Retningsliner for kulturprisen seier følgjande:
- Volda kommune sin kulturpris blir utdelt som honnør til mottakaren for verdifull innsats for kulturlivet i kommunen. Prisen blir delt ut kvart år.
- Målsettinga med prisen er å stimulere kulturarbeidet i kommunen.
- Kulturprisen kan tildelast enkeltpersonar eller grupper av personar, til lag og organisasjonar eller institusjonar som er heimehøyrande i Volda kommune, og som har vist evne og vilje til å yte aktiv kulturinnsats ut over det vanlege. Kulturprisen kan også delast ut til kandidat som ikkje er busett i kommunen, dersom kulturinnsatsen har kome, eller kjem Volda kommune til gode.
Vurderingskriterie for Volda kommune sin kulturpris er:
- Over tid – «lang og tru teneste»
- Mangfald - innsats innanfor fleire område av kulturlivet
- Kvalitet – fremjing av/utøving av kultur av høg kvalitet, medverknad til heving
- Særskilde grupper – verdifull kulturinnsats for grupper med særskilde behov
- Formidling/marknadsføring av eit kulturområde i kommunen og ut over kommunegrensa
Årets kulturprismottakar er ein veteran, og han vert løfta fram av eit heilt korps av medvetaranar akkompagnert av ei rekke andre kulturfellar.
Årets kulturpris handlar om ein som har vore engasjert i musikklivet i Volda i ei rekke sjangrar i 65 år!
Uttdrag frå nominasjonane:
- Dirigert kor og korps sidan 60-talet
- Spelt i Symfoniorkesteret og i Halkjelsvika Spelemannslag
- Spelt i band og orkester
- 29 år i Veterankorpset, som han var ein av inititativtakarane til å starte
- Delteke på Øyralangs, julekonsertar, 17.mai og handballkampar..
Framfor alt vert det trekt fram den særeigne evna han har til å vere motivator for korpsmedlemer og andre, og ein formidlar av musikkhistoria i Volda. Han har hatt og har stor betydning for musikklivet i Volda og bygdene rundt, ja til og med utanfor landegrensene i vennskapsbyen Møn i Danmark.
For lang og tru teneste, mangfald, kvalitet og formidling er det ei glede å gi kulturprisen for 2023 til Harald Holte.
Kulturprisnemnda
- Sølvi Dimmen, ordførar
- Rebecca Riise Bjerknes, leiar Tenesteutval for oppvekst og kultur
- Kari Aslaug Hasle, nestleiar, tenesteutval for oppvekst og kultur