Kva er ei statsborgarseremoni?

Statsborgarseremonien er ei offisiell markering for deg som nyleg har fått norsk statsborgarskap. Seremonien blir arrangert av Statsforvaltaren og inneheld talar, kulturelle innslag og så seier vi høgt i lag truskapsløftet til Noreg. Seremonien er eit fint høve til å feire ditt nye norske statsborgarskap i lag med familie og andre nye statsborgarar.

Kven kan delta?

Du som har fått innvilga norsk statsborgarskap mellom 1. januar 2024 og 1. mars 2025, og er over 12 år, vil få invitasjon til å delta på seremonien. Berre inviterte gjester får delta. Deltakinga er frivillig og gratis. Du som er invitert kan ta med deg inntil to gjester.

Når og kvar?

Statsborgarseremonien blir i år på Scandic Seilet hotell i Molde, søndag 24. august. Dersom du ikkje kan komme til Molde, er det mogleg å delta digitalt.

Invitasjon og påmelding

Invitasjonar blir sende ut i løpet av juni. I invitasjonen finn du informasjon om korleis du melder deg på. Vi anbefaler deg å svare så snart som mogleg etter at du har fått invitasjonen.

Les meir på Statsforvaltaren si heimeside.

Vi gler oss til å ønske deg velkomen!