Det var fantastisk å vere i Volda i helga då bygda var arena for både X2 Festivalen og NM i Volleyball for 15-åringar.  Etter to år der alt har vore på vent, er det spesielt kjekt å få samlast igjen. Både for deltakarar og publikum. Og det er kjekt at Volda har ein så flott arena å samlast på.

NM i Volleyball samla 15-åringar frå heile landet. Det vart for dei fleste både seier og tap, men eg håper at alle fekk med seg det beste av alt, møtet med nye menneske, og kanskje oppsto nye vennskap. Det var likevel spesielt kjekt at begge Volda sine lag gjekk til finalen, at gutelaget overraska positivt og at jentene drog i land NM-tittelen. Gratulerer og lukke til vidare. Det vert spanande å fylgje dokke. 

Frå Volleyballfinale gjekk ferda over fjorden til Lauvstad der korpset feira 60-årsjubileum. Korpset er eit generasjonskorps der unge og eldre i alle aldrar spelar saman. Det har ein verdi i seg sjølv. Jubilanten let godt og stilte med ny fane til anledninga. Det lovar godt for framtida.