Ingunn Havdal (SVV), Ruth Myklebust (SVV), Linda Heimen (SVVV), Rune Sjurgard (VK), Tor Halvar Flacké Botnen (VK), Sverre Leivdal (VK), Anni Kari Pedersen (SVV), Sølvi Dimmen (VK) og Svein Sunde frå gode Vegar. Volda kommune

Volda kommune hadde meldt inn fleire behov til Statens vegvesen som vart drøfta i møtet, jfr agendaen:

• Jutdalskrysset - status og framdrift. Statens vegvesen orienterer om utført befaring
• Folkestad ferjekai –  behov for toalett ved ferjekaia
• Busstopp for Høgskulen i Volda / Studentsamskipnaden / Volda ungdomsskule ved E39
• Kryss Industrigata – Øyraelva
• Miljøgate i sentrum og nedsett fartsgrense
• Munken – trygg tilkomst
• Furene – utbetring / flytting av kryss
• E39 Høgskulen – E39 Kryss Industrigata – Sentrum miljøgate – Munken – Furene

Statens vegvesen kjem attende når dei har gjort nærare utgreiingar og vurderingar omkring dei ulike trafikkpunkta. Statens vegvesen orienterte om at dei er avhengig av økonomiske løyvingar, og at enkelte av punkta kan vere tunge å realisere. Utbetring av sikt i Jutdalskrysset, etablering av busstopp og fotgjengarovergang for Høgskulen, Studentsamskipnaden og Volda ungdomsskule ved E 39 og miljøgate i Volda sentrum er blant dei tiltaka som kan gjerast noko med relativt raskt etter nærare planlegging og finansiering. Elles er det ei stor utfordring at framdrifta for E 39 Volda – Furene ikkje er avklart, då tunnelen vil avlaste noko av presset vi har i dag på vegstrekninga mellom rundkøyringa på Rotset og rundkøyringa i Furene.