Nydyrking i Honndalslida Børild Skåra

Kvifor jordvernstrategi?

Jordvernstrategien skal auke kunnskapen om jordbruksareala våre, styrkje merksemda om jordvernet, redusere omdisponering og ta vare på matjorda i kommunen. Strategien byggjer på nasjonale og regionale føringar, lokalt kunnskapsgrunnlag og innspel frå ulike aktørar. Strategien vil legge føringar for korleis vi skal ta i vare matjorda i Volda kommunen i framtida.

Kommunestyret handsama jordvernstrategien 11.09.2025 (sak 52/25) og vedtok å sende strategien på høyring. Lenke til høyringsdokumentet: Jordvernstrategi for Volda kommune – Høyring (PDF, 13 MB) og kunnskapsgrunnlaget: Kunnskapsgrunnlag jordvernstrategi Volda kommune (PDF, 8 MB)

Velkomen til ope møte!

Vi ynskjer innspel frå ulike aktørar til høyringsframlegget, og inviterer utbyggarar, næringsliv, fag- og bondelag, grendalag, frivillige lag og organisasjonar - og andre interesserte - til møtet. 

På møtet vil kommunen presentere både kunnskapsgrunnlaget og hovudpunkta i strategien. Du får høyre meir om bakgrunnen for strategiarbeidet, status for matjorda i kommunen, utfordringar og moglegheiter - og det blir høve til spørsmål, diskusjon og kommentarar. 

• Tid: torsdag 2. oktober kl. 15.00-16.30
• Stad: Samfunnshuset i Volda

Velkomen!

Slik sender du innspel
Alle som vil kan sende innspel til høyringsforslaget. Høyringsfristen er 20. oktober 2025. Innspela må vere skriftelege, og kan sendast til:

• E-post: postmottak@volda.kommune.no
• eller per post: Volda kommune, Stormyra 2, 6100 Volda

Merk sendinga: «Høyring – kommunal jordvernstrategi».