VILKÅR FOR LEIGE AV KOMMUNALE LOKALE

1. Generelt
   Ved booking og bruk av kommunale lokale gjennom Roomis stadfestar leigetakar at vilkåra under er lese, forstått og akseptert. Leigetakar må vere fylt 18 år.

Leigetakar er ansvarleg for at lokalet vert nytta i samsvar med gjeldande lover, reglar og desse vilkåra. Det skal oppgivast namn og telefonnummer til ansvarleg person ved booking. Ansvarleg person skal vere tilgjengeleg i heile leigeperioden.

1. Nøkkelutlevering
   Nøklar skal hentast og leverast ved Volda rådhus innanfor gjeldande opningstider. Leigetakar er sjølv ansvarleg for å orientere seg om opningstidene på kommunen si heimeside.

Tap av nøkkel vil bli fakturert med kr. 1 500,-. Dersom tap av nøkkel medfører behov for omlegging av låssystem eller andre tiltak, kan ytterlegare kostnader bli kravde dekka av leigetakar.

1. Branntryggleik og HMS
   Leigetakar pliktar å gjere seg kjend med rømningsvegar, plassering av sløkkeutstyr og gjeldande branninstruks før lokalet vert teke i bruk.

Nødutgangar og rømningsvegar skal til ei kvar tid haldast frie. Utstyr, møblar eller anna materiell skal ikkje plasserast slik at dette hindrar evakuering eller redningsarbeid.

Leigetakar er ansvarleg for at bruk av lokalet skjer på ein trygg og forsvarleg måte. Utrykking eller kostnader som følgje av feil bruk, manglande aktsomheit eller brot på reglar blir vidarefakturert til leigetakar.

Ved feil eller manglar på bygget kan byggvakt kontaktast på telefon 909 34 021. Dersom utrykking skuldast feil bruk eller forhold leigetakar er ansvarleg for, vil kostnaden bli vidarefakturert leigetakar.

1. Orden, reinhald og bruk av lokalet
   Leigetakar pliktar å rydde og reingjere lokalet etter bruk. Dette omfattar mellom anna:

• fjerning av avfall
• vask og rydding av nytta område
• tilbakeføring av møblar og utstyr
• sløkking av lys
• lukking og låsing av dører og vindauge

Lokalet skal tilbakeleverast i same stand som ved overtaking.

1. Skadeverk og melding om feil
   Leigetakar er økonomisk ansvarleg for skadeverk, tap eller unormal slitasje som oppstår i leigeperioden. Eventuelle skadar, feil eller avvik skal meldast til Volda kommune utan ugrunna opphald.

Ved alvorlege eller gjentekne brot på vilkåra kan Volda kommune nekte framtidig leige av kommunale lokale.

1. Avbestilling
   Avbestilling kan gjerast kostnadsfritt fram til 7 dagar før avtalt leigestart. Ved avbestilling seinare enn dette vil full leigepris bli fakturert.
2. Kameraovervaking
   Det er kameraovervaking på fasade og utvendige område ved enkelte kommunale bygg.
3. Aksept av vilkår
   Ved signering stadfestar leigetakar at vilkåra er aksepterte, og at ansvarleg person har nødvendig fullmakt til å inngå avtalen.

Volda kommune leiger ut Uppheimsplassen til både små og større arrangement. 

Du tingar plassen ved å ringe: 46 84 55 87 eller sende epost til servicekontor@volda.kommune.no

Ved større arrangement på ein søke.

Dersom du har behov for straum må du hente nøkkel til straumskapet på servicekontoret på rådhuset.

Alle som låner plassen må rydde etter seg og ta med søppel heim.

Det er servicekontoret som leiger ut torgplassen (det rosa området på kartet). Ved større arrangement med stengde vegar og parkeringsplassar må ein sende skriftleg søknad.

Det er gratis å stå der. Dersom det er fleire på same tid, må ein innrette seg etter kvarandre. Ein må rydde opp etter seg og ta med søppel heim.

Ein kan også låne straum. Då må ein få nøkkel på servicekontoret. 

Kart

Vikeneset kai er ei kommunal kai for lasting og lossing av varer, gods og anna materiell frå og til skip/båtar.

Kaia kan også nyttast til persontransport og lengre opphald. Det er Volda kommune som styrer all ferdsel ved og på kaia. Det er også areal for lagring av varer og gods ved kaia.

På kaia er kontainer for avfall som kan nyttast.

Volda kommune har døgnleige, ikkje timebasert leige.

