Lisjevatnet ved padda Volda kommune

Volda kommune arbeider no med å lage ein plan for naturmangfaldet i kommunen. Denne kommunedelplanen for naturmangfald skal gi ei oversikt over kunnskapen vi har om naturen i Volda kommune, peike på område der vi treng meir kunnskap og føreslå konkrete tiltak for å ta vare på naturen i kommunen. Planen skal vere eit viktig grunnlag for framtidige avgjerder innan forvaltning og planlegging. Dokkadeltaet Nasjonale Våtmarkssenter utarbeider planen på oppdrag frå Volda kommune.

Volda kommune har invitert ei rekkje organisasjonar og aktørar til eit møte for å få innspel om viktig naturmangfald i kommunen. Møtet er ope for alle innbyggjarar som vil gi innspel om naturmangfald. Innspelsmøtet vil bestå av gruppediskusjonar om diverse spørsmål og innspel frå deltakarane til planutkastet.

Spørsmåla under vert diskutert i grupper møtet og kan brukast som førebuing:

• Kva er særmerkt for Volda kommune med tanke på naturmangfald – kva har vi eit særleg ansvar for å ta vare på? Det kan vere artar, naturtypar, landskap, kulturhistorie som har forma landskapet, m.m.
• Kvar finn vi dei forvaltningsrelevante artane, og kva område treng dei (t.d. rasteområde for fugl, forflyttingskorridorar for vilt, hekkeplassar, hotspotar for sjeldan vegetasjon)?
• Kva veit vi for lite om? Finst det område som er dårleg kartlagde for t.d. artar og naturtypar, der potensialet er stort, eller der det er utbyggingspress?
• Kva er dei største truslane mot naturmangfaldet i Volda?
• Er det nokre konkrete stader der slitasje utgjer eit problem for naturmangfaldet?
• Finst det andre kjelder til kunnskap om naturmangfald i kommunen, t.d. dokument, personar, databasar, rapportar osv.?

Vi oppmodar om å sende skriftlege innspel på førehand til konstanse@dokkadeltaet.no og snorre@dokkadeltaet.no.