nye verda.   "Sprek på nett" er eit steg mot å sikre at ingen blir ståande utanfor den digitale utviklinga, seier Paul Ottar Tornes, leiar digitalisering i Volda kommune. 

Kommunen har som mål å gje innbyggarane kunnskap og rettleiing for å kunne oppleve meistring og tryggleik i det digitale, både på data og mobil. 

– Vi har søkt og fått støtte frå Kommunal- og distriktsdepartement, seier digitaliseringsleiar Paul Ottar Tornes. Formålet med stønadsordninga er å legge til rette for etablering av eit gratis lågterskel rettleiingstilbod for alle som har lita eller ingen digital kompetanse. Det betyr at alle som ønsker det vil få moglegheita til å kome på kurs for å få grunnleggande digital kompetanse, i tillegg til erfaring og tryggheit til å lære seg bruk av digitale tenester i eigen kvardag.

Tilskotsordninga støttar opp om regjeringa og KS (Kommunesektorens organisasjon) si felles målsetting om å bidra til at alle innbyggarar skal ha tilgang til eit lågterskeltilbod innan digital kompetanse.

Kursdatoar kjem snart

Kakadu forklarer

Kakadu gir deg enkle steg-for-steg-oppskrifter for dei som har lite digital kompetanse, slik at du kan lære deg å bruke ulike tenester på nett – for eksempel å laste ned ein app eller bruke BankID.

Prøv dei ved å følge denne linken (kakadu.no)

Slettmeg.no

Dette er ei gratis råd- og rettleiingsteneste for deg som føler deg krenkt på nett. Tenesta kan òg hjelpe pårørande med å slette kontoar for avdøde.

Du kan kontakte slettmeg.no via telefon, e-post, kontaktskjema eller sosiale medium.

Les meir om korleis her (slettmeg.no) 

norge.no

Her finn du ein vegvisar til digitale sjølvbeteningsløysingar frå stat og kommune.

Du kan søkje opp tenesta du leitar etter, eller finne relevante tenester basert på livssituasjonen din.

Bli kjent med norge.no her. 

Banktenester utan internett

Som kunde har du rett til å få utført banktenester utan å vere på internett.

Meir informasjon kjem. Sida er under arbeid.

Planlegge litt

https://www.planleggelitt.no/