Når du søkjer helse- og omsorgstenester er det forvaltningskontoret i helse- og omsorgssektoren som tek imot og handsamar søknaden.

Dei tilsette ved forvaltningskontoret har tverrfagleg helse- og sosialfagleg kompetanse.

Koordinerande eining:

Koordinerande eining skal bidra til å sikre eit heilskapleg tilbod til pasientar eller brukarar med behov for sosial, psykososial eller medisinsk habilitering og rehabilitering.

Skjema for å melde om behov for individuell plan og koordinator, skifte koordinator eller avslutte denne tenesten:

Meldeskjema til koordinerande eining

PDF-skjema for utskrift:

Skjema til koordinerande eining

Tittel	Publisert	Type
Melding om avslutting av koordinator	18.01.2021	Filtype: pdf. Klikk for å laste ned Melding om avslutting av koordinator.pdf
Melding om skifte av koordinator	18.01.2021	Filtype: pdf. Klikk for å laste ned Melding om skifte av koordinator .pdf
Samtykkeerklæring koordinerte tenester	18.01.2021	Filtype: pdf. Klikk for å laste ned Samtykkeerklæring koordinerte tenester.pdf
Melding om behov for individuell plan og eller koordinator	18.01.2021	Filtype: pdf. Klikk for å laste ned Melding om behov for individuell plan og eller koordinator.pdf

​

Individuell plan og koordinator

• Alle som har bruk for fleire helse- og omsorgstenester over ei viss tid, kan få individuell plan og koordinator. Behovet treng ikkje vere varig.
• I vurderinga av behovet for langvarige og koordinerte tenester skal også tiltak frå andre sektorar takast med.
• Retten til individuell plan er uavhengig av alder, diagnose og funksjon.
• Individuell plan er ein prosess for korleis tenestene ein person treng, skal medverke saman slik at vedkomande får ei heilskapleg oppfølging – tilpassa behova sine.
• Koordinator er ein av fagpersonane til tenestemottakar som koordinerer tenestene og sikrar framdrift i arbeidet med den individuelle planen til vedkomande. Koordinator sørgjer for at tenestemottakar, og eventuelt pårørande, vert involverte tett i arbeidet med planen. Ulike yrkesgrupper kan ha rolla som koordinator. Tenestemottakar sine ønskjer skal vektleggjast ved val av koordinator.
• Koordinerte tenester betyr at behovet gjeld to eller fleire helse- og omsorgstenester.