– No har vi hatt full fres i vel fire veker etter ferien, dette viser godt att på byggeplassen. På plan 1 er arbeidet med vasking over himling, samt lukking av himling godt i gang, fortel prosjektleiar Steinar Kilen.

– Tekniske fag held på med sluttmontering, og det meste av golvet er ferdig lagt. Det er etablert rein sone i festsalen med tilhøyrande toalettavdelinga.
 

– På plan 2 er det fullt fokus på kinosalen, både innvendig og utvendig. Entreprenøren er snart ferdig med å gipse kinoen innvendig. Tekniske fag er i full sving med å leggje opp alle nødvendige føringar som kino- og konferansesalen treng. Kiosken og toalettavdelinga er klar for måling.
– Tilbygget der det skal kome heis er påbegynt, med fundament og botnplate ferdige. I løpet av veka kjem stillaset på plass, slik at entreprenøren kan starte med å reise byggverket. Grunnentreprenør vil starte opp att arbeidet med omlegging av overvatn. I tillegg skal det etablerast fortau mellom Stormyra og uteplassen ved samfunnshuset for å sikre betre tryggleik for mjuke trafikantar kring Volda samfunnshus.

– Grunna mange endringar og uføresette hendingar har entreprenøren fått utvida fristen sin til 6. november. Målet vårt er at kommunestyret skal få ta i bruk den nye festsalen til møtet sitt i slutten av november. Opning av kinoen og ungdomsklubben er planlagt i løpet av året 2024.

Steinar seier at han håpar at dette blir ei løysing som blir positivt mottatt og som dei fleste blir fornøgde med.

Under buen blir det lounge Steinar Kilen

Nytt kinoamfi under bygging! Steinar Kilen

Utsikt frå toppen av kinoamfiet Steinar Kilen

Festsalen/kommunestyresal Steinar Kilen

Festsalen Steinar Kilen

Festsalen Steinar Kilen

Korridor mellom festsal og toalettavdeling Steinar Kilen

Reinhald/teknisk Steinar Kilen

Nye toalett med fine fargar Steinar Kilen

Nye toalett med fine fargar Steinar Kilen

Pauserom tilsette Steinar Kilen

Garderobe tilsette Steinar Kilen

Ungdomskafe - to ulike sonar - "Bar" og "Hage" Steinar Kilen

Ungdomskafe - to ulike sonar - "Bar" og "Hage" Steinar Kilen

Tilbygg med løfteplattform Steinar Kilen

Ny taktekking med koparbeslag Steinar Kilen