Tema for møtet var totalforsvaret. Totalforsvaret er eit samleomgrep for det militære forsvaret og den sivile beredskapen i Noreg. Det betyr at forsvaret og det sivile samfunnet samarbeider og gir kvarandre gjensidig støtte i alvorlege kriser og krig. Målet er å førebyggje, planleggje for og handtere alvorlege kriser og krig.

Beredskapsrådgjevar Sonja Håvik orienterte om kommunal beredskapsplikt og gjeldande risikobilde. Heimevernet ved Rudy Amundsen, Sivilforsvaret ved Jonas Reitan og politistasjonssjef Oddbjørn Myklebust hadde innlegg om deira arbeid sett i lys av totalforsvaret. Kommunedirektøren i Vardø vitja møtet digitalt og fortalte om korleis kommunen, som grensar til vår nabo i aust, arbeider med beredskap. Dette var lærerik og nyttig kunnskap.

Volda kommune er heldige som har så mykje god kompetanse i beredskapsarbeidet.