Administrasjonen misforstod og var i god tru om at alle søknadene vart sendt inn. Det viste seg at berre søknadene om nærmiljøanlegg vart sendt inn og registrert hos departementet innan fristen. 

Dei åtte søknadene som gjeld ordinære anlegg for idrett og fysisk aktivitet vart då formelt sendt inn. Feilen er uheldig, men er slikt som kan skje. Kommunen tok opp dette med fylkeskommunen og departementet. Departementet er steile på at dei ikkje godtek at fylkeskommune behandlar dei søknadane som er levert etter fristen. 

Dei åtte søknadene representerer samla søknadssum på 18.6 million kroner. Storparten er knytt til Voldabadet, 15,1 million. Dei andre gjeld VTI Fotball (garderobeanlegg Volda stadion kr 1 mill, skifte av lys på Kragsetbana kr 170 000 ), Volda skisenter (nedfart Sandhornet aust kr 194 000, anlegg ved skisenteret kr 700 000, Volda rideklubb (stallbygg kr 939 000) og VTI Allidrett (rulleskianlegg for langrenn og skiskyting kr 557 000).

Systemet med spelemidlar fungerer slik at kommunane må melde inn anlegga i departementet sitt register kvart år. Det tek fleire år før ein får tilsegn og utbetaling av desse midlane. For til dømes Voldabadet, er det tidlegast venta at vi får utbetaling i 2028. Det er først då vi har budsjettert desse inntektene i kommunen sin økonomiplan. Anlegga vert meldt inn att neste år og åra deretter. Slik sett treng ikkje feilen med innmeldinga i år nødvendigvis medføre forseinkingar i seinare års utbetaling. 

Dette er i alle fall noko kommunen vil ha fokus på når vi melder inn anlegga i dei komande åra.