Helsenorge

Helsestasjonsportalen Søre Sunnmøre

Vaksenvaksinasjon 

I Volda kommune tilbyr vi vaksiner i vaksenvaksinasjonsprogrammet. Per d.d. tilbyr vi influensavaksine i influensasesongen, koronavaksine, pneumokokkvaksine til dei fødd i 1960/1961 i 2026. Ein kan lese om alle dei ulike vaksinene på Voksenvaksinasjonsprogrammet - Helsenorge. Her står det kven som får tilbod om kva vaksiner, ut ifrå risikogruppe, alder og anna. Ved å vaksinere seg kan ein førebygge alvorleg sjukdom hjå seg sjølv og andre. OBS – ein er anbefalt pneumokokkvaksine også når ein er over 65 år eller i anna risikogruppe. Alle som ikkje får gjennom vaksenvaksinasjonsprogrammet, kan få resept og vaksina på Volda legekontor. 

I tillegg tilbyr vi oppfriskingsdose av vaksine mot stivkrampe, kikhoste, difteri og polio. Denne har dei fleste fått som barn, men er anbefalt å ta påfyll kvart 10. år då effekta går ut. Ved å ta denne vaksina sørgjer ein for flokkimmunitet i befolkinga. Nokre kan også ha behov for MMR-vaksine, men dei fleste i Noreg har to doser av denne eller naturleg immunitet etter gjennomgått sjukdom. Les meir om vaksinane på Voksne trenger oppfriskningsvaksine hvert tiende år - Helsenorge. 

Prisar vaksenvaksinasjon per februar 2026:

• Influensavaksine 300 kr
• Pneumokokkvaksine 110 kr (85 kr om ein tek ei anna vaksine samtidig)
• Koronavaksine 110 kr (85 kr om ein tek ei anna vaksine samtidig)
• øvrige vaksiner sjå Prisar på vaksine og konsultasjonar. 

Prisen kan endrast i tråd med prisanbefalingar frå FHI. Prisen inkluderar innkjøpspris på vaksina, utstyr og konsultasjonsavgift. 

Planlegg timen din på Pridok booking (du finn tilgjengeleg timar der)

Ver vennleg å skrive kva vaksiner du ynskjer. Ved å bestille time samtykkar du til at vi kan ta eit søk på kva vaksiner du har fått, for å sikre at du treng vaksina. Ved spørsmål, ring oss på 70 05 88 20.

Reisevaksine og yrkesvaksine 

Det er tilrådd å vaksinere seg ved reise til dei fleste land.
Om du ønsker reisevaksine må du bestille time til dette i god tid, og helst 4 veker før du skal reise. 

Bestill time

Sjå råd om vaksiner for ulike reisedestinasjonar her:

https://www.helsenorge.no/vaksinasjon/reisevaksiner/hvilke-bor-jeg-ta/ 
https://www.fhi.no/sv/vaksine/reisevaksiner/

Når du bestiller time ber vi deg oppgi kva land du skal reise til, då kan vi vere betre førebudd til første konsultasjon. Ved å bestille time samtykker du til at vi kan gjere eit søk i sysvak på kva vaksiner du har frå før for å legge ein plan for vidare vaksinering. Om du ønsker å reservere deg mot dette ber vi deg ta kontakt med helsestasjonen per telefon 70058820 for bestilling. Du bestiller time her (lenke til pridok). Ein treng ikkje reservere eiga tid for barn i ein familiekonsultasjon, men bør skrive barnet sitt namn og fødselsdato i bestillinga.

Du betalar for konsultasjonen + kostnaden for den einskilde vaksine.  Sjå prisliste i eige punkt under.

Yrkesvaksinering

Volda helsestasjon tilbyr også yrkesvaksinering. Kommunalt tilsette får gjennom eigne avtalar med næraste leiar, men andre bedrifter kan også ta kontakt med oss på 70 05 88 20 for pristilbod og tilpassa opplegg. 

Ein kan nytte Pridok booking for timebestilling når ein har avklart behov for vaksine.

Meningokokk-vaksinasjon mot smittsom hjernehinnebetennelse

Kvart år tilbyr Volda helsestasjon vaksinasjon mot meningokokk type A, C, W og Y. Les om vaksina og anbefalinga her Vaksine mot smittsom hjernehinnebetennelse - Helsenorge. Vi utfører dette på Volda vidaregåande skule, og alle elevane får informasjon i klassene og bindande påmeldingsskjema i forkant av vaksineringa. Om ein går glipp av dette eller ynskjer vaksine i etterkant, kan ein ta kontakt med Volda helsestasjon for dette. Vaksina kostar 500 kr pr. februar 2026