Circle of Security (COS) Parenting er eit foreldreveiledningsprogram med ei målsetjing om å fremja trygg tilknytning mellom foreldre og barn.

COS-P kurs skal støtta foreldre, eller dei som jobbar med barn, til å forstå kvifor barn oppfører seg slik dei gjer, kva behov dei har og korleis dei kan møta behova på ein omsorgsfull og utviklingsstøttande måte. Den kjenslemessige og reflekterande delen av programmet er viktigare enn å læra foreldrene teknikkar på korleis dei taklar barn si åtferd. Cos legg vekt på at alle foreldre har sine kampar og ting ein strevar med. Det vert jobba med refleksjon om kva dette eigentleg handlar om, og på denne måten vert du som omsorgsgjevar gitt fleire val på korleis du ynskjer å løysa utfordringane.

I Volda er det helsestasjonen og barnehagen som tilbyr desse kursa. 

ICDP (International Child Development Program) er eit førebyggande og gruppebasert program retta mot foreldre med barn i alderen 0-18 år.

Føremålet med programmet er å førebygge psykososiale vanskar blant barn og unge gjennom å støtte og styrke foreldre og andre omsorgsgjevarar i deira omsorgsrolle. Gjennom programmet kan du møte andre foreldre i gruppe for å utveksle erfaringar om forholdet til barna. Målet med ICDP er at dei enkelte skal bli trygge foreldre ved å bli medvitne på kva dei gjer som er bra for barna. Du får inga ferdig oppskrift, men hjelp til å finne eigne løysingar for deg og ditt barn. Samtalane i foreldregruppene tek utgangspunkt i deltakarane sine eigne erfaringar.

Helsestasjonen har desse gruppene.

Ung i Volda er ein kommunal fritidsklubb for ungdom frå åttande klasse og oppover. Ung i Volda held til på Volda Samfunnshus saman med Volda Filmteater.

• Faste opningstider: tysdagar og torsdagar 18.00 – 21.00.
• Kontakt: ungivolda@volda.kommune.no
• Mobil: 90 76 84 63