No kan du låne nettbrett gratis på biblioteket i Volda
Målet med ordninga er å gi fleire seniorar moglegheit til å prøve ut nettbrett og bli tryggare på digitale tenester i kvardagen.
Du treng ikkje å eige nettbrett frå før. Dette er eit lågterskeltilbod for deg som er nyfiken og ønskjer å lære meir.
Kvifor låne nettbrett?
Eit nettbrett gjer det enklare å:
- halde kontakt med familie og vener
- lese aviser og finne informasjon
- ta del i videosamtalar
- bruke appar og digitale verktøy i kvardagen
Mange opplever at nettbrett er enklare å bruke enn både mobil og datamaskin.
Kven kan låne?
Ordninga er retta mot seniorar (innbyggarar frå 65 år) som ønskjer å prøve nettbrett over ei periode før dei eventuelt kjøper eige.
Kor lenge kan eg låne?
Vanleg lånetid er to veker.
Dersom det er ledige nettbrett, kan lånet i enkelte tilfelle forlengast etter avtale.
Kva kostar det?
Det er gratis å låne nettbrett.
Ved første utlån må du inngå ein enkel utlånsavtale.
Utlån og innlevering
Utlån og innlevering skjer på biblioteket.
Biblioteket kan også hjelpe deg med å kome i gang dersom du har spørsmål om grunnleggjande bruk.
Meld interesse
Vil du låne nettbrett?
Møt opp i skranken i biblioteket.
Eller send ein e-post til
Tilbodet startar opp i veke 35.