På bilete: Nikolai Schirmer

Sunnmøre Frikøyring inviterer tysdag 4. mars til ein kveld fylt med sosialt samvær og kino! Vi startar kvelden kl. 18.30 med kaffi, mingling og skiprat. Her kan du treffe likesinna skientusiastar, diskutere linjeval, dele historier og lade opp til neste eventyr i Sunnmørsalpane.

Kl. 19.30  set vi oss godt til rette i kinosalen for visning av SKI – ein dokumentarfilm som tek oss med på ei reise gjennom ein spektakulær skitur. Den kjente ski-køyraren Nikolai Schirmer får høyre at barndomsvennen Vegard Rye skal gå over 27 fjell i Nord-Norge, utan stopp, over fire døgn. Turen kan samanliknast med å springe fire maraton, samstundes som ein klatrar Mount Everest frå havnivå – tre gonger.

Schirmer ynskjer å dele vennen si historie med verda, og selje den til sponsorane sine som «The Greatest Ski Tour Of All Time». Nikolai prøver på same tid å tileigne seg kameraten sine treningsmetodar, for å løfte si eiga skikøyring til nye høgder. Men Nikolai innser heller raskt at det er lettare å fortelje ei historie enn å leve gjennom den. Samstundes heng det store spørsmålet over han: Kvifor mista han sin beste ven og fjellpartnar for så mange år sidan?

Arrangementet er ope for alle – enten du er ein erfaren frikøyrar, fersk eigar av randonneutstyr eller berre liker flotte naturbilete på stort lerret! Ta med venar og kom for ein kveld med inspirasjon og godt selskap! Filmen har 9 års aldersgrense.