Skal vi få til at alle har det trygt og bra i anlegget, krev det diverse trivselsreglar og retningslinjer som alle må forhalde seg til. Desse vert også hengt opp i anlegget. 
NB: Her kjem justeringar etterkvart som vi vert kjent med kva meir reglar som krevst i vårt anlegg. 

• Anlegget er skofri sone, så ein tek av seg skoa på tilvist stad. 
  - Skohyller i gangen før tribune, klasserom og møtelokaler. 

• Samtlege som skal i basseng og eller attraksjon må dusje skikkeleg før ein entrer bassengområdet. 
  - Alle må dusje UTAN badetøy på. 
  - Intimsoner skal vaskast ekstra godt, (under armane og i skrittet). 
  - Det er ikkje tillatt å barbere seg i anleggets dusjsone, ei heller i bassengområdet. 
   
• Samtlege som nyttar bassengområdet må ha på seg godkjent badetøy (badeshorts, trunks, bikini, badedrakt, burkini etc). 
  - Ein kan ikkje ha boksershorts under godkjent badetøy. 
  - Dette gjeld også for hijab.  
   
• Mat og drikke skal ikkje tas med inn til bassengområdet. 
  - Vi har drikkefontene ved hovedbasseng. 
   
• Lytt til, og forhald deg til det Badevertane seier. 
   
• Seksuell tilnærming og adferd skal ikkje forekome nokon stad i anlegget. Politianmeldes. 
   
• For at vi skal vere eit anlegg for alle, er det viktig at ein tek hensyn til kvarandre. 
  Dei som vil herje litt må ta hensyn til dei som ikkje vil det. Men dei som vil ha ei roleg økt må også ta hensyn til at det er lov med bassengleik! 
   

Alvorsgrad i uønska hending og/eller oppførsel avgjer kva sanksjonen vert; 
- Dialog
- Irettesetting
- Bortvising
- Politianmelding