Vikeneskaia har ein dimensjonerande tillatt vekt på 3 tonn/m2 i lagringskapasitet på land. 

Pullertfesta er 50T, og bruttotonnasje for båt skal ikkje overstige (BT) 12500T totalt. 

For å reservere plass ved kaia fyller du ut Bestillingsskjema for hamneplass 

Alle felt markert med gult skal vere fylt ut før innsending. Du vil bli varsla per e-post om kaia er ledig eller ikkje.

Faktura blir sendt dagen etter avreise. For å forlenge eit opphald fyller du ut nytt skjema og sender inn til same e-postadresse. 

Det er vassuttak og straum tilgjengeleg på kaia. Meir informasjon finn du på denne sida:

https://www.volda.kommune.no/tenester/naring-og-skatt/hamn-og-kai/

Gebyrsatsar for leige av hamneplass

Du reserverer badstova sjølv på denne nettsida: https://romis.no/booking-c/volda-kommune-andaneset

Badstova på Andanes - dynamittlageret

Vi leiger ut badstova på Andaneset, det gamle dynamittlageret .

Det gamle dynamittlageret er renovert og oppgradert som badstove. 
Du kjem dit ved å følgje Andanesvegen forbi siste huset. Gå turvegen ned til sjøen.

Ynskjer du å leige? Då bestiller du badstova på nett. 

Badstova har ein nøkkelboks, som du kan opne med kode.
Koda får du tilsendt i e-post tidleg den dagen du skal bruke badstova.

Prisen for leige er kr 300 inkludert mva. Må betalast med vipps ved bestilling.

Slik brukar du badstova på Andaneset:

Du får tilsendt låskode til døra samme dag som tinging gjeld for.

Ta med:

• ca 20 - 30 l ferskvatn
• ca 10 kg småved (ca 3-7 cm diameter)
• fyrstikker og opptenningsved
• drikkevatn 1 l per pers
• handkle
• planlegg godt med tid. Det tek minst 1-2 timar med oppvarming og ca 1 - 2 timar til resten.
• ha heller med deg for mykje vatn enn for lite,

NB! bruk av saltvatn er forbode i badstova!
 

Oppvarming sauna:

• ta ut asken frå omnen med askespaden og askeskuffa og legg det på ein stad som ingen trakkar på.
• legg inn småved og fyr opp. Hald god varme gjennom oppvarmingsperioden også medan du brukar saunaen.
• det kan ta 3 timar før omnen er varm nok.

Bruk sauna:

• bruk berre ferskvatn til saunaomnen. Bruk aldri sjøvatn! Salt øydelegg omnen.
• lukk tørkeluka i taket medan du tek sauna
• ta gode luftepauser og bad gjerne i sjøen. Det å ha sauna er ikkje ei konkurranse.
• husk å drikke nok vatn.

Før du forlet sauna:

• bruk resten av vatnet du hadde med deg til å vaske benkane.
• løft benkane opp for tørking.
• opne tørkeluka i taket.
• kost golvet.
• legg inn meir ved i omnen, slik at saunaen tørkar skikkeleg opp.
• ta med resten av veden din heim, ikkje lagre den inn under benkane!
• lås døra

Ved/ brensel til fyring av omnen:

Styrk Arbeid tilbyr brukarane av badstova på Andaneset kjøp av vèd frå deira lager på Prestegarden og dei kan kontaktast på tlf 957 58 181
Dei kan også levere vèd på tinging til Andaneset om ønskjeleg.

Bubilparkering

Plassen ligg sentralt i umiddelbar nærleik til butikkar og sentrumstilbod. Rekreasjonsområde og turvegar er også like i nærleiken.

I Volda er mykje å sjå om ein vil rusle rundt i sentrum. Gå langs hamna og ut på moloen. 
Går du Andanesvegen går du forbi Garvarbuda, småbåthamna og kjem til turområdet på Andaneset. På Andaneset turområde er det mogleg å leige badstove. 
Via Lægdavegen eller Andanesvegen kjem du til bygdetunet Haualeite, med sitt lune fine område og dei gamle husa.

Frå sentrum/Industrigata er det kort veg til å gå i Elvadalen og til Volda skatepark og stadionparken på Rotset. Der er klatrejungel, streetbasketbane og treningsapparat. Derifrå er kort veg til badeplassen Årneset ved Rotevatnet. I andre enden av Rotevatnet er den nyleg opparbeida friluftslivområdet Botnasanden. Der er det også sanitæranlegg.

Du kan finne mykje fint i Volda sine butikkar. I Volda finn du opne kafear på kveldstid og helg.