Koordinator for DHO er ansvarleg for å planlegge kommunikasjonstiltak. Tiltaka kan t.d. gjennomførast av ressursgruppa for DHO, seksjonsleiar legevakt og andre kontaktpersonar i kommunane. 

Målgrupper for kommunikasjonstiltak er:

• innbyggarar
• interesseorganisasjonar
• politikarar 
• legetenestene
• tilsette i kommunane
• tilsette i spesialisthelsetenesta
• leiarar i kommunane
• leiarar spesialisthelsetenesta
• helsefellesskapet 

Aktuelle tiltak er: 

• informasjon på kommunale heimesider
• medieoppslag i lokale medier
• tilgjengelege prosedyrar og rutinar for helsepersonell
• informasjon/innlegg i møte, fagdagar etc
• distribuere brosjyrar og plakatar
• distribuere filmen vår om DHO 

Koordinator for digital heimeoppfølging og seksjonsleiar legevakt er ansvarleg for organisering og rutinar for opplæring. 

Opplæring kan gjennomførast av koordinator og dei andre i ressursgruppa for DHO. Leverandør kan involverast ved behov. 

Opplæring i DHO skal inngå i Legevakta si rutine for opplæring av nytilsette og vikarar.

Ressursgruppa skal bistå ved behov for opplæring i kommunane og sjukehuset. 

Opplæring skal minimum bestå av:

• Kva er digital heimeoppfølging
• Kva er målet med tenesta, kva ein vil oppnå
• Korleis tenesta er organisert
• Rollefordeling
• Bruk av administrasjonssystem
• Bruk av måleutstyr og pasientapp
• Rutinar for oppfølging av brukar
• Eigenbehandlingsplan
• Tenesteforløp, søknadsprosess, evaluering
• Kor ein finn meir informasjonsmateriell, t.d. heimeside og Dignio Prevent.

Sjustjerna helse og omsorg ved kommunalsjefgruppa er ansvarleg for fastsetting av tildelingskriterium. 

Forslag/behov for endringar i kriteria kan kome frå oppfølgingstenesta ved legevakta eller frå andre aktørar. Forslag/behov for endringar meldast til koordinator DHO. Forslag/behov for endringar skal takast opp i Nettverk for sakshandsaming i Sjustjerna før saka går til kommunalsjefgruppa. Koordinator DHO har ansvar for å melde sak til Nettverk for sakshandsaming i Sjustjerna. Ved behov for endringar melder koordinator saka til kommunalsjef i vertskommune. 

Tildelingskriteria skal minimum reviderast ein gong i året. 

Tenesteeigar er øvste ansvarleg for behandling av personopplysningar. Tenesta skal følgje gjeldande prosedyrar vedr. personopplysningar i vertskommunen (Volda kommune), inkludert rutinar for avvik. Seksjonsleiar legevakt skal sørge for at rutinane blir følgt. 

Brukarar av tenesta skal informerast av tenesta om behandling av personopplysningar, t.d. gjennom informasjon i pasientapp.  

Rutinar for behandling av personopplysningar skal sikre at oppdaterte og riktige oppsyningar og brukarane er tilgjengelege til rett tid og rett stad, og at dei nyttast på ein forsvarleg og lovleg måte. Rutinane skal vidare hindre at personopplysningar kjem på avvege. 

Databehandlaravtale: Volda kommune har underteikna databehandlaravtale med leverandør. 

Behandlingsprotokoll: Volda kommune har utarbeida behandlingsprotokoll. Dersom kommunane tek i bruk administrasjonssystemet i eigne tenester, må dei lage eigen behandlingsprotokoll. 

DPIA: Tenesta har utført personvernkonsekvensvurdering (DPIA) på aktuelt administrasjonssystem (under ferdigsstilling). DPIA sendast til personvernombodet v/ IKA Møre og Romsdal for godkjenning. 

ROS: Risiko- og sårbarheitsanalyse er utarbeida på administrasjonssystem og tenesteutøving. 

Prosessane med DPIA og ROS skal gjerast av ei gruppe med representantar frå fleire av kommunane, og ein skal rådføre seg med IT og personvernrådgjevarar i kommunane. Koordinator DHO kontaktar nettverk for velferdsteknologi i Sjustjerna for å avtale revisjon i oktober kvart år. 

Vidare utvikling av digital heimeoppfølging koordinerast av koordinator for DHO. Ved større endringar skal Sjustjerna helse og omsorg vere med i beslutningane. Endringar som omfattar spesialisthelsetenesta skal takast opp i helsefellesskapet. 

Vidareutvikling av tenesta bør baserast på brukarbehov og behov frå tenestene i kommunane og spesialisthelsetenesta. Tenesta utfører brukarundersøkingar kvar 6. månad, og evaluering med tenestene årleg. 

Kommunalsjef i vertskommune er ansvarleg for budsjettering av driftskostnadar for DHO. Seksjonsleiar legevakt forvaltar budsjettet og rapporterer til kommunalsjef. 

Kommunane må budsjettere for lisens og utstyr til eigne innbyggarar.