Regine Solberg Aklestad
Sommarjobb for student – utgreiing av biogass i avløpsbransjen
Vil du bidra til å utvikle kunnskap om biogass og berekraftige løysingar i avløpssektoren?
Vi søkjer ein engasjert student til sommarjobb i kommunen, der du får høve til å arbeide med eit aktuelt og samfunnsnyttig tema.
Om stillinga
Som sommarstudent vil du gjennomføre ei litteraturstudie knytt til bruk av biogass i avløpsbransjen. Arbeidet inneber å samle, systematisere og analysere relevant kunnskap innan feltet.
Oppgåver vil mellom anna vere:
- Kartlegging av bruk av biogass i avløpssektoren
- Gjennomgang av regelverk, særleg gjødselvareforskrifta
- Vurdering av bruk av biorest i landbruket
- Oversikt over kostnader og inntekter ved drift av biogassanlegg
- Kartlegging av tal biogassanlegg i Noreg
- Analyse av dagens bruk og framtidig potensiale for biogass frå avløpsslam
- Andre relevante problemstillingar innan temaet
Det er ikkje krav om forkunnskap innan fagfeltet – du vil få nødvendig rettleiing undervegs.
Kvalifikasjonar
- Student ved høgare utdanning (bachelor- eller masterstudium)
- Interesse for miljø, berekraft og/eller tekniske fag
Vi tilbyr
- Ei fleksibel sommarstilling over 4–6 veker
- Arbeidstid på dagtid mellom kl. 08.00–16.00
- Stor grad av fleksibilitet – det er mogleg å tilpasse arbeidsdagar (t.d. ta fri ved behov eller fint vêr)
- Relevant arbeidserfaring innan eit viktig og aktuelt fagområde
- Timeløn etter avtale
Praktisk informasjon
- Arbeidsstad: Volda rådhus
- Oppstart: Etter avtale
- Søkjar må sjølv ordne bustad
Søknad
Send e-post til lars.fjervold@volda.kommune.no