Varsel 08.10.26 kl 19.15 - Feilen er retta
Volda kommune har no kl 19.15 fått melding om at problema er løyst og det er ikkje lenger problem med mobilnettet.
Varsel 08.10.26 kl 18.50 - Feil i mobilnettet
Nasjonal kommunikasjonsmyndigheit (Nkom) melder om feil i mobilnettet. Feilen fører mellom anna til problem med å ringe for Telenor-kundar.
Melding frå Legevakta for Søre Sunnmøre
For innbyggarar i Volda, Herøy, Sande, Ørsta:
Det er for tida problem med telefoni over store delar av landet. Dette fører til vanskar med å kome gjennom på mellom anna naudnummer til AMK (113) og 116117 (Legevakt). Viss du ikkje kjem gjennom på 116117, kan du forsøke å nå oss på 70 07 43 80.
Dersom du framleis ikkje kjem gjennom, men likevel trenger helsehjelp, kan du møte direkte på Søre Sunnmøre Legevakt (Torvmyrane 11B). Frå kl 08.00 i morgon er det ordinær daglegevakt ved fastlegekontora i kommunane.
For innbyggarar i Ulstein og Hareid:
Det er for tida problem med telefoni over store delar av landet. Dette fører til vanskar med å kome gjennom på mellom anna naudnummer til AMK (113) og 116117 (Legevakt). Viss du ikkje kjem gjennom på 116117, kan du forsøke å nå oss på 70074380.
Dersom du framleis ikkje kjem gjennom, men likevel trenger helsehjelp, kan du møte direkte på kommunen si kveldslegevakt – Ulstein legesenter. Frå kl 22.00 kan ein møte på nattlegevakt ved Søre Sunnmøre Legevakt og frå kl 08.00 i morgon er det ordinær daglegevakt ved fastlegekontora i kommunane.
For innbyggarar i Vanylven:
Det er for tida problem med telefoni over store delar av landet. Dette fører til vanskar med å kome gjennom på mellom anna naudnummer til AMK (113) og 116117 (Legevakt). Viss du ikkje kjem gjennom på 116117, kan du forsøke å nå oss på 70074380.
Dersom du framleis ikkje kjem gjennom, men likevel trenger helsehjelp, kan du møte direkte på kommunen si legevakt – Vanylven legekontor.
Brannvesenet
Brannvesenet melder at dei kan nåast på dei vanlege telefonnumra.
Dette melder teleoperatørane
Telenor melder at det er problem med å ringe, medan SMS og mobildata fungerer som normalt. Breiband skal også fungere som normalt for Telenor-kundar.
Lyse Tele (Ice) melder ikkje om eigne problem, men kundane kan ha problem med å ringe Telenor-kundar.
Telia melder at det ikkje lenger er konsekvensar for deira kundar.