Volda kommune

I samarbeid med First Scandinavia og Sparebanken Møre, etablerer Volda kommune eit Newton-rom. Målet er å starte opp undervisning frå skulestart hausten 2025.

Volda kommune har ledig 100 % stilling som Newton-lærar frå 01.08.2025. I utgangspunktet ynskjer Volda kommune å dele stillingsressursen mellom to tilsette, der det vil vere mogeleg kombinere med ei delstilling på ein annan skule i kommunen. Det kan også vere ei løysing å kombinere med ei delstilling hjå annan arbeidsgjevar.

Arbeidsoppgåver

Ein Newton-lærar sine arbeidsoppgåver er varierte. Du får mellom anna:
 

• Tilrettelegge og leie undervisninga i Newton-rommet
• Evaluere undervisninga og vidareutvikle tilbodet
• Delta på kurs og nettverkssamlingar
• Marknadsføre Newton-rommet og oppdatere heimesidene
• Vedlikehalde og fornye materiell og utstyr
• Samarbeide med barnehage- og skuleleiarar, lærarar og andre samarbeidspartar

Kvalifikasjonar

Den/dei som vert tilsette må ha:

• Høg fagleg og didaktisk kompetanse innan realfag
• God formidlingsevne, både skriftleg og munnleg
• God kjennskap til bruk av data og teknologi
• Administrative evner
• Har pedagogisk formalkompetanse

Søknadsfristen er: 20.03.2025