Det er søkt om 3599 tonn MTB (maksimalt tillatt biomasse). Omsøkte anlegg ligg innanfor areal avsett til akvakultur i forslag til ny kommuneplan for Volda kommune. I påvente av godkjenning av ny arealdel, vart det søkt om dispensasjon frå kystsoneplan frå 2003. Kommune fatta vedtak om dispensasjon 18.1.2021. Det er klaga på kommunen sitt vedtak, og kommunen har oppretthalde vedtaket. Klagen er no til handsaming hos Statsforvaltaren i Møre og Romsdal.
Akvakulturlova opnar for at søknader om løyve til akvakultur kan handsamast sjølv om tiltaket er i strid med arealplanen, så lenge planmynde gir samtykke. Volda kommune har som lokal planmynde fatta vedtak om dispensasjon utan oppsetjande verknad, og har oppretthalde dette i klagehandsaming. Møre og Romsdal fylkeskommune legg til grunn at dispensasjon ligg føre. Fylkeskommunen gjer merksam på at dersom dispensasjonsvedtaket blir omgjort av Statsforvaltaren, vil ikkje eit ev. løyve etter akvakulturlova vere gyldig.
Tiltaket kjem inn under forskrift om konsekvensutgreiingar. Søknaden skal behandlast etter kapittel 3 Vurdering om planar eller tiltak etter § 8 krev konsekvensutgreiing (§§ 9-12).
Meiner ein at tiltaket kan få vesentlege verknader som ikkje er tilfredsstillande utgreidd i søknaden, eller har andre merknader til søknaden, må det sendast til kommunen.
Eventuelle merknader skal sendast til postmottak@volda.kommune.no eller Volda kommune, Stormyra 2, 6100 Volda, innan 2.7.2021.
Kommunen vil sende innkomne merknader til fylkeskommunen for vidare handsaming.
Merk brev med saksnr. 21/2317.
Akvakultur av matfisk på ny lokalitet ved Alida