Volda er på 2. plass i landet på openheit i forvaltninga
Illustrasjon: Åpenhetsbarometeret 2023
Pressens offentlighetsutvalg og Kommunal Rapport
Pressens offentlighetsutval og Kommunal rapport har granska kor opne kommunane i Norge er; i kva grad gir kommunane tilgang til politiske dokument og sikrar at journalistar og folk flest får innsyn i forvaltninga og dei politiske beslutningane?
Pressens offentlighetsutvalg og Kommunal Rapport har dei tre siste åra saman undersøkt korleis kommunane legg til rette for openheit i kommunane, og korleis dette blir etterlevd i praksis. Resultata blir presentert i Åpenhetsbarometeret.
Bakgrunnen er betydninga som gode postlister, opne politiske møte og raske svar på innsynskrav, har for gje innbyggarne innsikt i beslutningsprosessane.
I rapporten kjem Volda kommune svært godt ut; på ein delt 2. plass i landet og deler førsteplass i Møre og Romsdal med Ørsta kommune. Volda var best i Møre og Romsdal også i fjor, noko som viser at fylkes-seieren langt frå er tilfeldig, skriv Norsk Presseforbund i sin rapport.
Publisert 21.09.2023 11:35
Sist endra 27.09.2023 11:02