Offisiell opning av Botnasanden

Offisiell opning av Botnasanden

Svein Drabløs, Sølvi Dimmen og Per Egil Nymark Vassbotn på offisiell opning av Botnasanden. - Klikk for stort bilete Torgeir Stensø

Det var stort frammøte og mange glade fjes å sjå ved Rotevatnet torsdag kveld, då friluftsområdet på Botnasanden vart offisielt opna av ordførar Sølvi Dimmen.

– Tenk at vi fekk det til! Eg er så stolt, seier ordføraren etter opninga. Dette er ei sak ho har jobba for lenge, og ho er svært glad for å endeleg kunne opne friluftslivområdet. – Tilrettelegging for trivsel og folkehelse er viktig førebyggande arbeid.

Opninga vart markert med tale ved ordførar Sølvi Dimmen, musikalsk innslag frå Tonehimmel og servering av kake, kaffi og saft.

Sunnmøre friluftsråd, Utrøna Seglarlag, Volda KFUK-KFUM speidarar og Tonehimmel kasta glans over arrangementet med mange kjekke aktivitetar og vakker improvisasjonsmusikk. Stor takk til alle som kom og som deltok på arrangementet!

Faktaboks om Botnasanden friluftslivsområde 

I 2020 vart det skrive kontrakt mellom grunneigarane på gnr 28 bnr 1 og gnr 28 bnr 6 og Volda kommune om kjøp av areal på tilsaman 16 da ved badeplassen på Botnasanden.

To grunneigarar har avstått grunn. Det er Per Egil Nymark Vassbotn (gnr 28 bnr 6) som har avstått ca 2,3 mål og det er Svein Drabløs (gnr 28 bnr 1) som har avstått ca 13,8 mål. Dei to teigane er no samanføyd til gnr 28 bnr 13 er i kommunen sin eigedom.

Prosjektarbeid del 1

  • Dette omfatta opparbeiding og asfaltering av parkeringsplass, bygging av turvegar, opparbeiding grasareal og tilsåing.
  • Kostnad: 1,6 mill,
  • Ferdig: mai 2022
  • Finansiering: Volda kommune med tilskot frå Miljødirektoratet på kr 705 000,- til kjøp av grunn, opparbeiding av p-plass og infotavle.
  • Entreprenør: Aurvoll og Furesund AS

Prosjektarbeid del 2

  • Omfatta levering av ferdig modulbygg med toalettanlegg og pumperom.
  • Kostnad: 1,6 mill
  • Ferdig: juli 2023
  • Finansiering: Volda kommune. Det er også gitt tilskot til prosjektet frå lokal bank.
  • Leverandør toalettbygg: Danfo AS 
Publisert 28.08.2023 07:30
Sist endra 10.11.2023 13:39