Helsenorge

Helsestasjonsportalen Søre Sunnmøre

Vaksenvaksinasjon 

I Volda kommune tilbyr vi vaksiner i vaksenvaksinasjonsprogrammet. Per d.d. tilbyr vi influensavaksine i influensasesongen, koronavaksine, pneumokokkvaksine til dei fødd i 1960 i 2025, 1960/1961 i 2026. Ein kan lese om alle dei ulike vaksinene på Voksenvaksinasjonsprogrammet - Helsenorge. Her står det kven som får tilbod om kva vaksiner, ut ifrå risikogruppe, alder og anna. Ved å vaksinere seg kan ein førebygge alvorleg sjukdom hjå seg sjølv og andre. OBS – ein er anbefalt pneumokokkvaksine også når ein er over 65 år eller i anna risikogruppe. Alle som ikkje får gjennom vaksenvaksinasjonsprogrammet, kan få resept og vaksina på Volda legekontor. 

I tillegg tilbyr vi oppfriskingsdose av vaksine mot stivkrampe, kikhoste, difteri og polio. Denne har dei fleste fått som barn, men er anbefalt å ta påfyll kvart 10. år då effekta går ut. Ved å ta denne vaksina sørgjer ein for flokkimmunitet i befolkinga. Nokre kan også ha behov for MMR-vaksine, men dei fleste i Noreg har to doser av denne eller naturleg immunitet etter gjennomgått sjukdom. Les meir om vaksinane på Voksne trenger oppfriskningsvaksine hvert tiende år - Helsenorge. 

Prisar vaksenvaksinasjon per november 2025:

• Influensavaksine 300 kr
• Pneumokokkvaksine 110 kr (85 kr om ein tek ei anna vaksine samtidig)
• Koronavaksine 110 kr (85 kr om ein tek ei anna vaksine samtidig)
• Stivkrampe, kikhoste, difteri og polio-vaksine 500 kr

Prisen kan endrast i tråd med prisanbefalingar frå FHI. Prisen inkluderar innkjøpspris på vaksina, utstyr og konsultasjonsavgift. 

Planlegg timen din på Pridok booking (du finn tilgjengeleg timar der)

Ver vennleg å skrive kva vaksiner du ynskjer. Ved å bestille time samtykkar du til at vi kan ta eit søk på kva vaksiner du har fått, for å sikre at du treng vaksina. Ved spørsmål, ring oss på 70 05 88 20.

Reisevaksine og yrkesvaksine 

Pr i dag tilbyr ikkje Volda helsestasjon reisevaksiner. Les om anbefalingar i høve vaksinasjon og reise på https://www.fhi.no/sm/smittevernrad-ved-reiser/. Ein kan til dømes ta kontakt med Medi3 i Ulsteinvik for relevante vaksiner. Merk at stivkrampe, kikhoste, difteri og polio-vaksina ofte er anbefalt for utanlandsreiser og kan fåast på helsestasjonen. 

Vi har introdusert yrkesvaksinering for innbyggarar i Volda kommune, og kommunalt tilsette i Volda. 

Ein må ringe inn til Volda helsestasjon på 70 05 88 20 for å gjere særskilt avtale om dette om ein ikkje er kommunalt tilsett, og så bestille time på Pridok booking 

Dette sikrar at vi har relevante vaksinar på lager. Kommunalt tilsette får informasjon frå eigen leiar, og kan nytte Pridok booking når ein har avklart behov for vaksine. 

Meningokokk-vaksinasjon mot smittsom hjernehinnebetennelse

Kvart år tilbyr Volda helsestasjon vaksinasjon mot meningokokk type A, C, W og Y. Les om vaksina og anbefalinga her Vaksine mot smittsom hjernehinnebetennelse - Helsenorge. Vi utfører dette på Volda vidaregåande skule, og alle elevane får informasjon i klassene og bindande påmeldingsskjema i forkant av vaksineringa. Om ein går glipp av dette eller ynskjer vaksine i etterkant, kan ein ta kontakt med Volda helsestasjon for dette. Vaksina kostar 500 kr pr. november 2025.