Ny vassforsyning frå Volda vassverk

Frå og med tysdag 9. april vil vi ta i bruk det nye høgdebassenget ved Volda vassverk. . Høgdebassenget har vore gjennom ei testperiode for å sikre at vi kan levere trygt drikkevatn til abonnentane våre i Volda sentrum.

Når det nye høgdebassenget vert satt i full drift og drikkevatnet blir levert direkte frå dette bassenget, vil vi samstundes starte svak kloring av drikkevatnet. Klormengda er lågare enn den vi har nytta ved tidlegare hendingar. Den er naudsynt for å stette krava i drikkevassforskrifta og er med på å sikre at det er trygt å drikke vatnet.

Det kan hende at nokre abonnentar opplever korte vatnavbrot når vi bytter over til det nye systemet. Vi gjer sjølvsagt vårt beste for å unngå dette. 

Vi vil takke for tålmodet og ser fram til å kunne levere vatn av høg kvalitet til alle våre abonnentar med det nye høgdebassenget i drift.