Frå 01.01.25 gjeld nye retningsliner for transportteneste for menneske med nedsett funksjonsevne(TT-kort).
Det er Møre og Romsdal fylkeskommune som har vedtatt dei nye retningslinene.
I retningslinene står mellom anna:
Godkjenningsperiode:
Vedtak om godkjenning som TT-brukar vert gjeve for ei periode på 2 år frå dato på vedtaket. For brukarar som har større funksjonsnedsetjing vert det gjeve godkjenning på 5 år frå dato på vedtaket.
Reisestøttebeløp pr år:
Det vert tildelt eit reisestøttebeløp på kr 3 500 for personar som bur meir enn 10 km frå kommunesenteret og kr 2 000 for personar som bur mindre enn 10 km frå kommunesenteret, gjeldande frå og med 1. januar 2025.
Volda kommune har motteke 405.000,- frå Fylkeskommunen til dekking av samla kostnader med ordninga. Fylkeskommunen har orientert kommunane om at tildeling av TT- kort utover summen som er gitt kommunen, må dekkast av kommunen sjølv. Kommunen må vurdere strengt tildeling i ordninga for å halde seg innanfor gitt ramme.
Det er forvaltningskontoret i sektor helse- og omsorg som har ansvar for forvaltning av ordninga i kommunen.