Illustrasjonsfoto: Norges lover NDLA

Ein meddommar er ein person utan juridisk utdanning som deltek i behandlinga av ei rettsak på lik linje med domstolen sine eigne dommarar (fagdommarar).

Kommunen skal velje meddommarar til tre ulike utval:

• Meddommarar til lagmannsretten
• Meddommarar til tingretten
• Meddommarar til jordskifteretten

I tillegg skal kommunen fremme forslag til skjønsmedlemar som vert valde av fylkeskommunen. 

Meddommarutvala skal ha ein allsidig og brei samansetjing, og meddommarane skal derfor i størst mogleg grad gjenspegle kommunen si befolkning. Det betyr at når ein vel nye meddommarar må ein mellom anna ta omsyn til alder, etnisk bakgrunn og kultur. 

Ein meddommar deltek i om lag 1-3 saker per år. Ei sak kan vare frå ein halv dag til fleire veker. Ein meddommar deltek både i sivile saker og i straffesaker. 

Kven kan bli meddommar?

• Ein må ha tilstrekkeleg norskkunnskap
• Vere personleg egna til oppgåva
• Må ha fylt 21 år og vere under 70 år
• Ha stemmerett og vere valbar til kommunestyret i Volda når perioden startar
• Norsk eller nordisk statsborgar eller registrert i Folkeregisteret som busett i Norge dei tre siste åra
• Vere lovlydig 
• Ha godkjent vandel

For meir informasjon sjå Kva er ein meddommar? | Norges domstoler

Video om å vere meddommar: https://youtu.be/Bux9yFjdzic

Meld di interesse ved å fylle ut dette skjemaet 

Du kan også ta kontakt med kommunen om du har spørsmål på telefon 70 05 87 00 eller e-post  postmottak@volda.kommune.no