Regine S. Aklestad

Målet med samlinga var å dele kunnskap og erfaringar på tvers av kommunar og fagområde, og å styrke arbeidet med jordvern i regionen.

Programmet inneheldt innlegg frå fleire fagpersonar:

Regine Aklestad, berekraftskoordinator i Volda kommune, ønskte velkomen.

Kari Bjørnøy frå Statsforvaltaren snakka om kvifor jordvern er viktig.

Synnøve Valle frå fylkeskommunen presenterte utvikling og utfordringar i arbeidet med jordvernmål i fylkesstrategien for landbruk.

Matias Kaarstad frå Ørsta kommune delte erfaringar frå arbeidet med kommunal jordvernstrategi.

Etter innlegga deltok deltakarane i gruppearbeid og drøfta spørsmål som:

• Korleis jobbar kommunane med jordvern i dag?
• Kva utfordringar møter dei i arbeidet?
• Kva kan kommunane gjere for å styrke jordvernet? 

Dagen vart avslutta med oppsummering og takk for innsatsen ved Brit Kari Eidseflot Hauger frå Statsforvaltaren.