Marius Beck Dahle
Har du hugsa å søkje plass for neste skuleår?
Elektronisk søknadsskjema er no tilgjengeleg på kommunen sine nettsider. Gå inn på denne lenkja og legg inn søknad i dag! Dei som er elevar i kulturskulen i inneverande skuleår må registrere seg via eigen lenkje, sjå epost frå kulturskulen.
Sidan 1972 har Volda kulturskule gjeve born og unge i kommunen opplæring innan musikk- og kulturfag. I dag er det omlag 300 elevar som får timar i song, spel, dans eller teikning/måling. Skulen driv to folkedansgrupper for barn og unge, og to folkemusikkgrupper for barn og ungdom/vaksne. I tillegg driv kulturskulane i Volda og Ørsta Sunnmøre ungdomssymfoniorkester, der om lag 60 ungdommar, lærarar og støttemedlem speler i lag, held konsertar og reiser på turné. Elles har vi samspelgrupper både for stryk og blås, sant band. Du kan lese meir om tilboda våre her.
Skulen skipar til fleire konsertar og utstillingar kvart år, enten åleine eller saman med andre aktørar, og samarbeider nært med lokalt kulturliv elles i kommunen.
Volda kulturskule har eigne lokale samlokalisert med Øyra skule. Så langt det er praktisk mogleg blir det gitt undervisningstilbod i andre skulekrinsar. Dette er avhengig av tal på søkjarar til det enkelte tilbod og kvalifisert lærartilgang.
Prisen for ein kulturskuleplass er sett av kommunestyret i Volda. Sjå oversikt her.
Frist for å re-registrere plassen din og å søkje ny elevplass er 1. juni. Ta kontakt med rektor viss du har spørsmål.