Ein kommunal planstrategi kan forklarast som «ein plan for planlegginga». I planstrategien skal kommunestyret prioritere kva planoppgåver som skal startast opp eller vidareførast for å oppnå utviklinga ein ynskjer i kommunen. Vurderinga av planbehovet er ei oppfølging av utfordringane og moglegheitene ein ser, og mål som er sett. Plan- og bygningslova sett krav til både innhald og prosess for strategien. Planstrategien til Volda kommune inneheld:
- Rammer og føringar
- Organisering, metode og prosess
- Utviklingstrekk, moglegheiter og utfordringar
- Vurdering av planbehovet
- Oversikt prioriterte planoppgåver
Planstrategien er utarbeidd digitalt i Framsikt, og er tilgjengeleg på denne lenka: https://pub.framsikt.net/plan/volda/plan-babcffdf-f175-4bb7-8984-9bc5b194a578-50661/
Kunnskapsgrunnlaget til planstrategien er tilgjengeleg på denne lenka: https://sway.cloud.microsoft/0KE5mNCUDUX2qc6c
Merknader til framlegget sendast til e-post postmottak@volda.kommune.no eller pr. post til Volda kommune, Stormyra 2, 6100 Volda.
Merk innspelet med saksnummer 23/3208.
Frist for å kome med innspel og merknader er 25.09.2024.
Når fristen er ute vil innkomne innspel bli vurdert, før planstrategien vert lagt fram til politisk handsaming i oktober/november.