Fokuset til politiet i dette arbeidet er først og fremst å hjelpe barn og unge - ikkje å generere nye straffesaker. 

- Saman står vi overfor store utfordringar. Som alltid, og ekstra spesielt i ei tid som denne, er politiet prisgitt eit godt samarbeid med kommunane, skulane og barnehage, foreldre og publikum elles. Målet er felles for oss alle: Å skape eit trygt og godt samfunn å vekse opp og leve i. Det er politiet si oppgåve både å førebyggje og nedkjempe kriminalitet, samt å verne om distriktet sine innbyggjarar. Styresmaktene sine innstrammingar overfor den enkelte borgar, som følgje av koronavirus-pandemien (covid-19), gir nye utfordringar, heiter det i meldinga som kjem frå politiet i Møre og Romsdal.

Nokon av utfordringane er lette å få auge på, medan andre kjenner ein ikkje så godt til. Derfor ønskjer politiet å vere i forkant av uønska hendingar, kriminalitet og negativ utvikling. Dei ønskjer varsling om:

• Kriminalitet
• Hendingar
• Trendar
• Uheldige situasjonar som direkte eller indirekte kjem som følgje av tiltak knytt til koronaviruspandemien.
• Brot på smittevernlova/korona-relatert kriminalitet av eit visst omfang.
• Konkrete kriminelle bekymringar for rus, vald mishandling i heimen osv.
• Barn og unge som er "ute på vift". 
• Tips om festar/ større samlingar av ungdom/aktuelle stadar.

Tidleg varsling kan vere avgjerande!

Kontakt tlf. 02800 for generelle førespurnader til politiet.

Tlf. 112 ved naud.

E-post: postmoreogromsdal@politiet no

Nettstaden til politiet finn du her.