Formålet med jordvernstrategien er å auke kunnskapen om jordbruksareala, styrkje merksemda om jordvernet, redusere omdisponeringa og ta vare på matjorda i kommunen. Strategien byggjer på nasjonale og regionale føringar, lokalt kunnskapsgrunnlag og innspel frå ulike aktørar undervegs i arbeidet.
Kommunestyret i Volda handsama jordvernstrategien i møte 11.09.2025 (sak 52/25), og gjorde vedtak om å sende strategien på høyring. Lenke til høyringsdokument: Jordvernstrategi for Volda kommune - Høyring (PDF, 13 MB)
Alle som vil kan kome med innspel. Har du synspunkt eller innspel? Send dei skriftleg innan 20. oktober 2025 til:
- e-post: postmottak@volda.kommune.no
- eller per post: Volda kommune, Stormyra 2, 6100 Volda
Hugs å merke sendinga med: «Høyring – kommunal jordvernstrategi».