Innspel frå grendeutvala Regine Solberg Aklestad

På møtet presenterte Regine Aklestad kunnskapsgrunnlaget som er utarbeidd, og orienterte om vidare prosess. Etter presentasjonen arbeidde deltakarane i grupper med to spørsmål:

1. Kva ser de på som dei største utfordringane for å ta vare på matjorda i kommunen?
2. Kva slags tiltak kan hjelpe oss å sikre matjorda framover?

Utfordringar som vart peika på:

• Rekruttering til landbruket og folk som vil satse.
• Låg lønsemd.
• Terreng, avstand og tilgjenge til jord som skal drivast.
• Mykje byråkrati, omfattande regelverk og store sentrale reguleringar.
• Utbyggingskonfliktar.
• Attgroing og utarming av jorda ved stordrift.

Føreslåtte tiltak:

• Aktiv formidling om tilskotsordningar.
• Meir aktiv informasjon “ut til folket” om viktigheita av lokal matproduksjon.
• Konsekvent handheving av bu- og driveplikt.
• Tilrettelegging for andelshagar og meir lokal matproduksjon.
• Fremje sauehald, som også held landskapet i hevd.

Innspela blir tekne med vidare i arbeidet med jordvernstrategien.