Vi gratulerer vår dyktige jordmor, Gunvor Bergem Lia, med den velfortente utmerkinga «Årets ressursperson» for sitt sterke engasjement for Stine Sofie Foreldrepakke. 

Gunvor Bergem Lia vart tildelt prisen "Årets ressursperson" for sitt engasjement for Stine Sofie Foreldrepakke. Prisen vart delt ut på erfaringskonferansen sist veke. Lene Gran Sætre

Utmerkinga blir gitt til ein person som har vist særleg engasjement for arbeidet med å styrkje tryggleik, kunnskap og støtte til nybakte foreldre. I grunngjevinga blir det lagt vekt på at mottakaren gjennom sitt arbeid har vore ein viktig pådrivar for å sikre at Stine Sofie Foreldrepakke når ut til familiar med varme, fagleg tyngd og omtanke.

Vidare heiter det at prisvinnaren har bidrege til å løfte fram betydninga av tidleg førebygging og trygge vaksenkontaktar, og vore ein positiv ambassadør for både innhaldet i foreldrepakka og verdiane ho representerer.

«Årets ressursperson kjenneteiknast av sitt engasjement, si gjennomføringsevne og evna til å skape tillit og samarbeid rundt eit viktig samfunnsoppdrag – å gi barn ein trygg start på livet», heiter det i grunngjevinga.

Vi er stolte over innsatsen Gunvor legg ned for familiar i Volda kommune, og gratulerer med den flotte anerkjenninga.